ਧਾਰਮਿਕ,ਸਮਾਜਿਕ ਅਤੇ ਵਪਾਰਕ ਜਥੇਬੰਦੀਆਂ ਦੇ ਆਗੂਆਂ ਵੱਲੋਂ ਸ਼ਹਿਰ ਵਿੱਚ ਬਾਹਰਲੇ ਸੂਬਿਆਂ ਦੇ ਅਜਨਬੀ ਲੋਕਾਂ ਦੇ ਖਿਲਾਫ ਮੁਜ਼ਾਹਰਾ ਕੀਤਾ ਤੇ ਐੱਸਐੱਸਪੀ ਨੂੰ ਦਿੱਤਾ ਮੰਗ ਪੱਤਰ

ਬਟਾਲਾ ਸ਼ਹਿਰ ਵਿਚ ਬਾਹਰ ਦੇ ਸੂਬਿਆਂ ਤੋਂ ਆਏ ਲੋਕਾਂ ਦੀ ਜਾਂਚ ਪੜਤਾਲ ਕੀਤੀ ਜਾਵੇ: ਸਮੂਹ ਆਗੂ

ਬਟਾਲਾ 17 ਮਈ (ਅਵਿਨਾਸ਼ ਸ਼ਰਮਾ):- ਅੱਜ ਬਟਾਲਾ ਦੀਆਂ ਸਮੂਹ ਧਾਰਮਿਕ, ਸਮਾਜਿਕ, ਵਪਾਰਕ ਜਥੇਬੰਦੀਆਂ ਦੇ ਆਗੂਆਂ ਅਤੇ ਬਟਾਲਾ ਨਿਵਾਸੀਆਂ ਦੇ ਇੱਕ ਭਾਰੀ ਇਕੱਠ ਵੱਲੋਂ ਸ਼ਿਵ ਸੈਨਾ ਬਾਲ ਠਾਕਰੇ ਦੇ ਆਗੂ ਸ੍ਰੀ ਰਮੇਸ ਨਈਅਰ , ਬਜਰੰਗ ਦਲ ਬਟਾਲਾ ਦੇ ਆਗੂ ਸ੍ਰੀ ਹਨੀ ਮਿੱਤਲ ਜੀ ਅਤੇ ਭਗਵਾਨ ਵਾਲਮੀਕਿ ਕ੍ਰਾਂਤੀ ਸੈਨਾ ਦੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀ ਵੀਰ ਸਿੰਘ ਦੀ ਅਗਵਾਈ ਹੇਠਾਂ ਸ਼ਹਿਰ ਵਿੱਚ ਮੁਜ਼ਾਹਰਾ ਕੀਤਾ ਗਿਆ ਅਤੇ ਐਸ ਐਸ ਪੀ ਬਟਾਲਾ ਨੂੰ ਸ਼ਹਿਰ ਦੇ ਅੰਦਰ ਵੱਡੀ ਗਿਣਤੀ ਵਿੱਚ ਘੁੰਮ ਰਹੇ ਅਤੇ ਕੰਮ ਧੰਦੇ ਕਰ ਰਹੇ ਸ਼ੱਕੀ ਅਤੇ ਅਜਨਬੀ ਵਿਅਕਤੀਆਂ ਦੀ ਜਾਂਚ ਪੜਤਾਲ ਕਰਨ ਸੰਬੰਧੀ ਇੱਕ ਮੰਗ ਪੱਤਰ ਸੌਂਪਿਆ ਗਿਆ। ਇਸ ਉਪਰੰਤ ਗੱਲਬਾਤ ਕਰਦਿਆ ਉਕਤ ਆਗੂਆਂ ਨੇ ਇੱਕ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਬਟਾਲਾ ਤਹਿਸੀਲ ਅੰਦਰ ਪਿਛਲੇ ਕਾਫ਼ੀ ਸਮੇਂ ਤੋਂ ਬਹੁਤ ਵੱਡੀ ਗਿਣਤੀ ਵਿੱਚ ਸ਼ੱਕੀ ਅਤੇ ਅਜਨਬੀ ਵਿਅਕਤੀਆਂ ਦੀ ਭੀੜ ਲਗਾਤਾਰ ਵਧਦੀ ਜਾ ਰਹੀ ਹੈ। ਇਹ ਵਿਅਕਤੀ ਖ਼ਾਸ ਤੌਰ ਤੇ ਸ਼ਹਿਰ ਅੰਦਰ ਰਿਹੜੀਆਂ ਫੜੀਆਂ ਉੱਤੇ ਸਬਜ਼ੀਆਂ ਅਤੇ ਫਲ ਵੇਚਦੇ ਨਜ਼ਰ ਆਉਂਦੇ ਹਨ। ਇਸਦੇ ਨਾਲ ਹੀ ਇਹ ਸ਼ਹਿਰ ਅੰਦਰ ਵੱਖ-ਵੱਖ ਤਰ੍ਹਾਂ ਦੇ ਕੰਮ ਧੰਦਿਆਂ ਅੰਦਰ ਵੀ ਪੂਰੀ ਤਰ੍ਹਾਂ ਨਾਲ ਵੜ ਚੁੱਕੇ ਹਨ। ਉਹਨਾਂ ਕਿਹਾ ਕਿ ਪਿਛਲੇ ਦਿਨੀ ਟਾਂਡਾ ਹਲਕੇ ਅੰਦਰ ਜਦੋਂ 25 ਦੇ ਕਰੀਬ ਗਊ ਵੰਸ਼ ਨੂੰ ਬਹੁਤ ਬੁਰੀ ਤਰ੍ਹਾਂ ਨਾਲ ਕਤਲ ਕਰ ਕੇ ਉਹਨਾਂ ਦੇ ਸ਼ਰੀਰ ਦੇ ਅੰਗ ਖਲਾਰ ਕੇ ਸ਼ਹਿਰ ਅਤੇ ਸੂਬੇ ਦਾ ਮਾਹੌਲ ਖਰਾਬ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਤਾਂ ਉਸ ਸਮੇਂ ਵੀ ਇਸ ਕੇਸ ਵਿੱਚ ਫੜੇ ਗਏ ਲਗਭਗ 10 ਦੇ ਕਰੀਬ ਸਾਰੇ ਦੋਸ਼ੀ ਹੀ ਪੰਜਾਬ ਤੋਂ ਬਾਹਰ ਦੇ ਸਨ ਅਤੇ ਪੰਜਾਬ ਅੰਦਰ ਗੈਰ ਕਾਨੂੰਨੀ ਤਰੀਕੇ ਨਾਲ ਰਹਿ ਰਹੇ ਸਨ ਜਿਨ੍ਹਾਂ ਨੂੰ ਪੁਲਿਸ ਨੇ ਬਹੁਤ ਮੁਸ਼ਕਿਲ ਨਾਲ ਦੂਜੇ ਰਾਜਾਂ ਦੇ ਵਿੱਚੋਂ ਜਾ ਕੇ ਗ੍ਰਿਫਤਾਰ ਕੀਤਾ ਸੀ। ਇਸ ਤਰ੍ਹਾਂ ਨਾਲ ਹੀ ਪਿਛਲੇ ਦਿਨੀ ਮੁਕੇਰੀਆਂ ਅਤੇ ਪਠਾਨਕੋਟ ਅੰਦਰ ਵੀ ਲਵ ਜਿਹਾਦ ਦੇ ਕੇਸ ਸਾਹਮਣੇ ਆਏ ਹਨ ਅਤੇ ਇਹਨਾਂ ਮਾਮਲਿਆਂ ਵਿੱਚ ਫੜੇ ਗਏ ਦੋਸ਼ੀ ਵੀ ਪੰਜਾਬ ਤੋਂ ਬਾਹਰ ਦੇ ਹੀ ਹਨ। ਉਹਨਾਂ ਕਿਹਾ ਕਿ ਇਹਨਾ ਲੋਕਾਂ ਦੀ ਲਗਾਤਾਰ ਵਧ ਰਹੀ ਗਿਣਤੀ ਨਾਲ ਸ਼ਹਿਰ ਅਤੇ ਸੂਬੇ ਦੀ ਸਾਂਤੀ ਚਾਹੁਣ ਵਾਲੇ ਅਮਨ ਪਸੰਦ ਸੂਝਵਾਨ ਲੋਕ ਚਿੰਤਾ ਵਿਚ ਹਨ ਕਿ ਕਿਤੇ ਇਹ ਲੋਕ ਸ਼ਹਿਰ ਅਤੇ ਪੰਜਾਬ ਦੇ ਸ਼ਾਂਤਮਈ ਮਾਹੌਲ ਨੂੰ ਅੱਗ ਨਾ ਲਗਾ ਦੇਣ। ਇਸ ਲਈ ਉਹ ਪ੍ਰਸ਼ਾਸਨ ਨੂੰ ਇਹ ਹੀ ਬੇਨਤੀ ਕਰਦੇ ਹਨ ਕਿ ਸ਼ਹਿਰ ਦੇ ਅੰਦਰ ਆ ਕੇ ਕਿਰਾਏ ਤੇ ਘਰ ਜਾਂ ਦੁਕਾਨ ਲੈਣ ਵਾਲੇ ਹਰ ਗੈਰ ਪੰਜਾਬੀ ਵਿਅਕਤੀ ਦੀ ਪੂਰੀ ਤਰ੍ਹਾਂ ਨਾਲ ਜਾਂਚ ਪੜਤਾਲ ਕੀਤੀ ਜਾਵੇ ਤਾਂ ਜੋ ਉਨ੍ਹਾਂ ਦੀ ਅਸਲੀ ਨਾਗਰਿਕਤਾ ਅਤੇ ਪਿਛੋਕੜ ਨੂੰ ਜਾਣਿਆ ਜਾ ਸਕੇ
