ਦੋ ਬੱਚਿਆਂ ਦੀ ਮਾਂ ਨੇ ਫਾਹਾ ਲੈ ਕੇ ਜੀਵਨਲੀਲ੍ਹਾ ਕੀਤੀ ਸਮਾਪਤ

ਗੜ੍ਹਸ਼ੰਕਰ, (ਜਤਿੰਦਰ ਪਾਲ ਸਿੰਘ ਕਲੇਰ ) ਸਵੇਰੇ 10 ਕੁ ਵਜੇ ਮਾਹਿਲਪੁਰ ਦੀ ਵਸਨੀਕ ਇੱਕ ਵਿਆਹੁਤਾ ਔਰਤ ਵਲੋਂ ਘਰ ‘ਚ ਹੀ ਬਣੇ ਕਮਰੇ ‘ਚ ਗਾਡਰ ਨਾਲ ਚੁੰਨੀ ਬੰਨ੍ਹ ਕੇ ਫਾਹਾ ਲੈ ਕੇ ਜੀਵਨ ਲੀਲਾ ਸਮਾਪਤ ਕਰ ਲੈਣ ਦਾ ਸਮਾਚਾਰ ਹੈ | ਜਾਣਕਾਰੀ ਅਨੁਸਾਰ ਮਾਹਿਲਪੁਰ ਦੇ ਵਾਰਡ -9 ਦੀ ਵਸਨੀਕ ਦੋ ਬੱਚਿਆਂ ਦੀ ਮਾਂ ਸੁਖਵਿੰਦਰ ਕੌਰ ਜੋ ਕਿ ਕਿਰਾਏ ਦੇ ਘਰ ‘ਚ ਰਹਿੰਦੀ ਸੀ ਅਤੇ ਉਸ ਦਾ ਪਤੀ ਮਨਦੀਪ ਕੁਮਾਰ ਉਰਫ਼ ਸੋਨੂੰ 6 ਕੁ ਮਹੀਨੇ ਤੋਂ ਵਿਦੇਸ਼ (ਦੁਬਈ) ਗਿਆ ਹੋਇਆ ਹੈ, ਨੇ ਆਪਣੇ ਘਰ ‘ਚ ਬਣੇ ਕਮਰੇ ਨਾਲ ਫਾਹਾ ਲੈ ਲਿਆ | ਜਾਣਕਾਰੀ ਮਿਲਦੇ ਹੀ ਥਾਣਾ ਮਾਹਿਲਪੁਰ ਦੀ ਪੁਲਿਸ ਤੇ ਉਸ ਦੇ ਜੇਠ ਸਮੇਤ ਕਮਰੇ ‘ਚ ਲੱਗੇ ਦਰਵਾਜ਼ੇ ਨੂੰ ਭੰਨਿਆ ਤੇ ਉਸ ਦੀ ਲਟਕੀ ਲਾਸ਼ ਨੂੰ ਹੇਠਾਂ ਲਾਹਿਆ | ਇਸ ਸਬੰਧੀ ਮਾਮਲੇ ਦੀ ਜਾਂਚ ਪੜਤਾਲ ਕਰ ਰਹੇ ਥਾਣੇਦਾਰ ਦਲਜੀਤ ਕੁਮਾਰ ਨੇ ਦੱਸਿਆ ਕਿ ਲਾਸ਼ ਨੂੰ ਕਬਜ਼ੇ ‘ਚ ਲੈ ਲਿਆ ਹੈ ਤੇ ਉਸ ਦੇ ਪੇਕਿਆਂ ਵਾਲਿਆ ਦੇ ਕਹਿਣ ‘ਤੇ ਉਸ ਦੇ ਪਤੀ ਮਨਦੀਪ ਕੁਮਾਰ ਨੂੰ ਪਹਿਲਾ ਵਿਦੇਸ਼ ਤੋਂ ਇੱਥੇ ਭਾਰਤ ਬਲਾਇਆ ਜਾਵੇਗਾ, ਉਸ ਉਪਰੰਤ ਕਾਰਵਾਈ ਕੀਤੀ ਜਾਵੇਗੀ |