: ਨੰਬਰਦਾਰ ਯੂਨੀਅਨ ਦੀ ਮਹੀਨਾਵਾਰ ਮੀਟਿੰਗ ਗੜਦੀਵਾਲਾ ਤਹਿਸੀਲ ਕੰਪਲੈਕਸ ਵਿੱਚ ਨੰਬਰਦਾਰ ਮਨੋਹਰ ਲਾਲ ਦੀ ਪ੍ਰਧਾਨਗੀ ਹੇਠ ਹੋਈ ।ਜਿਸ ਵਿੱਚ ਇਲਾਕੇ ਦੇ ਨੰਬਰਦਾਰਾਂ ਨੇ ਭਾਗ ਲਿਆ। ਸਰਬ ਸੰਮਤੀ ਨਾਲ ਇਹ ਫੈਸਲਾ ਕੀਤਾ ਗਿਆ ਕਿ ਸਰਕਾਰ ਨੰਬਰਦਾਰਾਂ  ਦੀਆਂ ਮੰਨੀਆਂ ਮੰਗਾਂ ਤੁਰੰਤ ਲਾਗੂ ਕਰੇ ।ਜਿਨਾਂ ਨੰਬਰਦਾਰਾਂ ਨੇ ਆਪਣੇ ਲਾਈਫ ਸਰਟੀਫਿਕੇਟ ਐਸਡੀਐਮ ਦਫਤਰ ਨਹੀਂ ਜਮਾ ਕਰਾਏ ਉਹ ਜਲਦੀ ਤੋਂ ਜਲਦੀ ਜਮਾ ਕਰਵਾ ਦੇਣ। ਜਿਨਾਂ  ਨੰਬਰਦਾਰਾਂ ਨੇ ਅਜੇ ਤੱਕ ਯੂਨੀਅਨ ਦਾ ਚੰਦਾਂ ਨਹੀਂ ਦਿੱਤਾ ਉਹ ਤੁਰੰਤ ਚੰਦਾਂ ਵੀ ਜੂਨੀਅਰ ਪਾਸ ਜਮਾਂ ਕਰਵਾਉਣ। ਇੱਥੇ  ਨੰਬਰਦਾਰਾਂ ਨੇ ਸਖਤ ਨੋਟਿਸ ਲੈਂਦਿਆਂ ਕਿਹਾ ਕਿ ਦਸੂਹਾ ਤਹਿਸੀਲ ਵਿੱਚ  ਨੰਬਰਦਾਰਾ ਨੂੰ ਆਪਣਾ ਲਾਈਫ ਸਰਟੀਫਿਕੇਟ ਜਮਾ ਕਰਾਉਣ ਵੇਲੇ ਬਹੁਤ ਸਾਰੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਇਥੋਂ ਤੱਕ ਕਿ ਦਸੂਹਾ ਤਹਿਸੀਲ ਵਿੱਚ ਨੰਬਰਦਾਰਾਂ ਨੂੰ ਐਫੀਡੈਵਿਟ ਵੀ ਆਪਣਾ ਨਾ ਰਜਿਸਟਰ ਕਰਾਉਣ ਲਈ ਮੰਗੇ ਜਾਂਦੇ ਹਨ, ਜੱਦ ਕਿ ਨੰਬਰਦਾਰਾਂ ਵਲੋ ਆਪਣੀ ਸੰਨਦ ਅਤੇ ਫੈਸਲੇ ਦੀ ਕਾਪੀ ਵੀ ਦਿੱਤੀ ਜਾ ਰਹੀ ਹੈ ਪਰ ਐਫੀਡੈਵਿਟ ਮੰਗਣਾ ਜਾਇਜ਼ ਨਹੀਂ ਹੈ।ਇਸ ਲਈ ਸਰਕਾਰ ਪਾਸੋਂ ਮੰਗ ਕੀਤੀ ਗਈ ਕਿ ਨੰਬਰਦਾਰਾਂ ਨੂੰ ਆਪਣਾ ਨਾਂ ਰਜਿਸਟਰ ਕਰਾਉਣ ਅਤੇ ਐਸਡੀਐਮ ਦਫਤਰ ਲਾਈਵ ਸਰਟੀਫਿਕੇਟ ਜਮਾਂ ਕਰਾਉਣ ਵੇਲੇ ਬਹੁਤ ਪਰੇਸ਼ਾਨ ਨਾ ਕੀਤਾ ਜਾਵੇ। ਜਿਨਾਂ  ਨੰਬਰਦਾਰਾਂ ਨੇ ਆਪਣੇ ਲਾਈਫ ਸਰਟੀਫਿਕੇਟ ਜਮਾ ਕਰਾ ਦਿੱਤੇ ਹਨ ਉਹਨਾਂ ਦੇ ਖਾਤਿਆਂ ਵਿੱਚ ਉਹਨਾਂ ਦਾ ਬਣਨ ਦਾ ਮਾਣ ਭੱਤਾ ਤੁਰੰਤ ਪਾਇਆ ਜਾਵੇ। ਅੱਜ ਦੀ ਮੀਟਿੰਗ ਵਿੱਚ ਬਲਦੇਵ ਸਿੰਘ,ਰਛਪਾਲ ਸਿੰਘ,ਮਲਕੀਤ ਸਿੰਘ, ਗੁਰਮੀਤ ਸਿੰਘ,ਮਦਨਜੀਤ ਸਿੰਘ ਰਾਮਦਾਸ,ਰੇਸ਼ਮ ਸਿੰਘ,ਗਿਆਨ ਸਿੰਘ ,ਜੋਗਿੰਦਰ ਸਿੰਘ,ਗੁਰਦੇਵ ਸਿੰਘ,ਸਰੂਪ ਸਿੰਘ,ਬਾਵਾ ਸਿੰਘ ,ਸਤਪਾਲ ਜੌਹਲ, ਦਰਸ਼ਨ ਸਿੰਘ,ਮਹਿੰਦਰ ਸਿੰਘ,ਸਵਰਨ ਸਿੰਘ ਕਰਮ ਸਿੰਘ ਆਦਿ ਨੇ ਭਾਗ ਲਿਆ।