ਗੜ੍ਹਦੀਵਾਲਾ (PPT NEWS ) 

22 ਮਈ : ਹਰਿਆਣਾ ਦੇ ਪਿੰਡ ਸੋਤਲਾ ਵਿਖੇ ਬੀਤੀ ਸ਼ਾਮ 62 ਸਾਲਾ ਵਿਅਕਤੀ ਦਾ ਕਤਲ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਮ੍ਰਿਤਕ ਵਿਅਕਤੀ ਦੀ ਪਛਾਣ ਮਲਕੀਤ ਸਿੰਘ ਪੁੱਤਰ ਬਾਬੂ ਰਾਮ ਵਾਸੀ ਸੋਤਲਾ ਵਜੋਂ ਹੋਈ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਰੋਹਿਤ ਪੁੱਤਰ ਮਲਕੀਤ ਸਿੰਘ(19) ਵਾਸੀ ਸੋਤਲਾ ਥਾਣਾ ਹਰਿਆਣਾ ਜਿਲ੍ਹਾ ਹੁਸ਼ਿਆਰਪੁਰ ਨੇ ਦੱਸਿਆ ਕਿ  ਮੈਂ ਉਕਤ ਪਤੇ ਦਾ ਰਹਿਣ ਵਾਲਾ ਹਾਂ ਅਤੇ ਮੈਂ ਪ੍ਰਾਈਵੇਟ ਤੌਰ ਤੇ ਡਰਾਈਵਰੀ ਕਰਦਾ ਹਾਂ ਮਿਤੀ 21-05-2023 ਨੂੰ ਮੈਂ ਸ਼ਾਮ ਨੂੰ ਬਾਹਰ ਖੇਤਾਂ ਵਿਚੋਂ ਨਕੇ ਵੱਡਣ ਗਿਆ ਸੀ । ਜੋ ਵਕਤ ਕੀਬ 06:30 PM ਵਜੇ ਵਾਪਸ ਪਿੰਡ ਪਹੁੰਚ ਕੇ ਆਪਣੇ ਘਰ ਦੇ ਸਾਹਮਣੇ ਮੈਂ ਤੇ ਮੇਰੇ ਪਿਤਾ ਮਲਕੀਤ ਸਿੰਘ ਪੁੱਤਰ ਬਾਬੂ ਰਾਮ ਮੇਰੇ ਪਾਸ ਖੜੇ ਸਨ ਅਸੀਂ ਆਪਸ ਵਿੱਚ ਗੱਲ ਕਰ ਰਹੇ ਸਨ। ਇੰਨੇ ਨੂੰ ਸਬਜੀਤ ਸਿੰਘ ਪੁੱਤਰ ਗੁਰਬਖਸ਼ ਸਿੰਘ ਵਾਸੀ ਸੋਤਲਾ ਸਾਡੇ ਘਰ ਸਾਹਮਣੇ ਤੇ ਆਪਣੇ ਸਕੂਟਰ  PB07- 1854 ਮਾਰਕਾ ਬਜਾਜ ਚੇਤਕ ਤੇ ਸਵਾਰ ਹੋ ਕਿ ਲੱਛਿਆਂ ਤਾਂ ਬੜਾ ਅੱਗੇ ਜਾ ਕਿ ਉਸਨੇ ਆਪਣਾ ਸਕੂਟਰ ਰੋਕ ਕਿ ਖੜਾ ਕਰਕੇ ਪਿੱਛੇ ਨੂੰ ਮੇਰੇ ਘਰ ਦੇ ਸਾਹਮਣੇ ਸਾਡੇ ਪਾਸ ਆ ਗਿਆ ਜਿਸਨੇ ਕਿਹਾ ਕਿ ਤੁਸੀਂ ਮੇਰੀਆਂ ਗੱਲਾਂ ਕਿਉਂ ਕਰਦੇ ਹੋ ਮੈਂ ਉਸਨੂੰ ਕਿਹਾ ਕਿ ਮੈਂ ਤੇਰੀ ਕੋਈ ਗੱਲ ਨਹੀਂ ਕੀਤੀ ਤਾਂ ਮੇਰੇ ਨਾਲ ਗਾਲੀ – ਗਲੋਚ ਕਰਨ ਲੱਗ ਪਿਆ। ਜਿਸਨੇ ਇੱਕਦਮ ਮੇਰੇ ਚਪੇੜਾਂ ਅਤੇ ਡੰਡੇ ਮਾਰਨੇ ਸ਼ੁਰੂ ਕੀਤੇ। ਇੰਨੇ ਨੂੰ ਮੇਰੇ ਪਿਤਾ ਮਲਕੀਤ ਸਿੰਘ ਮੈਨੂੰ ਉਸ ਪਾਸੋਂ ਛਡਾਉਣ ਲਈ ਆਏ ਤਾਂ ਸਰਬਜੀਤ ਸਿੰਘ ਉਕਤ ਨੇ ਮੇਰੇ ਪਿਤਾ ਨੂੰ ਗਾਲ ਕੱਢ ਕਿਹਾ ਕਿ ਅੱਜ ਤੁਹਾਨੂੰ ਜਾਨੋ ਹੀ ਮਾਰ ਦੇਣਾ ਹੈ ਅਤੇ ਮੇਰੇ ਪਿਤਾ ਦੀ ਛਾਤੀ ਵਿੱਚ ਪੂਰੇ ਜ਼ੋਰ ਨਾਲ ਘਸੁੰਨ ਮਾਰਿਆ ਤਾਂ ਮੇਰੇ ਪਿਤਾ ਹੇਠਾਂ ਡਿੱਗ ਪਾਏ। ਜੋ ਮੇਰੇ ਪਿਤਾ ਦੇ ਹੇਠਾਂ ਡਿੱਗੇ ਦੇ ਸਬਰੀਤ ਸਿੰਘ ਉਕਤ ਨੇ ਢਿੱਡ ਵਿੱਚ ਲੱਤਾ ਮਾਰੀਆਂ ।ਮੈਂ ਉਚੀ ਉੱਚੀ ਰੌਲਾ ਪਾਇਆ ਤਾਂ ਸਬਰੀਤ ਸਿੰਘ ਉਕਤ ਮੌਕੇ ਤੇ ਆਪਣਾ ਸਕੂਟਰ ਲੈਕੇ ਕਿ ਦੌੜ ਗਿਆ । ਮੈਂ ਅਤੇ ਮੇਰੇ ਭਰਾ ਸੁਖਵਿੰਦਰ ਸਿੰਘ ਨੇ ਸਵਾਰੀ ਦਾ ਪ੍ਰਬੰਧ ਕਰਕੇ ਆਪਣੇ ਪਿਤਾ ਨੂੰ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲ ਕੰਗਮਾਈ ਲੈ ਗਏ ਜਿਥੇ ਡਾਕਟਰ ਨੇ ਚੈਕ ਕਰਕੇ ਮੇਰੇ ਪਿਤਾ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।ਪੁਲਸ ਨੇ ਲਾਸ਼ ਨੂੰ ਆਪਣੇ ਕਬਜ਼ੇ ਵਿਚ ਲੈ ਕੇ ਉਸ ਦਾ ਪੋਸਟਮਾਰਟਮ ਕਰਨ ਲਈ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਭੇਜ ਦਿੱਤੀ ਹੈ। ਪੁਲਸ ਨੇ ਰੋਹਿਤ ਦੇ ਬਿਆਨਾਂ ‘ਤੇ ਕਾਰਵਾਈ ਕਰਦੇ ਹੋਏ ਦੋਸ਼ੀ ਵਿਰੁੱਧ 302 ਆਈ. ਪੀ. ਸੀ. ਦੀ ਧਾਰਾ ਤਹਿਤ ਮੁਕੱਦਮਾ ਥਾਣਾ ਹਰਿਆਣਾ ਵਿਖੇ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ।