ਮਹਿੰਦਵਾਣੀ ਬੀਤ ਵਾਸੀਆਂ ਨੇ “ਲੋਕ ਬਚਾਓ, ਪਿੰਡ ਬਚਾਓ ਸੰਘਰਸ਼ ਕਮੇਟੀ” ਦਾ ਕੀਤਾ ਗਠਨ

ਗੜ੍ਹਸ਼ੰਕਰ 23 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ ) ਗੜ੍ਹਸ਼ੰਕਰ ਅਧੀਨ ਪੈਦੇ ਇਲਾਕਾ ਬੀਤ ਦੇ ਪਿੰਡ ਮਹਿੰਦਵਾਣੀ ਅਤੇ ਮਹਿੰਦਵਾਣੀ ਗੁੱਜਰਾਂ ਦੇ ਵਾਸੀਆਂ ਵਲੋਂ ਮੋਡਲੈਸ ਸਾਬਣ ਫੈਕਟਰੀ ਗੋਦਪੁਰ ਵਲੋਂ ਫੈਲਾਏ ਜਾ ਰਹੇ ਪ੍ਦੁਸ਼ਣ ਦੇ ਵਿਰੋਧ ਵਿੱਚ ਇੱਕ ਕਮੇਟੀ “ਲੋਕ ਬਚਾਓ, ਪਿੰਡ ਬਚਾਓ ਸੰਘਰਸ਼ ਕਮੇਟੀ” ਦਾ ਗਠਨ ਕੀਤਾ ਗਿਆ। ਅੱਜ ਕਮੇਟੀ ਦੀ ਅਹਿਮ ਮੀਟਿੰਗ ਕੈਪਟਨ ਪ੍ਕਾਸ਼ ਚੰਦ ਲਾਦੀ ਦੀ ਪ੍ਰਧਾਨਗੀ ਹੇਠ ਮਹਿੰਦਵਾਣੀ ਵਿਖੇ ਹੋਈ ਜਿਸ ਵਿੱਚ ਬਣਾਈ ਕਮੇਟੀ ਅਧੀਨ ਵੱਖ ਵੱਖ ਵਿੰਗ ਬਣਾਏ ਗਏ ਤੇ ਵਿੰਗ ਮੈਬਰਾਂ ਨੂੰ ਜਿੰਮੇਵਾਰੀਆਂ ਦਿੱਤੀਆਂ ਗਈਆਂ ਅਤੇ ਕਮੇਟੀ ਵੱਲੋਂ ਫੈਕਟਰੀ ਵਿਰੁੱਧ ਸੰਘਰਸ਼ ਨੂੰ ਸੰਚਾਰੂ ਢੰਗ ਨਾਲ ਚਲਾਉਣ ਦਾ ਐਲਾਨ ਕੀਤਾ ਗਿਆ। ਕਮੇਟੀ ਪ੍ਰਧਾਨ ਕੈਪਟਨ ਪ੍ਕਾਸ਼ ਚੰਦ ਲਾਦੀ, ਸਰਪੰਚ ਰਾਕੇਸ਼ ਕੁਮਾਰ, ਸਰਪੰਚ ਦਿਲਬਾਗ ਸਿੰਘ ਰਾਣਾ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਇਹ ਸੰਘਰਸ਼ ਸਮੂਹ ਨਗਰ ਵਾਸੀਆਂ ਦੇ ਸਹਿਯੋਗ ਨਾਲ ਉਦੋਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਫੈਕਟਰੀ ਵਲੋਂ ਪੈਦਾ ਹੋ ਰਿਹਾ ਧੂੰਆਂ, ਪਾਣੀ ਅਤੇ ਰਾਖ ਪ੍ਰਦੂਸ਼ਣ ਦਾ ਸਤਰ ਜੀਰੋ ਨਹੀਂ ਹੋ ਜਾਂਦਾ। ਇਸ ਮੌਕੇ ਕੁਲਭੂਸ਼ਨ ਕੁਮਾਰ, ਦਵਿੰਦਰ ਰਾਣਾ, ਨਿਰਮਲ ਤੋ ਇਲਾਵਾ ਵੱਡੀ ਗਿਣਤੀ ਵਿੱਚ ਦੋਨਾ ਪਿੰਡਾਂ ਦੇ ਵਾਸੀ ਹਾਜਰ ਸਨ।