ਗੜ੍ਹਦੀਵਾਲਾ 2 ਸਤੰਬਰ (ਚੌਧਰੀ)
: ਲਾਲਾ ਜਗਤ ਨਾਰਾਇਣ ਡੀ.ਏ.ਵੀ. ਪਬਲਿਕ ਸਕੂਲ, ਗੜ੍ਹਦੀਵਾਲਾ ਵਿੱਚ ਪ੍ਰਿੰਸੀਪਲ ਸ਼ੇਖਰ ਮੋਦਗਿੱਲ ਦੀ ਅਗਵਾਈ ਹੇਠ ਗਣਿਤ ਅਤੇ ਵਿਗਿਆਨ ਕਵਿਜ਼ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ।
ਇਸ ਮੁਕਾਬਲੇ ਵਿੱਚ ਸਕੂਲ ਦੇ ਚਾਰਾਂ ਸਦਨਾ-ਗੰਗਾ ਸਦਨ ਯਮੁਨਾ ਸਦਨ ਰਾਵੀ ਸਦਨ ਅਤੇ ਸਤਲੁਜ ਸਦਨ-ਨੇ ਭਾਗ ਲਿਆ। ਇਸ ਵਿੱਚ ਨੌਵੀਂ ਤੋਂ ਬਾਰਵੀਂ ਜਮਾਤ ਤੱਕ ਦੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਮੁਕਾਬਲੇ ਦਾ ਆਯੋਜਨ ਰਾਵੀ ਸਦਨ ਦੇ ਇੰਚਾਰਜ ਸੰਨੀ ਫਰਵਾਹਾ ਅਤੇ ਉਹਨਾਂ ਦੇ ਸਾਥੀ ਅਧਿਆਪਕ, ਦੀਪਕ ਕੁਮਾਰ, ਜਸਪਾਲ ਸਿੰਘ, ਨੀਲਮ ਬਾਲਾ, ਨੀਰਜ ਕੁਮਾਰੀ ਅਤੇ ਮੰਚ ਦਾ ਸੰਚਾਲਨ ਅਧਿਆਪਕ ਜਸਪਾਲ ਸਿੰਘ ਅਤੇ ਮੈਡਮ ਅਰਪਨਾ ਨੇ ਕੀਤਾ।
ਮੁਕਾਬਲੇ ਵਿੱਚ ਰਾਵੀ ਸਦਨ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸ ਟੀਮ ਵਿੱਚ ਰਿਧੀ ਸ਼ਰਮਾ (ਨਵੀਂ), ਲਵਪ੍ਰੀਤ ਕੌਰ (ਦਸਵੀਂ), ਪਾਇਲ(ਗਿਆਰਵੀ) ਅਤੇ ਸੁਖਪ੍ਰੀਤ ਕੌਰ (ਬਾਰਵੀਂ) ਨੇ ਭਾਗ ਲਿਆ।
ਸਤਲਜ ਸਦਨ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ, ਜਿਸ ਵਿੱਚ ਈਸਾ ਠਾਕੁਰ (ਨੌਵੀਂ), ਰਾਜਵੀਰ ਕੌਰ (ਦਸਵੀ) ਅਮਨਦੀਪ ਕੌਰ (ਗਿਆਰਵੀ) ਅਤੇ ਯਸ਼ਪ੍ਰੀਤ ਸਿੰਘ ਸ਼ਾਮਲ ਸਨ।
ਹਮੂਦਨ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਸ ਟੀਮ ਵਿੱਚ ਜੇਵਰਧਨ(ਨੌਵੀਂ) ਇਸਾਤ ਰਾਣਾ (ਦਸਵੀ), ਗੁਰਮੇਲਪ੍ਰੀਤ ਕੌਰ (ਗਿਆਰਵੀ)ਅਤੇ ਜਸਨਪ੍ਰੀਤ ਕੌਰ ਨੇ ਭਾਗ ਲਿਆ।
ਗੰਗਾ ਸਦਨ ਚੌਥੇ ਸਥਾਨ ‘ਤੇ ਰਿਹਾ। ਇਸ ਵਿੱਚ ਨਕਸ ਡਡਵਾਲ(ਨੌਵੀਂ),ਕੁਲਵੀਰ ਸਿੰਘ (ਦਸਵੀ)ਨਬਿਆ(ਨੌਵੀਂ )ਅਤੇ ਸਮਰਦੀਪ ਸਿੰਘ (ਬਾਰਵੀ)ਨੇ ਭਾਗ ਲਿਆ।
ਮੁਕਾਬਲੇ ਦੇ ਜੱਜਾਂ ਦੀ ਭੂਮਿਕਾ ਅਧਿਆਪਕ ਸੁਭਾਸ਼ ਚੰਦਰ ਅਤੇ ਅਧਿਆਪਕ ਸਾਜਨ ਸੰਧੂ ਨੇ ਨਿਭਾਈ। ਉਨ੍ਹਾਂ ਨੇ ਅੰਤ ਵਿੱਚ ਨਤੀਜਿਆਂ ਦਾ ਐਲਾਨ ਕੀਤਾ। ਸਾਰੇ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਅਤੇ ਮਿਹਨਤ ਨਾਲ ਭਾਗ ਲੈ ਕੇ ਮੁਕਾਬਲੇ ਨੂੰ ਸਫਲ ਬਣਾਇਆ।
ਅੰਤ ਵਿੱਚ ਪ੍ਰਿੰਸੀਪਲ ਸ਼ੇਖਰ ਮੋਦਗਿੱਲ ਨੇ ਪਹਿਲਾ, ਦੂਜਾ ਅਤੇ ਤੀਜਾ ਅਤੇ ਚੌਥਾ ਸਥਾਨ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਭਵਿੱਖ ਵਿੱਚ ਵੀ ਅਜਿਹੀਆਂ ਗਤੀਵਿਧੀਆਂ ਵਿੱਚ ਵੱਧ-ਚੜ ਕੇ ਭਾਗ ਲੈਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਮੁਕਾਬਲੇ ਵਿਦਿਆਰਥੀਆਂ ਵਿੱਚ ਵਿਸਿਆ ਪ੍ਰਤੀ ਰੁਚੀ ਪੈਦਾ ਕਰਦੇ ਹਨ ਅਤੇ ਉਨ੍ਹਾਂ ਦੀ ਲੁਕਵੀ ਪ੍ਰਤਿਭਾ ਨੂੰ ਨਿਖਾਰਨ ਵਿੱਚ ਮਦਦਗਾਰ ਸਾਬਤ ਹੁੰਦੇ ਹਨ।ਇਸ ਮੌਕੇ ਸਕੂਲ ਦਾ ਸਮੂਹ ਸਟਾਫ ਹਾਜਰ ਸੀ।
