UPDATED.. ਇਲੈਕਟ੍ਰੋਨਿਕ ਦੀ ਦੁਕਾਨ ਚ ਲੱਗੀ ਭਿਆਨਕ ਅੱਗ,ਲੱਖਾਂ ਦਾ ਸਾਮਾਨ ਸੜ ਕੇ ਹੋਇਆ ਸੁਆਹ 

ਗੜ੍ਹਦੀਵਾਲਾ (ਚੌਧਰੀ, ਕਮਲਜੀਤ ਭਟੋਆ, ਯੋਗੇਸ਼ ਗੁਪਤਾ) : ਸਥਾਨਕ ਕੋਈ ਰੋਡ ਤੇ ਬੀ.ਐੱਸ.ਐੱਨ.ਐੱਲ. ਐਕਸਚੇਂਜ ਦੇ ਸਾਹਮਣੇ ਸਥਿਤ ਸ਼੍ਰੀ ਇਲੈਕਟ੍ਰੋਨਿਕ ਦੀ ਦੁਕਾਨ ਨੂੰ ਰਾਤ 2 ਵਜੇ ਦੇ ਕਰੀਬ ਭਿਆਨਕ ਅੱਗ ਲੱਗਣ ਨਾਲ ਲੱਖਾਂ ਰੁਪਏ ਦਾ ਕੀਮਤੀ ਸਾਮਾਨ ਸੜ ਕੇ ਸੁਆਹ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੀਤੀ ਰਾਤ ਰਾਤ 2 ਵਜੇ ਦੇ ਕਰੀਬ ਜਦੋਂ ਪੁਲਿਸ ਮੁਲਾਜ਼ਮਾਂ ਨੂੰ ਦੁਕਾਨ ਤੇ ਅੱਗ ਲੱਗਣ ਦੀ ਸੂਚਨਾ ਮਿਲੀ ਤਾਂ ਉਨ੍ਹਾਂ ਨੇ ਮੌਕੇ ਤੇ ਫਾਇਰ ਬ੍ਰਿਗੇਡ ਨੂੰ ਬੁਲਾ ਕੇ ਅੱਗ ‘ਤੇ ਕਾਬੂ ਪਾਇਆ ਪਰ ਉਦੋਂ ਤੱਕ ਪੂਰੀ ਦੁਕਾਨ ਦਾ ਸਾਮਾਨ ਸੜ ਕੇ ਸੁਆਹ ਹੋ ਚੁੱਕਾ ਸੀ|ਜਿਸ ਵਿੱਚ ਲੱਖਾਂ ਦੇ ਸਾਮਾਨ ਦਾ ਨੁਕਸਾਨ ਹੋਣ ਦਾ ਖਦਸਾ ਜਤਾਇਆ ਜਾ ਰਿਹਾ ਹੈ।ਅੱਗ ਲੱਗਣ ਦੇ ਸਹੀ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ।

ਇਸ ਸੰਬੰਧ ਪੁਲਿਸ ਨੂੰ ਦਿੱਤੀ ਦਰਖਾਸਤ ਵਿਚ ਦੁਕਾਨ ਦੇ ਮਾਲਕ ਸਰਬਜੀਤ ਸਿੰਘ ਪੁੱਤਰ ਸ. ਸੋਦਾਗਰ ਸਿੰਘ ਪਿੰਡ ਡੱਫਰ ਤਹਿਸੀਲ ਦਸੂਹਾ ਜ਼ਿਲ੍ਹਾ ਹੁਸ਼ਿਆਰਪੁਰ  ਨੇ ਕਿਹਾ ਕਿ ਮੈਂ ਪਿੰਡ ਡੱਫਰ ਦਾ ਵਾਸੀ ਹਾਂ। ਮੇਰੀ ਸ਼੍ਰੀ ਇਲੈਕਟਰੀਕਲ ਦੀ ਦੁਕਾਨ ਜੋ ਕਿ ਕੋਈ ਰੋਡ ਸਾਹਮਣੇ B.S.N.L. ਦਫਤਰ ਕੋਲ ਹੈ। ਮੈਂ ਆਪਣੀ ਦੁਕਾਨ ਰੋਜ਼ਾਨਾ ਦੀ ਤਰ੍ਹਾਂ ਸਮੇਤ ਸਾਰੇ ਮੇਨ ਸਵਿੱਚ ਬੰਦ ਕਰਕੇ ਗਿਆ ਸੀ। ਮੈਨੂੰ ਬੀਤੀ ਦੇਰ ਰਾਤ 2 ਵਜੇ ਦੇ ਕਰੀਬ  ਪੁਲਿਸ ਥਾਣਾ ਗੜ੍ਹਦੀਵਾਲਾ ਤੋਂ ਫੋਨ ਆਇਆ ਕਿ ਤੁਹਾਡੀ ਦੁਕਾਨ ਨੂੰ ਅੱਗ ਲੱਗੀ ਹੋਈ ਹੈ। ਮੈਂ ਫੋਨ ਸੁਣਨ ਤੋਂ ਬਾਦ ਤੁੰਰਤ ਆਪਣੀ ਦੁਕਾਨ ਤੇ ਪਹੁੰਚ ਕੇ ਦੇਖਿਆ ਕਿ ਦੁਕਾਨ ਨੂੰ ਭਿਆਨਕ ਅੱਗ ਲੱਗੀ ਹੋਈ ਸੀ। ਮੇਰੇ ਦੁਕਾਨ ਪਹੁੰਚਣ ਤੇ ਥਾਣਾ ਗੜ੍ਹਦੀਵਾਲਾ ਦੀ ਪੁਲਿਸ ਅਤੇ ਲੋਕਲ ਫਾਇਰ ਬੁਗੇਡ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ।ਮੇਰੀ ਦੁਕਾਨ ਦਾ ਸਾਰਾ ਇਲੈਕਟਰੀਕਲ ਦਾ ਸਮਾਨ ਸੜ ਕੇ ਸੁਆਹ ਹੋ ਗਿਆ ਹੈ। ਜਿਸ ਦੀ ਕਿ ਅਨੁਮਾਨਿਤ ਕੀਮਤ 38 ਤੋਂ 40 ਲੱਖ ਦੇ ਕਰੀਬ ਹੈ। ਦੁਕਾਨ ਹੀ ਮੇਰੀ ਰੋਜੀ ਰੋਟੀ ਦਾ ਸਹਾਰਾ ਸੀ।ਦੁਕਾਨ ਮਾਲਕ ਨੇ ਪੁਲਿਸ ਨੂੰ ਲਿਖਤੀ ਸ਼ਿਕਾਇਤ ਵਿਚ ਅੱਗ ਲੱਗਣ ਦੇ ਕਾਰਨਾਂ ਦੀ ਪੜਤਾਲ ਕਰਨ ਲਈ ਵੀ ਅਪੀਲ ਕੀਤੀ ਹੈ। ।