ਪੰਜਾਬ ਦੇ ਲੋਕਾਂ ਨਾਲ ਕੀਤਾ ਹਰ ਵਾਧਾ ਪੂਰਾ ਕਰੇਗੀ ਆਮ ਆਦਮੀ ਪਾਰਟੀ ਦੀ ਸਰਕਾਰ : ਸਤਨਾਮ ਜਲਾਲਪੁਰ

ਕਾਠਗੜ੍ਹ (ਜਤਿੰਦਰ ਪਾਲ ਸਿੰਘ ਕਲੇਰ ) : ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਲੋਕਾਂ ਨਾਲ ਜੋ ਵੀ ਵਾਅਦੇ ਕੀਤੇ ਹਨ, ਉਹ ਇਕ-ਇਕ ਕਰਕੇ ਪੂਰੇ ਕੀਤੇ ਜਾਣਗੇ ਅਤੇ ਆਪ ਦੀ ਸਰਕਾਰ ਜੋ ਵੀ ਕਹਿੰਦੀ ਹੈ, ਉਹ ਕਰਕੇ ਦਿਖਾਉਂਦੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਆਮ ਆਦਮੀ ਪਾਰਟੀ ਪੰਜਾਬ ਦੇ ਜੁਆਇੰਟ ਸੈਕਟਰੀ ਅਤੇ ਸਪੋਕਸਪਰਸਨ ਸਤਨਾਮ ਜਲਾਲਪੁਰ ਜੀ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਇਹ ਪ੍ਰਗਟਾਵਾ ਕੀਤਾ । ਉਨ੍ਹਾਂ ਕਿਹਾ ਕਿ ਆਪ ਸਰਕਾਰ ਦੇ ਦੋ ਮਹੀਨੇ ਪੂਰੇ ਹੋਣ ‘ਤੇ ਪੰਜਾਬ ਸਰਕਾਰ ਨੇ 26454 ਸਰਕਾਰੀ ਨੌਕਰੀਆਂ ਨੂੰ ਕੈਬਨਿਟ ਦੀ ਮਨਜੂਰੀ ਦੇ ਦਿੱਤੀ ਹੈ ਜਿਸ ਵਿਚ ਕੋਈ ਸਿਫਾਰਿਸ਼ ਨਹੀਂ ਚੱਲੇਗੀ ਤੇ ਇਹ ਭਰਤੀ ਪਾਰਦਰਸ਼ਿਤਾ ਨਾਲ ਹੋਵੇਗੀ। ਸਰਕਾਰ ਆਉਣ ਵਾਲੇ ਦਿਨਾਂ ‘ਚ ਹੋਰ ਵੀ ਸਰਕਾਰੀ ਤੇ ਪ੍ਰਾਈਵੇਟ ਨੌਕਰੀਆਂ ਦਾ ਇੰਤਜਾਮ ਕਰੇਗੀ।
ਸਤਨਾਮ ਜਲਾਲਪੁਰ ਜੀ ਨੇ ਦੱਸਿਆ ਕਿ ਕਿਸ ਤਰਾਂ ਪੰਚਾਇਤ ਮੰਤਰੀ ਵੱਲੋ ਲੋਕਾਂ ਵੱਲੋ ਕੀਤੇ ਹਜਾਰਾਂ ਏਕੜਾਂ ਸਰਕਾਰੀ ਜਮੀਨਾਂ ਤੇ ਕਬਜੇ ਛੁਡਵਾਏ ਗਏ। ਅਤੇ ਪੰਜਾਬ ਚ ਭਿ੍ਸ਼ਟਾਚਾਰ ਖਤਮ ਕਰਨ ਲਈ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵਲੋ ਲੋਕਾ ਲਈ ਇਕ ਹੈਲਪਲਾਈਨ ਨੰਬਰ ਜਾਰੀ ਕੀਤਾ ਗਿਆ ਅਤੇ ਨਸੇ ਦਾ ਲੱਕ ਤੋੜਨ ਲਈ ਜਿਲਿਆਂ ਚ ਵੱਖ ਵੱਖ ਟੀਮਾ ਤਾਇਨਾਤ ਕੀਤੀਆ ਗਈਆ ਹਨ। ਸਤਨਾਮ ਜਲਾਲਪੁਰ ਜੀ ਨੇ ਕਿਹਾ ਕਿ ਪੰਜਾਬ ਵਿੱਚ ਆਮ ਆਦਮੀ ਦੀ ਸਰਕਾਰ ਵਲੋ ਜਿਹੜਾ ਵੀ ਫੈਸਲਾ ਲਿਆ ਜਾਵੇਗਾ ਉਹ ਆਮ ਲੋਕਾਂ ਦੇ ਹਿਤ ਵਿਚ ਹੋਵੇਗਾ। ਕਿਉਕਿ ਪੰਜਾਬ ਦੇ ਲੋਕ ਆਮ ਆਦਮੀ ਦੇ 2 ਮਹੀਨੇ ਦੀ ਕਾਰਜਕਾਰੀ ਤੋ ਖੁਸ਼ ਹਨ।ਸਰਕਾਰ ਨੇ ਕਈ ਸ਼ਲਾਘਾਯੋਗ ਫੈਸਲੇ ਲਏ ਹਨ ਜਿਵੇਂ ਐਮ ਐਲ ਏ ਚਾਹੇ ਜਿੰਨੀ ਵਾਰ ਮਰਜੀ ਬਣੇ ਪਰ ਪੈਨਸ਼ਨ ਇਕ ਹੀ ਮਿਲੇਗੀ। ਫਾਲਤੂ ਸਕਿਉਰਿਟੀ ਅਤੇ ਸਰਕਾਰੀ ਗੱਡੀਆਂ ਵਾਪਸ ਲੈਣਾ।ਝੋਨੇ ਦੀ ਸਿਧੀ ਬਿਜਾਈ ਕਰਨ ਲਈ ਕਿਸਾਨਾਂ ਨੂੰ ਪ੍ਰੇਰਤ ਕਰਨਾ,ਮੂਗੀ ਦੀ ਐਮ ਐਸ ਪੀ ਦੀ ਖੁਦ ਗਰੰਟੀ ਦੇਕੇ ਉਸਦੀ ਬਿਜਾਈ ਦੇ ਅੰਤਰਗਤ ਦੁੱਗਣਾ ਖੇਤਰਫਲ ਕਰਨਾ ਆਦਿ ਪੰਜਾਬ ਲਈ ਬਹੁਤ ਹੀ ਫਾਇਦੇਮੰਦ ਫੈਸਲੇ ਹਨ।