ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ)

27 ਜੁਲਾਈ : ਪਿਛਲੇ ਦਿਨੀ ਪਿੰਡ ਸਹੂੰਗੜਾ ਦੇ ਨੌਜਵਾਨ ਜਸਵਿੰਦਰ ਸਿੰਘ ਉਰਫ ਜੱਸੇ ਦੀ ਹੋਈ ਮੌਤ ਜੋ ਸਭ ਲਈ ਬੁਝਾਰਤ ਬਣੀ ਹੋਈ ਹੈ। ਜਿਸ ਨੂੰ ਵੀ ਇਸ ਮਸਲੇ ਵਾਰੇ ਪਤਾ ਲੱਗਦਾ ਹੈ ਜਾਂ ਵੀਡੀਓ ਵੇਖਦਾ ਹੈ ਉਹ ਪਹਿਲੀ ਆਵਾਜ ‘ਚ ਇਹੀ ਕਹਿੰਦਾ ਹੈ ਕਿ ਇਹ ਮੁੰਡੇ ਨੇ ਆਤਮਹੱਤਿਆ ਨਹੀਂ ਕੀਤੀ ਇਸ ਨੂੰ ਮਾਰ ਕੇ ਟੰਗਿਆ ਲੱਗ ਰਿਹਾ ਹੈ। ਅੱਜ ਸਹੂੰਗੜਾ ਵਿਖੇ ਜਸਵਿੰਦਰ ਸਿੰਘ ਦੀ ਮੌਤ ਤੇ ਅਫਸੋਸ ਕਰਨ ਪਹੁੰਚੇ ਕਾਂਗਰਸ ਦੇ ਜਿਲ੍ਹਾ ਪ੍ਰਧਾਨ ਅਜੈ ਮੰਗੂਪੁਰ ਨੇ ਆਖਿਆ ਕਿ ਜਿਸ ਬੱਚੇ ਨੂੰ ਪਰਿਵਾਰ ਦੇ ਮੈਂਬਰਾਂ ਨੂੰ ਰੋਟੀ ਦੇਣ ਗਏ ਨੂੰ ਹਸਪਤਾਲ ਹੋਣਾ ਚਾਹੀਦਾ ਸੀ ਬਦਕਿਸਮਤੀ ਨਾਲ ਉਹ ਬੱਚਾ 20 ਤਾਰੀਖ ਨੂੰ ਫਗਵਾੜੇ ਮਿਰਤਕ ਪਾਇਆ ਗਿਆ। ਵੀਡੀਓ ਵੇਖਣ ਤੇ ਪਹਿਲੀ ਨਜਰੇ ਇਹ ਸਾਫ ਹੋ ਜਾਂਦਾ ਹੈ ਕਿ ਇਹ ਬੱਚਾ ਆਪ ਨਹੀਂ ਮਰਿਆ ਲੱਗਦਾ। ਕਿਸੇ ਨਾਲ ਕੋਈ ਦੁਸ਼ਮਣੀ ਨਾ ਹੋਣ ਦੇ ਬਾਵਜੂਦ ਵੀ ਇਸ ਭਰ ਜੁਆਨੀ ਚ ਬੱਚੇ ਦਾ ਇਸ ਤਰ੍ਹਾਂ ਚਲੇ ਜਾਣਾ ਅਤੇ ਬੇਗਾਨੇ ਇਲਾਕੇ ਵਿੱਚ ਜਾ ਕੇ ਆਤਮਹੱਤਿਆ ਕਰਨਾ ਗਲ ਹਜਮ ਨਹੀ ਹੁੰਦੀ। ਪੁਲਿਸ ਪ੍ਰਸ਼ਾਸਨ ਨੂੰ ਇਸ ਮਸਲੇ ਦੀ ਤਹਿ ਤੱਕ ਜਾ ਕੇ ਗਰੀਬ ਮਾਂ ਬਾਪ ਨੂੰ ਪੂਰਾ ਇਨਸਾਫ ਦੇਣਾ ਚਾਹੀਦਾ ਹੈ। ਇਸ ਮੌਕੇ ਤੇ ਉਹਨਾਂ ਨਾਲ ਜੀਤਾ ਪ੍ਰਧਾਨ, ਦਿਲਬਾਗ ਠੇਕੇਦਾਰ, ਹਰਨੇਕ ਸਿੰਘ ਖੇਲਾ, ਸੰਤੋਖ ਸਿੰਘ ਖੇਲਾ, ਸੋਹਣ ਸਿੰਘ, ਡਾਕਟਰ ਹਰਭਜਨ ਸਿੰਘ, ਹਰਜਿੰਦਰ ਸਿੰਘ, ਮਨਕਰਨ ਸਿੰਘ, ਨਰਿੰਦਰ ਸਿੰਘ, ਨੰਬਰਦਾਰ ਓਮ ਪ੍ਰਕਾਸ਼ ਸਿੰਘ, ਜਥੇਦਾਰ ਪਿਆਰਾ ਸਿੰਘ, ਮਹਿੰਦਰ ਸਿੰਘ, ਸਰਨ ਦਾਸ, ਰਾਮ ਸਰੂਪ, ਨੰਬਰਦਾਰ ਮੁਖਤਿਆਰ ਸਿੰਘ ਤੇ ਪਰਿਵਾਰ ਦੇ ਮੈਂਬਰ ਹਾਜ਼ਿਰ ਸਨ।