ਗੜ੍ਹਦੀਵਾਲਾ 11 ਜੂਨ (ਚੌਧਰੀ)
: ਅੱਜ ਮਨਜੋਤ ਸਿੰਘ ਤਲਵੰਡੀ ਮੁੱਖ ਸੇਵਾਦਾਰ ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਸਮੁੱਚੀ ਟੀਮ ਵੱਲੋਂ ਬਰਸਾਤੀ ਮੌਸਮ ਅਤੇ ਹੜ੍ਹਾਂ ਦੇ ਖਤਰੇ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵਿਆਸ ਦਰਿਆ ਵਿਚ ਕਿਸ਼ਤੀਆਂ ਦੀ ਟੈਸਟਿੰਗ ਕੀਤੀ ਗਈ। ਜਿਸ ਵਿੱਚ ਕਿਸ਼ਤੀਆਂ, ਕਿਸ਼ਤੀਆਂ ਦੇ ਇੰਜਣ, ਜਨਰੇਟਰ, ਅਤੇ ਵਰਤੋਂ ਵਿੱਚ ਆਉਣ ਵਾਲੇ ਸਾਰੇ ਸਮਾਨ ਦੀ ਚੈਕਿੰਗ ਕੀਤੀ ਗਈ। ਸੋਸਾਇਟੀ ਵਲੋਂ ਸਾਰੇ ਸੇਵਾਦਾਰ ਅਤੇ ਸਹਿਯੋਗੀ ਦਲ ਨੂੰ ਤਿੰਨ ਟੀਮਾਂ ਦੇ ਰੂਪ ਵਿੱਚ ਵੰਡਿਆ ਗਿਆ। ਜਿਸ ਵਿਚ ਐਮਰਜੈਂਸੀ ਰੈਸਕਿਉ,ਰਾਸ਼ਨ ਅਤੇ ਲੰਗਰਾਂ ਦੀ ਸੇਵਾ,ਮਾਲ ਡੰਗਰ ਦੇ ਚਾਰੇ ਦੀ ਸੇਵਾ ਅਤੇ ਬਚਾਅ ਕਾਰਜਾਂ ਵਿੱਚ ਸ਼ਰਨਾਰਥੀਆਂ ਦੇ ਰਹਿਣਯੋਗ ਥਾਵਾਂ ਦਾ ਪ੍ਰਬੰਧ ਕਰਨ ਸਬੰਧੀ ਗੰਭੀਰ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਮੌਕੇ ਪ੍ਰਧਾਨ ਮਨਜੋਤ ਸਿੰਘ ਤਲਵੰਡੀ, ਪ੍ਰਸ਼ੋਤਮ ਸਿੰਘ ਬਾਹਗਾ, ਦਵਿੰਦਰ ਸਿੰਘ ਮੂਨਕ, ਮਨਦੀਪ ਸਿੰਘ , ਜਸਦੀਪ ਸਿੰਘ ਦੇਬੀ, ਸਰਬ ਬੁੱਟਰ, ਪਾਲਾ ਖਿਆਲਾ, ਮਨਿੰਦਰ ਬਾਹਗਾ ਆਦਿ ਹਾਜ਼ਰ ਸਨ।
ਹੜ੍ਹਾਂ ਦੇ ਖਤਰੇ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸੋਸਾਇਟੀ ਵਲੋਂ ਵਿਆਸ ਦਰਿਆ ‘ਚ ਕੀਤੀ ਕਿਸ਼ਤੀਆਂ ਦੀ ਟੈਸਟਿੰਗ
