ਹੁਸ਼ਿਆਰਪੁਰ( ਤਰਸੇਮ ਦੀਵਾਨਾ )

ਜੇਕਰ ਪੁੱਤਰ ਸਾਡਾ ਮਾਣ ਹਨ ਤਾਂ ਧੀਆਂ ਵੀ ਵਰਦਾਨ ਹਨ : ਡਾ ਸੋਨੀਆ

22 ਅਕਤੂਬਰ : ਪਰਿਵਾਰ ਵਿੱਚ ਬੇਟੀ ਦੀ ਅਹਿਮੀਅਤ ਸੰਬੰਧੀ ਲੋਕਾ ਨੂੰ ਜਾਗਰੂਕ ਕਰਨਾ ਅਤਿ ਜਰੂਰੀ ਹੈ ਕਿਉਕਿ ਧੀਆਂ ਰੱਬ ਵੱਲੋਂ ਦਿੱਤਾ ਗਿਆ ਇੱਕ ਅਨਮੋਲ ਤੋਹਫਾ ਹੈ, ਜੇਕਰ ਪੁੱਤਰ ਸਾਡਾ ਮਾਣ ਹਨ ਤਾਂ ਧੀਆਂ ਵੀ ਵਰਦਾਨ ਹਨ ਇਹਨਾ ਗੱਲਾ ਦਾ ਪ੍ਰਗਟਾਵਾ ਉੱਘੀ ਸਮਾਜ ਸੇਵਕਾ ਡਾ ਸੋਨੀਆ ਨੇ ਕੁਝ ਚੋਣਵੇ ਪੱਤਰਕਾਰਾ ਨਾਲ ਕੀਤਾ । ਉਹਨਾ ਕਿਹਾ ਕਿ ਇਸ ਜਿੰਦਗੀ, ਵਿੱਚ ਵਿੱਦਿਆ,ਪਿਆਰ ਮੁਹੱਬਤ ਅਤੇ ਮਾਪਿਆ ਤੇ ਵੀ ਧੀਆਂ ਦਾ ਬਰਾਬਰ ਦਾ ਹੱਕ ਹੈ, ਪਰ ਸਾਡੇ ਸਮਾਜ ਦੀ ਇਹ ਮਾਨਸਿਕਤਾ ਹੈ ਕਿ ਅਸੀਂ ਕੁੜੀਆਂ ਨੂੰ ਜਨਮ ਦੇਣ ਤੋਂ ਤਾਂ ਡਰਦੇ ਹਾਂ ਪਰੰਤੂ ਕੰਜਕਾਂ ਪੂਜਣ ਵੇਲੇ ਘਰਾ ਵਿੱਚੋ ਕੁੜੀਆਂ ਨੂੰ ਲੱਭ ਲੱਭਕੇ ਕੰਜ਼ਕਾ ਪੂਜਦੇ ਹਾਂ। ਧੀਆਂ ਨੂੰ ਜਨਮ ਲੈਣ ਤੋਂ ਪਹਿਲਾਂ ਹੀ ਮਾਰ ਦੇਣ ਨਾਲ ਜਿੱਥੇ ਲੜਕਾ-ਲੜਕੀਆਂ ਦੇ ਲਿੰਗ ਅਨੁਪਾਤ ਤੇ ਬੁਰਾ ਅਸਰ ਪੈਂਦਾ ਹੈ ਉੱਥੇ ਹੋਰ ਸਮਾਜਿਕ ਬੁਰਾਈਆਂ ਵੀ ਪੈਦਾ ਹੁੰਦੀਆਂ ਹਨ। ਇਸ ਤਰ੍ਹਾਂ ਦੀਆਂ ਬੁਰਾਈਆਂ ਨੂੰ ਦੂਰ ਕਰਨ ਲਈ ਜਰੂਰੀ ਹੈ ਕਿ ਲੜਕਾ ਲੜਕੀਆਂ ਨੂੰ ਬਰਾਬਰਤਾ ਦੇ ਅਹਿਸਾਸ ਅਸੀਂ ਉਹਨਾਂ ਦੇ ਪਾਲਣ ਪੋਸ਼ਣ ਵਿੱਚ ਕੋਈ ਕਮੀ ਨਾ ਛੱਡੀਏ । ਉਹਨਾ ਕਿਹਾ ਕਿ ਜਦੋਂ ਇੱਕ ਲੜਕਾ ਘਰ ਵਿੱਚ ਆਪਣੀ ਮਾਂ ਅਤੇ ਭੈਣ ਨੂੰ ਬਰਾਬਰ ਸਮਝ ਕੇ ਇੱਜਤ ਮਾਣ ਦੇਵੇਗਾ ਤਾਂ ਉਹ ਬਾਹਰ ਵੀ ਲੜਕੀਆਂ ਦੀ ਇੱਜਤ ਕਰੇਗਾ। ਇਸ ਤਰ੍ਹਾਂ ਇੱਕ ਪਰਿਵਾਰ ਦੀ ਸੋਚ ਬਦਲਣ ਨਾਲ ਸਮਾਜ ਦੀ ਸੋਚ ਬਦਲੇਗੀ, ਜਿਸ ਨਾਲ ਹੋਲੀ ਹੋਲੀ ਲੜਕੀਆਂ ਲਈ ਇੱਕ ਸੁਰੱਖਿਅਤ ਸਮਾਜ ਦੀ ਸਿਰਜਨਾ ਕੀਤੀ ਜਾ ਸਕਦੀ ਹੈ। ਅੱਜ ਦੇ ਸਮੇਂ ਵਿੱਚ ਹਰ ਖੇਤਰ ਵਿੱਚ ਕੁੜੀਆਂ ਨਾਮਣਾ ਖੱਟ ਕੇ ਆਪਣੇ ਮਾਤਾ ਪਿਤਾ ਦਾ ਸਿਰ ਮਾਣ ਨਾਲ ਉੱਚਾ ਕਰ ਰਹੀਆਂ ਹਨ ਅਤੇ ਅੱਜ ਕਈ ਸਰਕਾਰੀ ਅਹੁਦਿਆਂ ਤੇ ਬੈਠਕੇ ਲੜਕੀਆ ਇੱਕ ਲੜਕੀ ਅਤੇ ਲੜਕੇ ਦੇ ਫਰਕ ਨੂੰ ਫਿੱਕਾ ਪਾ ਰਹੀਆ ਹਨ । ਉਹਨਾ ਕਿਹਾ ਕਿ ਬੱਚੀਆਂ ਦੇ ਮਾਪਿਆਂ ਨੂੰ ਬੱਚੀਆਂ ਦੀ ਸਿਹਤ ਸੰਭਾਲ ਅਤੇ ਸਿੱਖਿਆ ਪ੍ਰਤੀ ਜਾਗਰੂਕ ਕਰਦਿਆਂ ਕਿਹਾ ਕਿ ਲੜਕੀਆਂ ਨੂੰ ਵੀ ਲੜਕਿਆਂ ਦੇ ਬਰਾਬਰ ਸਿੱਖਿਆ ਦੇ ਮੌਕੇ ਪ੍ਰਦਾਨ ਕੀਤੇ ਜਾਣੇ ਚਾਹੀਦੇ ਹਨ।