*ਤਾਲਮੇਲ ਕਮੇਟੀ ਪੈਰਾਮੈਡੀਕਲ ਅਤੇ ਸਿਹਤ ਕਰਮਚਾਰੀ ਪੰਜਾਬ ਵੱਲੋਂ ਐਨ ਐਚ ਐਮ ਕਾਮਿਆਂ ਦੀਆਂ ਮੰਗਾਂ ਦਾ ਸਮੱਰਥਨ*

ਤਾਲਮੇਲ ਕਮੇਟੀ ਪੈਰਾਮੈਡੀਕਲ ਦਾ ਵਫਦ ਮੰਗਾਂ ਸਬੰਧੀ ਡਾਇਰੈਕਟਰ ਸਿਹਤ ਸੇਵਾਵਾਂ (ਪ.ਭ.) ਨੂੰ ਮਿਲਿਆ ਕਮੇਟੀ ਪੈਰਾਮੈਡੀਕਲ ਦਾ ਵਫਦ ਮੰਗਾਂ ਸਬੰਧੀ ਡਾਇਰੈਕਟਰ ਸਿਹਤ ਚੰਡੀਗੜ੍ਹ 18 ਨਵੰਬਰ (ਬਿਊਰੋ ) : ਤਾਲਮੇਲ ਕਮੇਟੀ ਪੈਰਾਮੈਡੀਕਲ ਅਤੇ ਸਿਹਤ ਕਰਮਚਾਰੀ ਪੰਜਾਬ ਵੱਲੋਂ ਐਨ ਐਚ ਐਮ ਅਧੀਨ ਕੰਮ ਕਰਦੇ ਸਿਹਤ ਕਾਮਿਆਂ ਦੇ ਚੰਡੀਗੜ੍ਹ ਵਿਖੇ ਚੱਲ ਰਹੇ ਸੰਘਰਸ਼ ਵਿੱਚ ਸ਼ਮੂਲੀਅਤ ਕੀਤੀ ਗਈ ਅਤੇ ਮੰਗਾਂ ਦਾ ਸਮੱਰਥਨ ਕੀਤਾ ਗਿਆ।ਪੈਰਾਮੈਡੀਕਲ ਦੇ ਕਨਵੀਨਰ ਸਾਥੀ ਰਵਿੰਦਰ ਲੂਥਰਾ ਨੇ ਕਿਹਾ ਕਿ ਪਿਛਲੇ ਲੱਗਭੱਗ ਇੱਕ ਦਹਾਕੇ ਤੋਂ ਐਨ ਐਚ ਐਮ ਕਾਮੇ ਨਗੂਣੀਆ ਤਨਖਾਹਾਂ ਤੇ ਕੰਮ ਕਰ ਰਹੇ ਹਨ ਪਰ ਇਹਨਾਂ ਦੀ ਰੈਗੂਲਰ ਹੋਣ ਦੀ ਮੰਗ ਨਾਲ ਕਿਸੇ ਵੀ ਮੰਤਰੀ ਨੇ ਸੁਣਵਾਈ ਨਹੀਂ ਕੀਤੀ।ਹਰ ਵਾਰ ਸਰਕਾਰ ਵੱਲੋਂ ਸਿਰਫ ਲਾਰਿਆਂ ਦੇ ਨਾਲ ਹੀ ਸਾਰਿਆਂ ਜਾ ਰਿਹਾ ਹੈ।ਸਾਥੀ ਕੁਲਬੀਰ ਢਿੱਲੋਂ ਨੇ ਕਿਹਾ ਕਿ ਸੰਘਰਸ਼ ਕਰ ਰਹੇ ਕਰਮਚਾਰੀ ਦੇ ਕੰਮ ਦਾ ਸਬਸੀਚਿਊਟ ਨਹੀਂ ਬਣਿਆ ਜਾਵੇਗਾ।ਜੇ ਇਹਨਾਂ ਕਾਮਿਆਂ ਦੀਆਂ ਮੰਗਾਂ ਦਾ ਹੱਲ ਨਾ ਕੱਢਿਆ ਗਿਆ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਸਮੁੱਚਾ ਪੈਰਾਮੈਡੀਕਲ ਕੇਡਰ ਹੀ ਸੜਕਾਂ ਤੇ ਆਉਣ ਲਈ ਮਜਬੂਰ ਹੋਵੇਗਾ ਜਿਸ ਦੀ ਸਾਰੀ ਜਿੰਮੇਵਾਰੀ ਪੰਜਾਬ ਸਰਕਾਰ ਦੀ ਹੋਵੇਗੀ।ਪੈਰਾਮੈਡੀਕਲ ਦਾ ਵਫਦ ਡਾਇਰੈਕਟਰ ਸਿਹਤ ਸੇਵਾਵਾਂ(ਪ.ਭ.) ਨੂੰ ਮਿਲਿਆ ਅਤੇ ਮੰਗ ਕੀਤੀ ਕਿ ਕੱਚੇ ਕਾਮਿਆਂ ਨੂੰ ਜਲਦ ਤੋਂ ਜਲਦ ਪੱਕੇ ਕਰਨ ਦੀ ਮੰਗ ਕੀਤੀ।ਇਸ ਤੋਂ ਇਲਾਵਾ ਮਲਟੀਪਰਪਜ਼ ਕੇਡਰ ਦੇ ਨਾਮ ਬਦਲੀ ਸਬੰਧੀ ਵੀ ਕੇਸ ਨੂੰ ਸਰਕਾਰ ਤੋਂ ਹੱਲ ਕਰਵਾਉਣ ਲਈ ਪੈਰਵਾਈ ਕੀਤੀ ਗਈ।ਸਿਹਤ ਕਾਮਿਆਂ ਦੀਆਂ ਪ੍ਰਮੋਸ਼ਨਾ ਬਾਰੇ ਵੀ ਸਿਹਤ ਡਾਇਰੈਕਟਰ ਨਾਲ ਖੁੱਲ੍ਹ ਕੇ ਵਿਚਾਰ ਚਰਚਾ ਕੀਤੀ ਗਈ।ਦਰਜਾ ਚਾਰ ਤੋਂ ਕਲੈਰੀਕਲ ਕਾਮਿਆਂ ਵਿੱਚ ਪਦ ਉਨਤ ਕਰਨ ਦੀ ਮੰਗ ਬਾਰੇ ਗੱਲ ਕੀਤੀ ਗਈ।ਡਾਇਰੈਕਟਰ ਵੱਲੋਂ ਸਿਹਤ ਕਾਮਿਆਂ ਦੇ ਮਸਲੇ ਜਲਦ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ ਗਿਆ।ਅੱਜ ਦੇ ਇਸ ਵਫਦ ਵਿਚ ਗਗਨਦੀਪ ਸਿੰਘ ਬਠਿੰਡਾ,ਸੁਖਵਿੰਦਰ ਸਿੰਘ ਦੋਦਾ ਮੁਕਤਸਰ,ਜਗਪਾਲ ਕੌਰ ਬਾਘਾਪੁਰਾਣਾ,ਸਤਵਿੰਦਰ ਕੌਰ ਮੋਗਾ,ਰਕੇਸ਼ ਕੁਮਾਰ ਫਿਰੋਜਪੁਰ,ਰਜਿੰਦਰ ਕੌਰ ਮੋਗਾ,ਚਮਕੌਰ ਸਿੰਘ ਐਲ ਟੀ ਮੁਕਤਸਰ,ਗਰਮੇਲ ਸਿੰਘ ਦੋਦਾ,ਆਦਿ ਆਗੂ ਹਾਜਰ ਸਨ।