ਦਸੂਹਾ 2 ਮਈ (ਚੌਧਰੀ) : ਅੱਜ  ਕੁੱਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ ਦਸੂਹਾ   ਵੱਲੋਂ  ਪੰਜਾਬ ਦੇ ਮੁੱਖ ਮੰਤਰੀ ਨੂੰ  ਜ਼ਿਲ੍ਹਾ ਪ੍ਰਧਾਨ ਹਰਬੰਸ ਸਿੰਘ ਧੂਤ ਦੀ ਪ੍ਰਧਾਨਗੀ ਹੇਠ  ਪੰਜਾਬ ਰਾਜ ਪੰਜਾਬ ਪਾਵਰ ਕਾਰਪੋਰੇਸ਼ਨ ਦੇ ਐਸਡੀਓ ਗੜਦੀਵਾਲਾ   ਰਾਹੀਂ  ਹਰੇਕ ਪਰਿਵਾਰ ਨੂੰ ਬਿਨਾਂ ਸ਼ਰਤ ਤਿੱਨ ਸੌ ਯੂਨਿਟ ਬਿਜਲੀ ਮੁਫ਼ਤ ਦੇਣ ਲਈ ਮੈਮੋਰੰਡਮ ਦਿੱਤਾ ਗਿਆ । ਉਸ ਵਿੱਚ ਜ਼ੋਰਦਾਰ ਮੰਗ ਕੀਤੀ ਗਈ ਕਿ ਚਿੱਪ ਵਾਲੇ ਮੀਟਰ ਲਾਉਣੇ ਤੁਰੰਤ ਬੰਦ ਕੀਤੇ ਜਾਣ  ਕਿਉਂਕਿ ਕਿਸੇ ਵੀ ਮਜ਼ਦੂਰ ਕੌਲ ਅਗਾਊਂ ਚਿੱਪ ਵਾਲੇ ਮੀਟਰ ਦੇ ਪੈਸੇ ਜਮ੍ਹਾਂ ਕਰਾਉਣ ਦੀ ਸਮਰੱਥਾ ਨਹੀਂ ਹੁੰਦੀ,  ਇਸ   ਲਈ ਮਜ਼ਦੂਰ ਬਿਜਲੀ ਦੀ ਸਹੂਲਤ ਤੋਂ ਵਾਂਝਾ ਹੋ ਜਾਵੇਗਾ । ਚੋਣਾਂ ਦੌਰਾਨ ਕੀਤੇ ਵਾਅਦੇ ਮੁਤਾਬਕ ਹਰੇਕ ਪਰਿਵਾਰ ਨੂੰ ਛੇ ਸੌ ਯੂਨਿਟ ਬਿਜਲੀ ਦੋ ਮਹੀਨੇ ਦੀ   ਮੁਫ਼ਤ ਦਿੱਤੀ ਜਾਵੇ ।  ਇਸ ਵਿੱਚ ਕੋਈ ਸ਼ਰਤ ਨਹੀਂ ਹੋਣੀ ਚਾਹੀਦੀ ਕਿ ਐਸ ਸੀ ਹੈ ,ਬੀਸੀ ਹੈ ,ਜਨਰਲ ਹੈ ।ਸਾਰਿਆਂ ਨੂੰ ਬਿਜਲੀ ਫਰੀ ਦਿੱਤੀ ਜਾਵੇ । ਕਿਉਂਕਿ ਖੇਤੀਬਾੜੀ ਲਈ ਵੀ ਲੋਡ ਦੀ ਕੋਈ ਸ਼ਰਤ ਨਹੀਂ ਹੈ।  ਸਰਕਾਰ ਇਸ ਵੱਲ ਧਿਆਨ ਦੇਵੇ ਨਹੀਂ ਤਾਂ ਕੁੱਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ ਸੱਤਿਆਗ੍ਰਹਿ ਕਰਨ ਲਈ ਮਜਬੂਰ ਹੋਵੇਗੀ । ਅੱਜ ਮੈਮੋਰੰਡਮ ਦੇਣ ਵਾਲਿਆਂ ਵਿੱਚ ਹਰਬੰਸ ਸਿੰਘ ਧੂਤ ਦੇ ਨਾਲ ਰਣਜੀਤ ਸਿੰਘ ਚੌਹਾਨ, ਚਰਨਜੀਤ ਸਿੰਘ ਚਠਿਆਲ, ਚਰਨ ਸਿੰਘ ਗੜ੍ਹਦੀਵਾਲਾ, ਡਾ ਮਝੈਲ ਸਿੰਘ’ ਚਰਨਜੀਤ ਸਿੰਘ ਤੋਏ, ਮਲਕੀਤ ਸਿੰਘ, ਸੁਰਿੰਦਰ ਸਿੰਘ ,ਅਮਰੀਕ ਸਿੰਘ ਆਦਿ ਹਾਜ਼ਰ ਸਨ।