ਗੜ੍ਹਦੀਵਾਲਾ (ਚੌਧਰੀ) 

: ਦੋਆਬਾ ਕਿਸਾਨ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸ ਜੰਗਵੀਰ ਸਿੰਘ ਚੌਹਾਨ ਦੇ ਦਿਸ਼ਾ ਨਿਰਦੇਸ਼ਾਂ ਅਧੀਨ ਅੱਜ ਜਿੱਥੇ ਵੱਖ ਵੱਖ ਥਾਵਾਂ ਤੇ ਕੇਂਦਰ ਸਰਕਾਰ ਵੱਲੋਂ ਸਟੇਟਾਂ ਨੂੰ ਭੇਜੇ ਗਏ ਖੇਤੀ ਮਾਰਕਟਿੰਗ ਖਰੜੇ ਦਾ ਵਿਰੋਧ ਕੀਤਾ ਗਿਆ ਅਤੇ ਇਸ ਦੀਆਂ ਕਾਪੀਆਂ ਸਾੜੀਆਂ ਗਈਆਂ ਉਸੇ ਅਧੀਨ ਅੱਜ ਗੜਦੀ ਵਾਲਾ ਵਿੱਚ ਸਰਕਲ ਪ੍ਰਧਾਨ ਨੰਬਰਦਾਰ ਪਰਮਿੰਦਰ ਸਿੰਘ ਸਮਰਾ ਵੱਲੋਂ ਬਹੁਤ ਗਿਣਤੀ ਕਿਸਾਨਾਂ ਦੀ ਹਾਜ਼ਰੀ ਵਿੱਚ ਇਸ ਖਰੜੇ ਦੀਆਂ ਕਾਪੀਆਂ ਸਾੜੀਆਂ ਗਈਆਂ ਉਹਨਾਂ ਵੱਲੋਂ ਆਮ ਜਨਤਾ ਨੂੰ ਦੱਸਿਆ ਗਿਆ ਕਿ ਇਹ ਬਿੱਲ ਕਿਸੇ ਵੀ ਤਰ੍ਹਾਂ ਸਾਡੇ ਲਈ ਲਾਭਕਾਰੀ ਨਹੀਂ ਹਨ। ਉਹਨਾਂ ਕਿਹਾ ਕਿ ਇਹ ਉਹ ਹੀ ਕਾਲੇ ਬਿੱਲ ਹਨ ਜੋ ਲੰਬੇ ਸੰਘਰਸ਼ ਤੋਂ ਬਾਅਦ ਜਥੇਬੰਦੀਆਂ ਨੇ ਵਾਪਸ ਦਵਾਏ ਸੀ ਪਰ ਸਰਕਾਰ ਦੀਆਂ ਮਾਰੂ ਨੀਤੀਆਂ ਕਾਰਨ ਇਹ ਦੁਆਰਾ ਤੋੜ ਮਰੋੜ ਕੇ ਪੇਸ਼ ਕੀਤੇ ਜਾ ਰਹੇ ਹਨ ਜੋ ਆਮ ਜਨਤਾ ਵੱਲੋਂ ਕਦੇ ਵੀ ਸਵੀਕਾਰ ਨਹੀਂ ਕੀਤੇ ਜਾਣਗੇ। ਉਹਨਾਂ ਕਿਹਾ ਕਿ ਜਿਨਾਂ ਸਰਕਾਰਾਂ ਨੇ ਦੇਸ਼ ਦੇ ਲੋਕਾਂ ਦੇ ਜੀਵਨ ਨੂੰ ਸੁਖਾਲਾ ਬਣਾਉਣਾ ਹੁੰਦਾ ਹੈ ਉਹੀ ਸਰਕਾਰਾਂ ਇਹਨਾਂ ਨੂੰ ਦੁਖੀ ਕਰਨ ਤੇ ਲੱਗੀਆਂ ਹੋਈਆਂ ਹਨ। ਹਰ ਵਕਤ ਸਾਨੂੰ ਸੰਘਰਸ਼ ਦਾ ਰਾਹ ਹੀ ਅਪਣਾਉਣਾ ਪੈ ਰਿਹਾ ਹੈ। ਉਹਨਾ ਕਿਹਾ ਕਿ ਡੱਲੇਵਾਲ ਸਾਹਿਬ ਦੀ ਵਿਗੜਦੀ ਹੋਈ ਸਿਹਤ ਸਾਡੇ ਸਾਰਿਆਂ ਲਈ ਚਿੰਤਾ ਦਾ ਵਿਸ਼ਾ ਹੈ ਸਰਕਾਰ ਇਸ ਪ੍ਰਤੀ ਬਿਲਕੁਲ ਵੀ ਗੰਭੀਰ ਨਹੀਂ ਹੈ। ਸਾਨੂੰ ਸਾਰਿਆਂ ਨੂੰ ਆਪਣੇ ਹੱਕਾਂ ਦੇ ਲਈ ਸੁਚੇਤ ਹੋਣਾ ਪਵੇਗਾ ਅਤੇ ਆਪਣੀ ਆਵਾਜ਼ ਨੂੰ ਬੁਲੰਦ ਕਰਨਾ ਚਾਹੀਦਾ ਹੈ ਇਸ ਸਮੇਂ ਕਮਲਦੀਪ ਸਿੰਘ ਸਮਰਾ ਇਕਾਈ ਪ੍ਰਧਾਨ ਥੇਦਾ, ਮਨਪ੍ਰੀਤ ਸਿੰਘ ਸਰਾਂ ਜੀਤੂ ਕਾਲਕਟ, ਹਰਦੀਪ ਸਿੰਘ ਸਮਰਾ ਕੁਲਦੀਪ ਸਿੰਘ ਥਿੰਦਾ ਹਰਵਿੰਦਰ ਸਿੰਘ ਸਮਰਾ ਸੁਖਵਿੰਦਰ ਸਿੰਘ ਲਾਡੀ ਮਹਿੰਦਰ ਸਿੰਘ ਕਾਲਕਾਟ ਤਰਨਦੀਪ ਸਿੰਘ ਤਨੂ ਸਰਬਜੀਤ ਸਿੰਘ ਸਾਬੀ ਤਰਲੋਕ ਸਿੰਘ ਹਰਦੋਪੱਟੀ, ਤਾਰਨਦੀਪ ਸਿੰਘ ਮੱਲੀ ਤਲਵਿੰਦਰ ਸਿੰਘ ਦਾਰਾਪੁਰ ਹਰ ਕਮਲ ਸਿੰਘ ਬਾਹਗਾ ਜਰਨੈਲ ਸਿੰਘ ਖਾਲਸਾ ਕਰਨੈਲ ਸਿੰਘ ਪੰਡੋਰੀ ਅਟਵਾਲ,ਬੰਟੀ ਬਾਹਗਾ, ਰੁਪਿੰਦਰ ਸਿੰਘ ਧੂਤ,ਬਲਦੀਪ ਸਿੰਘ ਭੁੱਲਰ,ਰਾਜਾ ਰੂਪੋਵਾਲ, ਕਾਕਾ ਧੁੱਗਾ ਕਲਾਂ,ਸਾਬੀ ਅੰਬਾਲਾ ਜੱਟਾ,ਮਨਜੀਤ ਸਿੰਘ ਖ਼ਾਨਪੁਰ, ਸਰਬਜੋਤ ਸਿੰਘ ਸਮਰਾ ਅਤੇ ਸਮੂਹ ਦੁਕਾਨਦਾਰ ਵੀਰ ਹਾਜਰ ਸਨ