ਚੰਡੀਗੜ੍ਹ(ਬਿਊਰੋ)
*ਮਲਟੀਪਰਪਜ਼ ਹੈਲਥ ਇੰਪਲਾਈਜ ਯੂਨੀਅਨ ਪੰਜਾਬ ਦਾ ਡੈਪੂਟੇਸ਼ਨ ਡਾਇਰੈਕਟਰ ਹੈਲਥ ਨੂੰ ਮਿਲਿਆ*
11 ਅਗਸਤ : ਮਲਟੀਪਰਪਜ ਹੈਲਥ ਇੰਪਲਾਈਜ ਯੂਨੀਅਨ ਪੰਜਾਬ ਦੀ ਹੋਈ ਜੂਮ ਮੀਟਿੰਗ ਰਾਹੀਂ ਹੋਏ ਫੈਸਲੇ ਦੇ ਅਨੁਸਾਰ ਜਥੇਬੰਦੀ ਦਾ ਮਾਸ ਡੈਪੂਟੇਸ਼ਨ ਸੂਬਾ ਪ੍ਰਧਾਨ ਸਾਥੀ ਕੁਲਬੀਰ ਸਿੰਘ ਮੋਗਾ ਦੀ ਅਗਵਾਈ ਵਿੱਚ ਡਾਇਰੈਕਟਰ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਅਤੇ ਡਾਇਰੈਕਟਰ ਸਿਹਤ ਸੇਵਾਵਾਂ (ਪ ਭ ) ਨੂੰ ਮਿਲਿਆ।ਸੂਬਾ ਜਨਰਲ ਸਕੱਤਰ ਸਾਥੀ ਗਗਨਦੀਪ ਸਿੰਘ ਬਠਿੰਡਾ ਨੇ ਦੱਸਿਆ ਕਿ ਜਥੇਬੰਦੀ ਵੱਲੋਂ ਗਲਤ ਹੋਈਆਂ ਬਦਲੀਆਂ ਨੂੰ ਰੱਦ ਕਰਵਾਉਣ ਲਈ ਪੱਤਰ ਡਾਇਰੈਕਟਰਾਂ ਨੂੰ ਦਿੱਤਾ ਗਿਆ ਅਤੇ ਸੀਨੀਅਰਤਾ ਸੂਚੀਆਂ ਵਿੱਚ ਨਾਮ ਦਰਜ਼ ਹੋਣ ਵੱਲੋਂ ਰਹਿੰਦੇ ਕਰਮਚਾਰੀਆਂ ਦੇ ਪੱਤਰ ਦਿੱਤੇ ਗਏ। ਪਹਿਲਾਂ ਭੇਜੇ ਮੰਗ ਪੱਤਰ ਤੇ ਮੀਟਿੰਗ ਦਾ ਸਮਾਂ ਮੰਗਿਆ ਗਿਆ। ਡਾਇਰੈਕਟਰ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਅਤੇ ਡਾਇਰੈਕਟਰ ਸਿਹਤ ਸੇਵਾਵਾਂ ਵੱਲੋਂ ਜਥੇਬੰਦੀ ਨਾਲ 24 ਅਗਸਤ ਦੀ ਮੀਟਿੰਗ ਦਾ ਸਮਾਂ ਤਹਿ ਹੋਇਆ।ਦੱਸਣਯੋਗ ਹੈ ਕਿ ਜਥੇਬੰਦੀ ਕੇਡਰ ਦਾ ਨਾਮ ਬਦਲਣ , ਕੱਟੇ ਗਏ ਭੱਤਿਆਂ,ਸੀਨੀਆਰਤਾ ਸੂਚੀਆਂ ਵਿੱਚ ਸੋਧ, ਨਵੇਂ ਭਰਤੀ ਸਿਹਤ ਕਾਮਿਆਂ ਤੇ ਪੰਜਾਬ ਸਕੇਲ ਲਾਗੂ ਕਰਵਾਉਣ,ਬੰਦ ਪਏ ਟ੍ਰਨਿੰਗ ਸਕੂਲਾਂ ਨੂੰ ਚਾਲੂ ਕਰਵਾਉਣ ਆਦਿ ਮੰਗਾਂ ਨੂੰ ਲੈ ਕੇ ਲਗਾਤਾਰ ਸੰਘਰਸ਼ ਦੇ ਰਾਹ ਤੇ ਹੈ। ਜਥੇਬੰਦੀ ਵੱਲੋਂ ਫੈਸਲਾ ਹੈ ਕਿ ਜੇਕਰ ਜਥੇਬੰਦੀ ਦੀਆਂ ਮੰਗਾਂ ਮਸਲੇ ਹੱਲ ਨੀ ਹੁੰਦੇ ਤਾਂ ਆਉਣ ਵਾਲੇ ਸਮੇਂ ਵਿੱਚ ਤਿੱਖੇ ਸੰਘਰਸ਼ ਸ਼ੁਰੂ ਕੀਤੇ ਜਾਣਗੇ।ਅੱਜ ਦੇ ਡੈਪੂਟੇਸ਼ਨ ਵਿਚ ਸਾਥੀ ਸੁਖਵਿੰਦਰ ਸਿੰਘ ਮੁਕਤਸਰ,ਟਹਿਲ ਸਿੰਘ ਫਾਜ਼ਿਲਕਾ, ਜਗਤਾਰ ਸਿੰਘ ਮਲੇਰਕੋਟਲਾ,ਭੁਪਿੰਦਰਜੀਤ ਕੌਰ ਬਠਿੰਡਾ,ਸਤਪਾਲ ਸਿੰਘ ਅਤੇ ਰਮਨ ਅੱਤਰੀ ਫਿਰੋਜ਼ਪੁਰ, ਸੁਖਵੀਰ ਸਿੰਘ ਰੋਪੜ, ਗੁਰਪ੍ਰੀਤ ਸਿੰਘ ਮਾਨਸਾ, ਰਮਨਜੀਤ ਸਿੰਘ ਅਤੇ ਜਗਰੂਪ ਸਿੰਘ ਮੋਗਾ,ਭਰਤ ਸੇਠੀ,ਸੁਰਿੰਦਰਜੀਤ ਸਿੰਘ ,ਪੁਨੀਤ ਕੁਮਾਰ, ਮੁਨੀਸ਼ ਕੁਮਾਰ,ਜਸਦੀਪ ਸਿੰਘ,ਹਰਿੰਦਰ ਸਿੰਘ ਅਤੇ ਪਰਮਿੰਦਰ ਸਿੰਘ ਰੋਪੜ ਅਤੇ ਹਰਪ੍ਰੀਤ ਸਿੰਘ ਬੱਪੀਆਣਾ ਮਾਨਸਾ ਹਾਜ਼ਰ ਸਨ।
