ਗੜ੍ਹਦੀਵਾਲਾ (ਚੌਧਰੀ) 

ਜਿਲਾ ਪੱਧਰ ਖੇਡਾਂ ‘ਚ ਧੁੱਗਾ ਕਲਾਂ ਸਕੂਲ ਦਾ ਸ਼ਾਨਦਾਰ ਪ੍ਰਦਰਸ਼ਨ

27 ਸਤੰਬਰ : ਬੀਤੇ ਦਿਨੀਂ ਹੋਏ ਜਿਲਾ ਪੱਧਰੀ ਖੇਡ ਮੁਕਾਬਲਿਆ ਵਿੱਚ ਸ.ਸ.ਸ.ਸ ਸ ਧੁੱਗਾਕਲਾਂ ਦੇ ਖਿਡਾਰੀਆਂ ਵਲੋਂ ਵਧੀਆ ਪ੍ਰਦਰਸ਼ਨ ਕੀਤਾ ਗਿਆ। ਜਿਸ ਵਿੱਚ ਅੰਡਰ-14 ਸਾਲਾ ਲੜਕੇ ਖੋ-ਖੋ ਵਿੱਚ ਜਿਲੇ ਵਿੱਚੋਂ ਦੂਸਰਾ ਸਥਾਨ ਅਤੇ ਅੰਡਰ-17 ਸਾਲਾ ਲੜਕੀਆਂ ਵੱਲੋਂ ਜਿਲੇ ਵਿੱਚ ਤੀਸਰਾ ਸਥਾਨ ਹਾਸਿਲ ਕੀਤਾ। ਖੋ-ਖੋ ਵਿੱਚ ਕੁੱਲ 6 ਖਿਡਾਰੀਆਂ ਦੀ ਚੋਣ ਸਟੇਟ ਪੱਧਰ ਲਈ ਹੋਈ। ਖੇਡਾਂ“ਵਤਨ ਪੰਜਾਬ ਦੀਆਂ” ਤਹਿਤ ਸਿਮਰਨ ਅੰਡਰ-19 ਨੇ 5000 ਮੀਟਰ ਵਿੱਚ ਗੋਲਡ ਮੈਡਲ ਅਤੇ ਅਲੋਕ ਕੁਮਾਰ ਅੰਡਰ-17 ਨੇ 800 ਮੀਟਰ ਵਿੱਚੋਂ ਦੂਸਰਾ ਸਥਾਨ ਹਾਸਿਲ ਕੀਤਾ। ਇਸ ਤੋਂ ਇਲਾਵਾ 50+ ਉਮਰ ਗਰੁੱਪ ਵਿੱਚ ਸਕੂਲ ਦੇ ਵੋਕੇਸ਼ਨਲ ਮਾਸਟਰ ਯੁੱਧਵੀਰ ਸਿੰਘ ਨੇ 400 ਮੀਟਰ ਵਿੱਚ ਦੂਸਰਾ ਅਤੇ 800 ਮੀਟਰ ਵਿੱਚ ਤੀਸਰਾ ਸਥਾਨ ਹਾਸਿਲ ਕੀਤਾ ਅਤੇ ਇਹਨਾਂ ਦੀ ਚੋਣ ਵੀ ਸਟੇਟ ਪੱਧਰ ਲਈ ਹੋਈ । ਇਸ ਮੌਕੇ ਤੇ ਪ੍ਰਿੰਸੀਪਲ ਜੀਵਨ ਕੁਮਾਰੀ ਅਤੇ ਸਮੂਹ ਸਟਾਫ ਵਲੋਂ ਖਿਡਾਰੀਆਂ ਨੂੰ ਟਰਾਫੀਆਂ ਅਤੇ ਨਕਦ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੋਕੇ ਮੈਡਮ ਕੁਲਵਿੰਦਰ ਕੌਰ ਲੈਕ.ਸਰੀਰਿਕ ਸਿੱਖਿਆ ਤੇ ਜਸਵਿੰਦਰ ਸਿੰਘ ਡੀ.ਪੀ.ਈ ਅਤੇ ਸਮੂਹ ਸਟਾਫ ਨੇ ਬੱਚਿਆਂ ਨੂੰ ਅਸ਼ੀਰਵਾਦ ਦਿੱਤਾ ਅਤੇ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਆ।