ਵਿਧਾਇਕ ਐਡਵੋਕੇਟ ਕਰਮਵੀਰ ਘੁੰਮਣ ਦੇ ਯਤਨਾਂ ਸਦਕਾ ਪਿੰਡ ਮੱਕੋਵਾਲ ਲਈ ਨਵਾਂ ਵਾਟਰ ਸਪਲਾਈ ਬੋਰ ਮੰਨਜੂਰ
ਦਸੂਹਾ 6 ਜੁਲਾਈ (ਚੌਧਰੀ) : ਹਲਕਾ ਵਿਧਾਇਕ ਦਸੂਹਾ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ ਜੀ ਦੇ ਯਤਨਾਂ ਨਾਲ ਪਿੰਡ ਮੱਕੋਵਾਲ ਲਈ ਨਵਾਂ ਵਾਟਰ ਸਪਲਾਈ ਬੋਰ ਮੰਨਜੂਰ ਹੋ ਗਿਆ ਹੈ। ਇੱਥੇ ਇਹ ਦੱਸਣਾ ਜਰੂਰੀ ਹੈ ਕਿ ਕੰਢੀ ਇਲਾਕੇ ਲਈ ਪਿੰਡ ਮੱਕੋਵਾਲ ਵਿੱਚ ਸਾਲ 1976 ਵਿੱਚ ਵਾਟਰ ਸਪਲਾਈ ਚਾਲੂ ਕੀਤੀ ਗਈ ਸੀ ਅਤੇ ਹੁਣ ਇਸਦੀ 46 ਸਾਲ ਪੁਰਾਣੀ ਮਸ਼ੀਨਰੀ ਹੋ ਜਾਣ ਕਾਰਨ ਇਸ ਵਿੱਚ ਕਈ ਤਕਨੀਕੀ ਨੁਕਸ ਪੈ ਜਾਂਦੇ ਸਨ,ਜਿਸ ਨਾਲ ਕੰਢੀ ਇਲਾਕੇ ਦੇ ਲੋਕਾਂ ਨੂੰ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਅਕਸਰ ਹੀ ਆ ਜਾਂਦੀ ਸੀ।
ਹੁਣ ਸਰਕਾਰ ਵਲੋਂ ਨਵਾਂ ਬੋਰ ਮੰਨਜੂਰ ਹੋ ਜਾਣ ਨਾਲ ਪਿੰਡ ਮੱਕੋਵਾਲ, ਸਾਨਚੱਕ-ਜੋਗੀਆਣਾ ਕਾਲੋਵਾਲ ਅਤੇ ਸੰਸਾਰਪੁਰ ਦੇ ਲੋਕਾਂ ਦੀ ਪੀਣ ਵਾਲੇ ਪਾਣੀ ਦੀ ਸਮੱਸਿਆ ਦਾ ਹੱਲ ਹੋ ਜਾਵੇਗਾ।ਵਾਟਰ ਸਪਲਾਈ ਦਾ ਨਵਾਂ ਬੋਰ ਮੰਨਜੂਰ ਹੋ ਜਾਣ ਤੇ ਪਿੰਡ ਨਿਵਾਸੀਆਂ ਨੇ ਹਲਕਾ ਵਿਧਾਇਕ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ ਦਾ ਧੰਨਵਾਦ ਕੀਤਾ ਅਤੇ ਐਸ ਡੀ ਓ ਵਾਟਰ ਸਪਲਾਈ ਇੰਜੀਨੀਅਰ ਗੁਰਬਚਨ ਸਿੰਘ ਡਡਵਾਲ ਨੂੰ ਪਿੰਡ ਨਿਵਾਸੀਆਂ ਵਲੋਂ ਇਸਦੇ ਲਈ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਤੇ ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਧਾਨ ਮਾਸਟਰ ਸੁਰਜੀਤ ਸਿੰਘ,ਸਰਕਲ ਇੰਚਾਰਜ ਰਮਨ ਕਾਂਤ,ਸਰਕਲ ਇੰਚਾਰਜ ਰਾਜੇਸ਼ ਕੁਮਾਰ ਬਿੱਟੂ,ਮਨਜਿੰਦਰ ਸਿੰਘ ਸੋਨੂੰ,ਸਾਬਕਾ ਸਰਪੰਚ ਕਿਸ਼ਨ ਚੰਦ ਅਤੇ ਬਹੁਤ ਸਾਰੇ ਪਿੰਡ ਨਿਵਾਸੀ ਹਾਜਿਰ ਸਨ।
