ਕਰਮਚਾਰੀ ਦਲ ਸ਼ਹਿਰੀ ਮੰਡਲ ਅਤੇ ਦਿਹਾਤੀ ਮੰਡਲ ਬਟਾਲਾ ਦਾ ਵਫ਼ਦ ਆਪਣੀਆਂ ਮੰਗਾਂ ਦੀ ਪੂਰਤੀ ਲਈ ਵਿਧਾਇਕ ਸ਼ੈਰੀ ਕਲਸੀ ਨਾਲ ਕੀਤੀ ਮੁਲਾਕਾਤ ਅਤੇ ਫੁੱਲਾਂ ਦਾ ਗੁਲਦਸਤਾ ਭੇਂਟ ਕਰਕੇ ਕੀਤਾ ਸਨਮਾਨਿਤ

ਬਟਾਲਾ 12 ਜੂਨ (ਅਵਿਨਾਸ਼ ਸ਼ਰਮਾ ) ਅੱਜ ਕਰਮਚਾਰੀ ਦਲ ਸ਼ਹਿਰੀ ਮੰਡਲ ਬਟਾਲਾ ਅਤੇ ਸਬ ਅਰਬਨ ਮੰਡਲ ਬਟਾਲਾ ਦਾ ਵਫ਼ਦ ਸ੍ਰੀ ਸ਼ੈਰੀ ਕਲਸੀ ਐੱਮ ਐੱਲ ਏ ਨੂੰ ਉਨ੍ਹਾਂ ਦੇ ਦਫ਼ਤਰ ਵਿਖੇ ਮੁਲਾਜ਼ਮਾਂ ਦੀਆਂ ਸਮੱਸਿਆਵਾਂ ਦੇ ਸਬੰਧ ਵਿੱਚ ਮਿਲਿਆ ਅਤੇ ਮੁਲਾਜ਼ਮ ਮਸਲਿਆਂ ਬਾਰੇ ਉਨ੍ਹਾਂ ਨਾਲ ਵਿਚਾਰ ਵਟਾਂਦਰਾ ਕੀਤਾ ਗਿਆ । ਐੱਮ ਐੱਲ ਏ ਸਾਹਿਬ ਨੇ ਮੁਲਾਜ਼ਮ ਮਸਲਿਆਂ ਨੂੰ ਬਹੁਤ ਧਿਆਨ ਨਾਲ ਸੁਣਿਆ ਅਤੇ ਜਥੇਬੰਦੀ ਨੂੰ ਯਕੀਨ ਦਿਵਾਇਆ ਕਿ ਉਹ ਇਹ ਮਸਲੇ ਮਾਣਯੋਗ ਬਿਜਲੀ ਮੰਤਰੀ ਅਤੇ ਮੁੱਖ ਮੰਤਰੀ ਸ੍ਰੀ ਭਗਵੰਤ ਸਿੰਘ ਮਾਨ ਜੀ ਦੇ ਧਿਆਨ ਵਿੱਚ ਲਿਆਉਣਗੇ ਅਤੇ ਉਨ੍ਹਾਂ ਦਾ ਹੱਲ ਕਰਵਾਇਆ ਜਾਵੇਗਾ ,ਉਨ੍ਹਾਂ ਕਿਹਾ ਕੇ ਪਿਛਲੇ ਸਮੇਂ ਮੁਲਾਜ਼ਮਾਂ ਨੇ ਆਮ ਆਦਮੀ ਪਾਰਟੀ ਦਾ ਸਾਥ ਦਿੱਤਾ ਹੈ ਅਤੇ ਹੁਣ ਸਰਕਾਰ ਬਣਨ ਤੇ ਮੁਲਾਜ਼ਮਾਂ ਨੂੰ ਕੋਈ ਮੁਸ਼ਕਲ ਨਹੀਂ ਆਉਣ ਦਿੱਤੀ ਜਾਵੇਗੀ । ਵਫ਼ਦ ਨੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਤੇ ਉਨ੍ਹਾਂ ਨੂੰ ਪਿਆਰ ਸਹਿਤ ਫੁੱਲਾਂ ਦਾ ਗੁਲਦਸਤਾ ਭੇਟ ਕੀਤਾ ਗਿਆ । ਜਿਸ ਨੂੰ ਉਨ੍ਹਾਂ ਨੇ ਪਿਆਰ ਸਹਿਤ ਕਬੂਲ ਕੀਤਾ ਇੱਥੇ ਦੱਸਿਆ ਜਾਂਦਾ ਹੈ ਕਿ ਪਿਛਲੇ ਦਿਨੀਂ ਕਰਮਚਾਰੀ ਦਲ ਦਾ ਇਕ ਵਫ਼ਦ ਸੂਬਾ ਪ੍ਰਧਾਨ ਸ੍ਰੀ ਰਵੇਲ ਸਿੰਘ ਸਹਾਏਪੁਰ ਜੀ ਦੀ ਅਗਵਾਈ ਵਿਚ ਮਾਣਯੋਗ ਬਿਜਲੀ ਮੰਤਰੀ ਸ੍ਰੀ ਹਰਚਰਨ ਸਿੰਘ ਈ ਟੀ ਓ ਜੀ ਨੂੰ ਮਿਲਿਆ , ਇਸ ਵਫ਼ਦ ਵਿੱਚ ਦਿਲਬਾਗ ਸਿੰਘ ਬੁੱਟਰ ਬਾਰਡਰ ਜ਼ੋਨ ਸਕੱਤਰ ਕਰਮਚਾਰੀ ਦਲ, ਹਰਜੀਤ ਸਿੰਘ ਟਰਪਈ ਪ੍ਰਧਾਨ ਸਬ ਅਰਬਨ ਡਵੀਜ਼ਨ ਬਟਾਲਾ, ਹੀਰਾ ਲਾਲ ਪ੍ਰਧਾਨ ਸਿਟੀ ਬਟਾਲਾ, ਅਰਜਨ ਸਿੰਘ ਸੀਨੀਅਰ ਮੀਤ ਪ੍ਰਧਾਨ ਸਰਕਲ ਗੁਰਦਾਸਪੁਰ , ਸੁਰਜੀਤ ਸਿੰਘ ਅਮਰਗੜ੍ਹ ਸਕੱਤਰ ਸ਼ਹਿਰੀ ਮੰਡਲ ਬਟਾਲਾ , ਰਵਿੰਦਰ ਕੁਮਾਰ ਪ੍ਰੈੱਸ ਸਕੱਤਰ ਸ਼ਹਿਰੀ ਮੰਡਲ ਬਟਾਲਾ ,ਸਰਬਜੀਤ ਸਿੰਘ ਆਰ ਏ ਪੰਜਗਰਾਈਆਂ ,ਜਸਬੀਰ ਸਿੰਘ ਖ਼ਾਲਸਾ ,ਕੰਵਲਜੀਤ ਸਿੰਘ ਕਲੇਰ, ਸਰਬਜੀਤ ਸਿੰਘ ਆਲੋਵਾਲ ਪ੍ਰਧਾਨ ਉੱਤਰੀ ਸਬ ਡਿਵੀਜ਼ਨ ਬਟਾਲਾ, ਜਸਪਾਲ ਸਿੰਘ ਪੀ ਏ ਐਮ ਐਲ ਏ, ਵਾਸਦੇਵ ਸ਼ਰਮਾ ਪੀ ਏ ਐੱਮ ਐੱਲ ਏ , ਸ਼ਹਿਰੀ ਮੰਡਲ ਬਟਾਲਾ ਹਾਜ਼ਰ ਹੋਏ ।