ਗੜਦੀਵਾਲਾ 20 ਮਈ (ਚੌਧਰੀ) : ਸਾਡੀ ਗੁਰਬਾਣੀ ਵਿੱਚ ਪਾਣੀ ਨੂੰ ਗੁਰੂ ਦਾ ਦਰਜਾ ਦਿੱਤਾ ਗਿਆ ਹੈ। ਤਲਵਾੜਾ ਤੋਂ ਬਲਾਚੌਰ ਤੱਕ ਜਾ ਰਹੀ ਕੰਢੀ ਨਹਿਰ ਦੀ ਨਵੇਂ ਸਿਰਿਓਂ ਕੰਕਰੀਟ ਕੀਤੀ ਜਾ ਰਹੀ ਹੈ।ਇਹ ਨਵੇਂ ਸਿਰਿਓਂ ਕੰਕਰੀਟ ਕੀਤੀ ਜਾ ਰਹੀ ਨਹਿਰ ਇੰਨੀ ਸਟਰੋਂਗ ਬਣਾਈ ਜਾ ਰਹੀ ਹੈ ਕਿ ਇੱਕ ਵੀ ਪਾਣੀ ਦੀ ਬੂੰਦ ਧਰਤੀ ਵਿੱਚ ਰਿਸੇਗਾ ਨਹੀਂ  ? ਸਥਾਨਕ ਲੋਕ ਜ਼ੋਰਦਾਰ ਮੰਗ ਕਰ ਰਹੇ ਹਨ ਕਿ ਪਾਣੀ ਦਾ ਡਿੱਗ ਰਿਹਾ ਮਿਆਰ ਨਹਿਰ ਨੂੰ ਥੱਲੇ ਤੋਂ ਕੱਚੀ ਰੱਖ ਕੇ ਹੀ ਉੱਪਰ ਆ ਸਕਦਾ ਹੈ। ਇਲਾਕੇ ਦੇ ਲੋਕਾਂ ਦੀ ਮੰਗ ਹੈ ਕਿ ਇਸ ਸਮੱਸਿਆ ਨੂੰ ਸਰਕਾਰ ਗੰਭੀਰਤਾ ਨਾਲ ਲਵੇ ਤੇ ਲੋਕਾਂ ਦੀ ਕਹਿਣ ਤੇ ਅਸਰ ਕਰੇ ਕਿਉਂਕਿ ਇਹ ਨਹਿਰ ਕੰਢੀ ਦੇ ਲੋਕਾਂ ਲਈ ਵਰਦਾਨ ਸਾਬਤ ਹੋ ਰਹੀ ਸੀ ਤੇ ਹੋਣੀ ਵੀ ਚਾਹੀਦੀ ਹੈ । ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਨਵੀਂ ਬਸਤੀ ਪੰਡੋਰੀ ਅਟਵਾਲ ਦੇ ਲੋਕਾਂ ਨੇ ਪੱਤਰਕਾਰਾਂ ਨਾਲ ਸਾਂਝਾ ਕੀਤਾ।ਉਨ੍ਹਾਂ ਕਿਹਾ ਕਿ ਪੰਡੋਰੀ ਅਟਵਾਲ ਦੇ ਇਲਾਕੇ ਵਿਚੋਂ ਲੰਘਦੀ ਇਹ ਨਹਿਰ ਵਿਚ ਇਕ ਗਊ ਘਾਟ ਵੀ ਉਸਾਰਿਆ ਜਾਵੇ।ਉਨਾਂ ਕਿਹਾ ਕਿ ਅਸੀਂ ਆਪ ਹੀ ਜ਼ਿੰਮੇਵਾਰ ਹਾਂ ਕਿ ਅਸੀਂ ਧਰਤੀ ਦੇ ਪਾਣੀ ਨੂੰ ਪਲੀਤ ਕਰਕੇ ਰੱਖ ਦਿੱਤਾ ਹੈ। ਪੰਦਰਾਂ ਲੱਖ ਟਿਊਬਵੈੱਲ ਇਸ ਵੇਲੇ ਪੰਜਾਬ ਚ ਧਰਤੀ ਤੋਂ ਪਾਣੀ ਖਿੱਚ ਰਹੇ ਹਨ ਤੇ ਧਰਤੀ ਤੇ ਨੀਵਾਂ ਜਾ ਰਿਹਾ ਪਾਣੀ ਦਾ ਪੱਧਰ ਆਉਣ ਵਾਲੀ ਪੀੜ੍ਹੀ ਲਈ ਚਿੰਤਾ ਦਾ ਵਿਸ਼ਾ ਹੈ  ਅਤੇ ਸਭ ਵੀ ਘਾਤਕ ਹੈ । ਆਉਣ ਵਾਲੇ ਸਮੇਂ ਵਿਚ ਪੰਜਾਹ ਹਜ਼ਾਰ ਨਵੇਂ ਟਿਊਬਵੈੱਲ ਲੱਗ ਰਹੇ ਹਨ ਜਿਨ੍ਹਾਂ ਦੀ ਗਿਣਤੀ ਪੱਚੀ ਲੱਖ ਹੋ ਜਾਵੇਗੀ । ਅੱਜ ਅਸੀਂ ਸਾਢੇ ਛੇ ਸੌ ਫੁੱਟ ਤੱਕ ਧਰਤੀ ਦੀ ਹਿੱਕ ਪਾੜ ਕੇ ਪੀਣ ਵਾਲੇ ਪਾਣੀ ਨੂੰ ਤਲਾਸ਼ ਰਹੇ ਹਾਂ, ਸਾਡੇ ਚ ਕਦੋਂ ਆਵੇਗੀ ਜਾਗ੍ਰਿਤੀ।ਸਰਕਾਰਾਂ ਭਾਵੇਂ ਲੱਖ ਯਤਨ ਕਰ ਰਹੀਆਂ ਹਨ ਪਰ ਸਾਨੂੰ ਹਰੇਕ ਨੂੰ ਇਸ ਪ੍ਰਤੀ ਜਾਗਰੂਕ ਹੋਣ ਦੀ ਲੋੜ ਹੈ । ਅੱਜ ਇਸ ਇਕੱਠ ਵਿੱਚ ਕਸ਼ਮੀਰਾ ਸਿੰਘ ਸਾਬਕਾ ਪੰਚ, ਸੁਰਜਨ ਰਾਮ ਮੈਂਬਰ ਪੰਚਾਇਤ,ਮਹਿੰਦਰ, ਸੁਰਿੰਦਰ ,ਤੋਤਾ ,ਗੁਰਮੀਤ ਸਿੰਘ ,ਸੇਵਾ ਰਾਮ ,ਸਤਨਾਮ ‘ਬਲਵਿੰਦਰ ਬਲਵੀਰ ਸਿੰਘ, ਸੁਖਵਿੰਦਰ ਸਿੰਘ ਮੱਖਣ ,ਕੁਲਵਿੰਦਰ ਕੌਰ, ਜੋਗਿੰਦਰ ਕੌਰ, ਮਨਜੀਤ ਕੌਰ ਆਦਿ ਹਾਜ਼ਰ ਸਨ।