ਬੁਲਟ ਮੋਟਰਸਾਈਕਲ ਚੋਰ ਮੋਟਰਸਾਈਕਲ ਨੂੰ ਅਗਲੇ ਦਿਨ ਵਾਪਿਸ ਚੋਰੀ ਵਾਲੇ ਘਰ ਦੇ ਬਾਹਰ ਛੱਡ ਗਏ 

ਚੋਰ ਜਾਂਦੇ ਜਾਂਦੇ ਆਪਣੇ ਬੂਟ ਚੱਪਲਾਂ ਵੀ ਛੱਡਕੇ ਭੱਜੇ

ਕਾਦੀਆਂ 25 ਮਈ (ਅਵਿਨਾਸ਼ ਸ਼ਰਮਾ) :- ਬੀਤੇ ਦਿਨ ਰਜਾਦਾ ਰੋਡ ਕਾਦੀਆਂ ਵਿਖੇ ਤਿੱਨ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਵੱਲੋਂ ਘਰ ਦੇ ਗੇਟ ਦਾ ਕੂਡਾ ਖੋਲ੍ਹ ਕੇ ਜੋ ਬੁਲਟ ਮੋਟਰਸਾਈਕਲ ਚੋਰੀ ਕੀਤਾ ਸੀ ਉਸ ਨੂੰ ਬੀਤੀ ਰਾਤ ਵਾਪਿਸ ਚੋਰੀ ਵਾਲੇ ਘਰ ਆਪਣੇ  ਬੂਟ ਚੱਪਲਾਂ ਛੱਡ ਕੇ ਭੱਜ ਗਏ । ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਜਤਿੰਦਰ ਪਾਲ ਸਿੰਘ ਭਾਟੀਆ ਪੁੱਤਰ ਅਰਵਿੰਦਰ ਜੀਤ ਸਿੰਘ ਭਾਟੀਆ ਨੇ ਦੱਸਿਆ ਕਿ ਜੋ ਸਾਡਾ ਬੁਲੇਟ ਮੋਟਰਸਾਈਕਲ ਨੰਬਰ PB96 AM 2793 ਜੋ 22 ਮਈ ਦੁਪਹਿਰ ਦੋ ਵਜੇ ਤਿੱਨ ਮੋਟਰਸਾਈਕਲ ਸਵਾਰ ਉਮਰ ਕਰੀਬ 20 ਸਾਲ ਲੈ ਕੇ ਫ਼ਰਾਰ ਹੋ ਗਏ ਸਨ  ਉਨ੍ਹਾਂ ਵਿਚੋਂ ਦੋ ਨੌਜਵਾਨ ਜਿਨ੍ਹਾਂ ਨੇ ਸਾਡੇ ਘਰ ਤਾਂ ਰਾਤ ਕਰੀਬ 9.30 ਵਜੇ ਲੋਹੇ ਦਾ ਗੇਟ ਖੜਕਾਇਆ ਜਦੋਂ ਅਸੀਂ ਬਾਹਰ ਆਏ ਤਾਂ ਦੋ ਨੌਜਵਾਨ ਮੁੰਡੇ ਜਿਨ੍ਹਾਂ ਨੇ ਆਪਣੇ ਮੂੰਹ ਦੇ ਉੱਤੇ ਕਾਲਾ ਕੱਪੜਾ ਲਪੇਟਿਆ ਹੋਇਆ ਸੀ ਇਹ ਕਿਹਾ ਕਿ ਆਪਣਾ ਬੁਲਟ ਮੋਟਰਸਾਈਕਲ ਲੈ ਲਓ ਤੇ ਭੱਜ ਗਏ ਜਾਂਦੇ ਜਾਂਦੇ ਉਕਤ ਚੋਰਾਂ ਵਿਚੋਂ ਇਕ ਆਪਣੇ ਬੂਟ ਅਤੇ ਦੂਸਰਾ ਆਪਣੀਆਂ ਚੱਪਲਾਂ ਵੀ ਛੱਡ ਕੇ ਦੌੜ ਗਏ। ਜਤਿੰਦਰ ਪਾਲ ਸਿੰਘ ਭਾਟੀਆ ਨੇ ਅੱਗੇ ਦੱਸਿਆ ਕਿ ਅਸੀ ਉਕਤ ਚੋਰਾਂ ਦਾ ਪਿੱਛਾ ਵੀ ਕੀਤਾ ਉਹ ਰਜ਼ਾਦਾ ਰੋਡ ਖੇਤਾਂ ਵਾਲੀ ਸਾਇਡ ਤੇ ਹਨੇਰੇ ਦਾ ਫਾਇਦਾ ਉਠਾਉਂਦਿਆਂ ਹੋਇਆ ਦੌੜਨ ਵਿੱਚ ਕਾਮਯਾਬ ਹੋ ਗਏ। ਉਨ੍ਹਾਂ ਅੱਗੇ ਦੱਸਿਆ ਕਿ ਇਸ ਦੀ ਇਤਲਾਹ ਪੁਲਸ ਥਾਣਾ ਕਾਦੀਆਂ ਨੂੰ ਦੇ ਦਿੱਤੀ ਹੈ ਅਤੇ ਮੋਟਰਸਾਈਕਲ ਹੀ ਆਪਣੇ ਅੰਦਰ ਲਗਾ ਲਿਆ ਹੈ।

ਇਸ ਸੰਬੰਧੀ ਜਦ ਐਸਐਚਓ ਕਾਦੀਆਂ ਇਸ ਸੁਖਰਾਜ ਸਿੰਘ ਨਾਲ ਗੱਲ ਕੀਤੀ ਉਨ੍ਹਾਂ ਦੱਸਿਆ ਕਿ ਜਤਿੰਦਰ ਪਾਲ ਸਿੰਘ ਭਾਟੀਆ ਵੱਲੋਂ ਦਿੱਤੀ ਇਤਲਾਹ ਤੇ ਪੁਲੀਸ ਫੋਰਸ ਮੌਕੇ ਤੇ ਭੇਜ ਦਿੱਤੀ ਹੈ ਅਤੇ ਬਰੀਕੀ ਨਾਲ ਛਾਣਬੀਣ ਕੀਤੀ ਜਾ ਰਹੀ ਹੈ ਚੋਰਾਂ ਨੂੰ ਕਿਸੇ ਕੀਮਤ ਤੇ ਵੀ ਬਖਸ਼ਿਆ ਨਹੀਂ ਜਾਵੇਗਾ।