ਕੇ.ਐਮ.ਐਸ ਕਾਲਜ ਦੀ ਨਵ ਨਿਰਮਾਣ ਕੰਟੀਨ ਵਿਖੇ ਹਵਨ ਕਰਵਾਇਆ : ਪ੍ਰਿੰਸੀਪਲ ਡਾ.ਸ਼ਬਨਮ ਕੌਰ

ਦਸੂਹਾ 3 ਅਗਸਤ (ਚੌਧਰੀ) : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਵਿਖੇ ਕਾਲਜ ਕੰਟੀਨ ਦੇ ਨਵ ਨਿਰਮਾਣ ਬਿਲਡਿੰਗ ਵਿੱਚ ਹਵਨ ਯੱਗ ਕਰਵਾਇਆ ਗਿਆ। ਇਹ ਹਵਨ ਯੱਗ ਪ੍ਰਿੰਸੀਪਲ ਡਾ ਸ਼ਬਨਮ ਕੌਰ ਅਤੇ ਡਾਇਰੈਕਟਰ ਡਾ. ਮਾਨਵ ਸੈਣੀ ਵੱਲੋਂ ਪੰਡਿਤ ਤਰਦੀਪ ਮਿਸ਼ਰਾ ਦੂਆਰਾ ਵਿਧੀ ਪੂਰਵਕ ਕੀਤਾ ਗਿਆ। ਇਸ ਹਵਨ ਰਾਹੀਂ ਵਿਸ਼ਵ ਸ਼ਾਂਤੀ ਦੀ ਪ੍ਰਾਰਥਨਾ ਵੀ ਕੀਤੀ ਗਈ। ਇਸ ਮੌਕੇ ਤੇ ਚੈਅਰਮੈਨ ਚੌਧਰੀ ਕੁਮਾਰ ਸੈਣੀ ਨੇ ਕਿਹਾ ਕਿ ਵਿਦਿਆਰਥੀਆਂ ਦੀ ਬਹੁਤ ਸਮੇਂ ਤੋਂ ਭਾਰੀ ਮੰਗ ਸੀ ਕਿ ਕਾਲਜ ਵਿਖੇ ਇਕ ਕੰਟੀਨ ਬਣਾਈ ਜਾਵੇ, ਜਿਸਦੀ ਪੂਰਤੀ ਅੱਜ ਮੈਨੇਜਮੈਂਟ ਵੱਲੋਂ ਕੀਤੀ ਗਈ ਹੈ। ਕਾਲਜ ਸਮੇਂ 4 ਵਜੇ ਤੋਂ ਬਾਅਦ ਇਸ ਕੇ.ਐਮ.ਐਸ ਕੈਫੇਟੀਨ ਦਾ ਲਾਭ ਬਾਕੀ ਕਲੋਨੀ ਵਾਲੇ ਵੀ ਲੈ ਸਕਣਗੇ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਮੈਡਮ ਸੰਤੋਸ਼ ਗਿੱਲ,ਰਿਟਾਇਰਡ ਪ੍ਰਿੰਸੀਪਲ ਸਤੀਸ਼ ਕਾਲੀਆ, ਠਾਕੁਰ ਦਿਆਲ ਸਿੰਘ, ਡਾ.ਦਿਲਬਾਗ ਸਿੰਘ,ਭਾਗ ਸਿੰਘ, ਮਾਸਟਰ ਰਮੇਸ਼, ਵਿਨੋਦ ਹੰਸ, ਕਰਨਲ ਜੋਗਿੰਦਰ ਲਾਲ ਸ਼ਰਮਾ, ਸੁਰਿੰਦਰ ਨਾਥ, ਸ਼ਾਮ ਨਾਥ ਮਹਿਤਾ, ਵਿਨੋਦ ਕੁਮਾਰ ਚੌਹਾਨ, ਵੈਦ ਵਿਵੇਕ ਗੁਪਤਾ, ਬੀ.ਡੀ ਰੱਲ੍ਹਣ, ਨਿਖਿਲ ਗੰਭੀਰ, ਫੈਕਲਟੀ ਮੈਂਬਰ ਅਤੇ ਵਿਦਿਆਰਥੀ ਆਦਿ ਹਾਜ਼ਰ ਸਨ।