ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਕੁਮਾਰ)
8 ਜੂਨ : ਬੀਤੀ ਰਾਤ ਅਣਪਛਾਤੇ ਚੋਰਾਂ ਵਲੋਂ ਦਾਣਾ ਮੰਡੀ ਰੋੜ ਜਗਜੀਵਨ ਹਸਪਤਾਲ ਦੇ ਸਾਹਮਣੇ ਤਿੰਨ ਦੁਕਾਨਾਂ ਤੇ ਜਿੰਦਰੇ ਤੋੜ ਕੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਜਿਸ ਨਾਲ ਸ਼ਹਿਰ ਵਾਸੀਆਂ ਅਤੇ ਸ਼ਹਿਰ ਦੇ ਦੁਕਾਨਦਾਰਾਂ ਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਇਸ ਸਬੰਧੀ ਪੁਲਿਸ ਨੂੰ ਲਿਖਤੀ ਸ਼ਿਕਾਇਤ ਵਿੱਚ ਜਾਣਕਾਰੀ ਦਿੰਦੀਆਂ ਦੁਕਾਨ ਦੇ ਮਾਲਿਕ ਵਰਿੰਦਰ ਪਾਲ ਸਿੰਘ ਪੁੱਤਰ ਸ ਮਨਜੀਤ ਸਿੰਘ ਵਾਸੀ ਮੱਲੇਵਾਲ ਥਾਣਾ ਗੜਦੀਵਾਲਾ ਜਿਲਾ ਹੁਸਿਆਰਪੁਰ ਨੇ ਕਿਹਾ ਹੈ ਕਿ ਬੀਤੀ ਰਾਤ ਚੋਰਾਂ ਵਲੋਂ ਮੇਰੀ ਤਿੰਨ ਦੁਕਾਨਾਂ ਦੇ ਜਿੰਦਰੇ ਤੋੜ ਕੇ ਸਮਾਨ ਚੋਰੀ ਕੀਤਾ ਗਿਆ ਹੈ । ਜਿਸ ਵਿੱਚ ਚੋਰਾਂ ਵਲੋਂ ਇੱਕ ਡੇਲ ਲੈਪਟੋਪ ਕੀਮਤ -55 ਹਜਾਰ ਰੁ:, ਐਲ.ਈ.ਡੀ ਕੀਮਤ 15 ਹਜਾਰ ਰੁ:, ਕੰਪਿਊਟਰ ਅਤੇ ਪ੍ਰਿੰਟਰ ਕੀਮਤ -30 ਹਜਾਰ ਰੁ:, ਇਨਵਰਟਰ ਅਤੇ ਬੈਟਰੀ ਕੀਮਤ -21 ਹਜਾਰ ਰੁ:, ਕੈਮਰੇ ਅਤੇ ਡੀ ਵੀ ਆਰ ਕੀਮਤ 25 ਹਜਾਰ ਰੁਪਏ ,ਕੈਸ਼ 10000 ਰੁ. ਅਤੇ ਸੇਲ ਪਰਚੇਜ ਦੇ ਕਾਗਜ ਪੱਤਰ, ਬਾਥਰੂਮ ਦੀ ਟੁਟੀਆਂ ਅਤੇ ਟੁੱਲੂ ਪੰਪ ਚੋਰੀ ਕਰਕੇ ਫਰਾਰ ਹੋ ਗਏ ਹਨ। ਦੁਕਾਨ ਮਾਲਿਕ ਨੇ ਦੱਸਿਆ ਕਿ ਇਸ ਚੋਰੀ ਨਾਲ ਉਨ੍ਹਾਂ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ।
ਰਾਤ ਦੇ ਸਮੇਂ ਗੜ੍ਹਦੀਵਾਲਾ ਚ ਹੱਥਾਂ ਚ ਤੇਜਧਾਰ ਲੈ ਕੇ ਘੁੰਮਦੇ ਨਜਰ ਆ ਰਹੇ ਅਣਪਛਾਤੇ ਨੌਜਵਾਨ
ਚੋਰਾਂ ਦੀ ਤਸਵੀਰਾਂ ਸੀਸੀਟੀਵੀ ਫੁਟੇਜ ਚ ਕੈਦ ਹੋਈਆਂ ਹਨ। ਸੂਤਰਾਂ ਦੀ ਜਾਣਕਾਰੀ ਮੁਤਾਬਕ ਚੋਰਾਂ ਨੂੰ ਬੀਤੀ ਰਾਤ ਜੈਨ ਕਲੋਨੀ ਗੜ੍ਹਦੀਵਾਲਾ ਵਿਖੇ ਘੁੰਮਦਿਆਂ ਸੀਸੀਟੀਵੀ ਚ ਦੇਖਿਆ ਗਿਆ ਹੈ । ਉਨ੍ਹਾਂ ਪੁਲਿਸ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਦੁਕਾਨ ਦੇ ਪਹਿਲੇ ਕਿਰਾਏਦਾਰਾਂ ਤੋਂ ਵੀ ਇਸ ਚੋਰੀ ਸਬੰਧੀ ਪੁੱਛਗਿੱਛ ਕੀਤੀ ਜਾਵੇ। ਇਸ ਤੋਂ ਪਹਿਲਾਂ ਬੀਤੀ 6 ਜੂਨ ਨੂੰ ਦਿਨ ਦਿਹਾੜੇ ਲੁਟੇਰਿਆਂ ਵਲੋਂ ਇੱਕ ਬਜੁਰਗ ਔਰਤ ਤੋਂ ਕੰਨਾਂ ਦੀਆਂ ਵਾਲੀਆਂ ਖੋਹ ਲਈਆਂ ਗਈਆਂ ਸਨ। ਹੁਣ ਦੇਖਣਾ ਹੋਵੇਗਾ ਕਿ ਪੁਲਿਸ ਚੋਰਾਂ ਤੱਕ ਪਹੁੰਚ ਪਾਉਂਦੀ ਹੈ ਕਿ ਨਹੀਂ ਜਾ ਫਿਰ ਤਫਤੀਸ਼ ਤੱਕ ਹੀ ਮਾਮਲਾ ਸੀਮਿਤ ਰਹਿ ਜਾਂਦਾ ਹੈ।
ਕੈਪਸ਼ਨ : ਚੋਰੀ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੁਕਾਨ ਮਾਲਿਕ ਵਰਿੰਦਰ ਪਾਲ ਸਿੰਘ, ਜੈਨ ਕਲੋਨੀ ਅਤੇ ਦਾਣਾ ਮੰਡੀ ਰੋੜ ਤੇ ਸੀਸੀਟੀਵੀ ਫੁਟੇਜ ਕੈਦ ਹੋਏ ਅਣਪਛਾਤੇ ਨੌਜਵਾਨ।