ਉਨ੍ਹਾਂ ਅੱਗੇ ਕਿਹਾ ਕਿ ਅਜਿਹਾ ਕੋਈ ਵੀਸਬੂਤ ਪੇਸ਼ ਨਾ ਕਰਨ ਵਾਲੇ ਵਿਅਕਤੀਆਂ ਖਿਲਾਫ਼ ਸਖ਼ਤ ਤੋਂ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਇਸਦੇ ਨਾਲ ਹੀ ਇਨ੍ਹਾਂ ਲੋਕਾਂ ਨੂੰ ਕਿਰਾਏ ਤੇ ਘਰ ਅਤੇ ਦੁਕਾਨਾਂ ਦੇਣ ਵਾਲੇ ਮਾਲਕਾਂ ਨੂੰ ਵੀ ਕਾਨੂੰਨੀ ਤੌਰ ਤੇ ਪਾਬੰਦ ਕੀਤਾ ਜਾਵੇ ਕਿ ਉਹ ਵੀ ਅਜਿਹੇ ਕਿਰਾਏਦਾਰਾਂ ਦੀ ਪੂਰੀ ਜਾਣਕਾਰੀ ਲੋਕਲ ਪੁਲਿਸ ਪ੍ਰਸ਼ਾਸਨ ਨੂੰ ਜ਼ਰੂਰ ਦੇਣ ਅਤੇ ਅਜਿਹਾ ਨਾ ਕਰਨ ਵਾਲੇ ਮਾਲਕਾ ਖਿਲਾਫ਼ ਵੀ ਸਖ਼ਤ ਤੋਂ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਇਸ ਮੌਕੇ ਤੇ ਭਗਵਾਨ ਵਾਲਮੀਕਿ ਕ੍ਰਾਂਤੀ ਸੈਨਾ ਪੰਜਾਬ ਦੇ ਹਰਪਾਲ ਚਾਹਲ, ਬਿਟੂ ਬੋਹੜਾ, ਸੋਨੂੰ ਸਹੋਤਾ, ਬਜਰੰਗ ਦਲ ਦੇ ਰਾਗਵ ਸ਼ਰਮਾ : ਸ਼ਿਵ ਸ਼ਿਵ ਸੈਨਾ ਬਾਲ ਠਾਕਰੇ ਦੇ ਸੰਜੀਵ ਕੁਮਾਰ ਚੀਨੀ , ਵਿੱਕੀ ਤਰੇਹਨ. ਸਨੀ ਨਈਅਰ ਵਪਾਰ ਮੰਡਲ ਨੀਰਜ਼ ਢੋਲਾ, ਵਿਨੇ ਮਹਾਜਨ ਕੱਪੜਾ ਵਪਾਰੀ, ਬਿੱਟੂ ਯਾਦਵ ਪ੍ਰਜਾਪਤੀ, ਰਾਜਨ ਤਰੇਹਨ , ਅਜੇ ਰਿਸ਼ੀ, ਰਕੇਸ਼, ਧੀਰਜ ਕੁੰਦਰਾ, ਰਮੇਸ਼ ਅਗਰਵਾਲ, ਰਕੇਸ਼ ਭੱਟੀ, ਰਿਸ਼ੂ ਆਂਚਲ, ਦੀਪਕ ਅਗਰਵਾਲ , ਮਹੰਤ ਕਾਲੀ ਦੁਆਰਾ , ਪ੍ਰਦੀਪ ਕੁਮਾਰ, ਸੰਦੀਪ ਸ਼ਰਮਾ, ਰਾਹੁਲ ਮਲਹੋਤਰਾ, ਵਿਕਾਸ ਅਗਰਵਾਲ ਆਦਿ ਹਾਜ਼ਰ ਸਨ।