ਗੜ੍ਹਦੀਵਾਲਾ (ਚੌਧਰੀ)

7 ਅਪ੍ਰੈਲ : ਪਿਛਲੇ ਕੁਝ ਸਮੇਂ ਤੋਂ ਦਿਲ ਦੀ ਬੀਮਾਰੀ ਤੋਂ ਪੀੜਤ ਚਰਨਜੀਤ ਸਿੰਘ ਚਠਿਆਲ 72 ਸਾਲ ਦੀ ਉਮਰ ਭੋਗਦੇ ਹੋਏ ਜਲੰਧਰ ਹਸਪਤਾਲ ਵਿਚ ਜੇਰੇ ਇਲਾਜ ਅੱਜ ਸਾਨੂੰ ਸਦੀਵੀ ਵਿਛੋੜਾ ਦੇ ਗਏ। ਉਹ ਕਾਫੀ ਸਮਾਂ ਹਿੰਦ ਕਮਿਊਨਿਸਟ ਪਾਰਟੀ ਮਾਕਸਵਾਦੀ ਤਹਸੀਲ ਦਸੂਹਾ ਦੇ ਸਕੱਤਰ ਤੇ ਜ਼ਿਲਾ ਕਮੇਟੀ ਮੈਂਬਰ ਵੀ ਰਹੇ ।ਉਹ ਸਾਬਕਾ ਫੌਜੀ ਵੀ ਸਨ । ਰਿਟਾਇਰਮੈਂਟ ਤੋਂ ਬਾਅਦ ਉਹ ਹਿੰਦ ਕਮਿਊਨਿਸਟ ਪਾਰਟੀ ਮਾਰਕਸਵਾਦੀ  ਨਾਲ ਜੁੜ ਗਏ ਸਨ ਤੇ ਪਾਰਟੀ ਵਿਚ ਕਾਫੀ ਮਿਹਨਤ ਤੇ ਲਗਨ ਨਾਲ ਕੰਮ ਕੀਤਾ। ਉਹ ਪਾਰਟੀ ਦੇ ਹਰ ਐਕਸ਼ਨ ਵਿਚ ਸਰਗਰਮੀ ਨਾਲ ਹਿੱਸਾ ਲੈਂਦੇ ਸਨ ।ਉਹਨਾਂ ਦਾ ਇਹ ਸਦੀਵੀ ਵਿਛੋੜਾ ਪਰਿਵਾਰ ਨੂੰ ਤੇ ਪਾਰਟੀ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਹੈ। ਅੱਜ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸੂਬਾਈ ਆਗੂ ਕਾਮਰੇਡ ਗੁਰਮੇਸ ਸਿੰਘ,ਜ਼ਿਲ੍ਹਾ ਸਕੱਤਰੇਤ ਮੈਂਬਰ ਹੁਸਿਆਰਪਰ,ਕਾਮਰੇਡ ਗੁਰਨੇਕ ਸਿੰਘ ਭੱਜਲ,ਦਰਸ਼ਨ ਸਿੰਘ ਮੱਟੂ,ਸ਼ੁਭਾਸ਼ ਮੱਟੂ,  ਕੰਵਲਜੀਤ ਸਿੰਘ ਰਾਜਪੁਰ ਭਾਈਆਂ,ਮਹਿੰਦਰ ਕੁਮਾਰ ਬੱਢੋਆਨ,ਆਸਾ ਨੰਦ,ਹਰਬੰਸ ਸਿੰਘ ਧੂਤ,ਰਣਜੀਤ ਸਿੰਘ ਚੌਹਾਨ, ਚੈਂਚਲ ਸਿੰਘ  ਨੇ ਉਨ੍ਹਾਂ ਦੇ ਪਰਿਵਾਰ ਦੇ ਨਾਲ ਦੁੱਖ ਸਾਂਝਾ ਕੀਤਾ ਅਤੇ ਕਿਹਾ ਕਿ ਪਰਿਵਾਰ ਤੇ ਪਾਰਟੀ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਹੈ। ਉਨ੍ਹਾਂ ਦਾ ਅੰਤਮ ਸੰਸਕਾਰ ਕੱਲ੍ਹ ਸ਼ਨੀਵਾਰ 11 ਵਜੇ ਉਨ੍ਹਾਂ ਦੇ ਜੱਦੀ  ਪਿੰਡ ਸ਼ੀਹ ਚਠਿਆਲ ਵਿਖੇ ਕੀਤਾ ਜਾਵੇਗਾ।