ਗੜ੍ਹਦੀਵਾਲਾ 8 ਅਪ੍ਰੈਲ (ਚੌਧਰੀ)
: ਚੋਰਾਂ ਨੇ ਬੀਤੀ ਰਾਤ ਪਿੰਡ ਚੱਕ ਲਾਦੀਆਂ ਵਿਖੇ ਇੱਕ ਹਵੇਲੀ ਨੂੰ ਆਪਣਾ ਨਿਸ਼ਾਨਾ ਬਣਾਉਂਦੇ ਹੋਏ ਮੱਝ,ਝੋਟੀ ਅਤੇ ਇੱਕ ਕੱਟੀ ਚੋਰੀ ਕਰਕੇ ਫਰਾਰ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਇਸ ਸਬੰਧੀ ਪਸ਼ੂ ਮਾਲਕ ਬਘੇਲ ਸਿੰਘ ਪੁੱਤਰ ਕਰਨੈਲ ਸਿੰਘ ਵਾਸੀ ਪਿੰਡ ਚੱਕ ਲਾਦੀਆਂ ਤਹਿਸੀਲ ਤੇ ਜ਼ਿਲਾ ਹੁਸ਼ਿਆਰਪੁਰ ਨੇ ਪ੍ਰੈਸ ਨੂੰ ਇਸ ਚੋਰੀ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਚੋਰਾਂ ਵਲੋਂ ਬੀਤੀ ਰਾਤ ਮਿਤੀ 07-04-2026 ਨੂੰ ਮੇਰੀ ਹਵੇਲੀ ਵਿੱਚੋਂ ਮੱਝ,ਝੋਟੀ ਅਤੇ ਇੱਕ ਕੱਟੀ ਚੋਰੀ ਕੀਤੀਆਂ ਗਈਆਂ ਹਨ।
ਉਨ੍ਹਾਂ ਦੱਸਿਆ ਕਿ ਜਦੋਂ ਅੱਜ ਸਵੇਰੇ ਪੰਜ ਵਜੇ ਮੈਂ ਆਪਣੀ ਹਵੇਲੀ ਵਿੱਚ ਗਿਆ ਤੇ ਦੇਖਿਆਂ ਕਿ ਮੇਰੇ ਪਸ਼ੂ ਹਵੇਲੀ ਵਿੱਚ ਨਹੀਂ ਹਨ । ਮੈਂ ਹਵੇਲੀ ਦੇ ਆਲੇ ਦੁਆਲੇ ਸਾਰੇ ਦੇਖਿਆ ਤੇ ਸਾਨੂੰ ਪਸ਼ੂਆਂ ਦੇ ਪੈੜਾਂ ਦੇ ਨਿਸ਼ਾਨ ਅਤੇ ਤਿੰਨ ਬੰਦਿਆਂ ਦੇ ਪੈਰਾਂ ਦੇ ਨਿਸ਼ਾਨ ਦੇਖੇ ਗਏ ਸਨ । ਜਦੋਂ ਅਸੀ ਪੈੜਾਂ ਦੇ ਨਿਸ਼ਾਨਾਂ ਦਾ ਪਿੱਛਾ ਕੀਤਾ ਤੇ ਨਿਸ਼ਾਨ ਨਹਿਰ ਤੱਕ ਗਏ ਤੇ ਉਥੇ ਸਾਨੂੰ ਛੱਕ ਹੋਇਆ ਕਿ ਪਸ਼ੂ ਗੱਡੀ ਤੇ ਲੋਡ ਕਰਕੇ ਚੋਰ ਲੈ ਕੇ ਗਏ ਸਨ ।
ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਮੇਰੇ ਵਲੋਂ ਪੁਲਿਸ ਚੌਂਕੀ ਇੰਚਾਰਜ ਭੂੰਗਾ ਨੂੰ ਵੀ ਲਿਖਤੀ ਸ਼ਿਕਾਇਤ ਦਿੱਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਚੋਰੀ ਨਾਲ ਮੇਰਾ ਲੱਖਾਂ ਚ ਨੁਕਸਾਨ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਪੁਲਿਸ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਇਨ੍ਹਾਂ ਚੋਰਾਂ ਨੂੰ ਜਲਦੀ ਲੱਭ ਕੇ ਮੇਰੇ ਨੁਕਸਾਨ ਦੀ ਭਰਪਾਈ ਕਰਵਾਈ ਜਾਵੇ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪੁਲਿਸ ਪ੍ਰਸ਼ਾਸਨ ਚੋਰਾਂ ਨੂੰ ਲੱਭਣ ਵਿਚ ਕਾਮਯਾਬ ਹੁੰਦਾ ਹੈ ਜਾਂ ਫਿਰ ਮਾਮਲਾ ਸਿਰਫ ਐਫ ਆਈ ਆਰ ਦਰਜ ਤੱਕ ਹੀ ਸੀਮਤ ਰਹਿੰਦਾ ਹੈ।
ਫੋਟੋ ਕੈਪਸ਼ਨ : ਚੋਰੀ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪਸ਼ੂ ਮਾਲਕ ਬਘੇਲ ਸਿੰਘ।
