ਗੜ੍ਹਦੀਵਾਲਾ 21 ਜੂਨ (ਚੌਧਰੀ) 

: ਅੱਜ ਪਿੰਡ ਥੇਂਦਾ ਵਿਖੇ ਗੁਰਦੁਆਰਾ ਸਿੰਘ ਸਭਾ, ਸਮੂਹ ਗ੍ਰਾਮ ਪੰਚਾਇਤ ਅਤੇ ਦਸ਼ਮੇਸ਼ ਸੇਵਾਵਾਂ ਕਲੱਬ ਵੱਲੋਂ ਬਲਰਾਜ ਸਿੰਘ ਕਾਲਕੱਟ ਅਮਰੀਕਾ ਨਿਵਾਸੀ ਦਾ ਪਿੰਡ ਦੇ ਵਿੱਚ ਧਾਰਮਿਕ, ਖੇਡਾਂ ਸਕੂਲ ਅਤੇ ਹਰ ਖੇਤਰ ਵਿੱਚ ਪਾਏ ਗਏ ਵਡਮੁੱਲੇ ਯੋਗਦਾਨ ਕਰਕੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਹਰਵਿੰਦਰ ਸਿੰਘ ਸਮਰਾ ਅਤੇ ਸਰਪੰਚ ਹਰਦੀਪ ਸਿੰਘ ਸਮਰਾ ਨੇ ਕਿਹਾ ਕਿ ਪਿੰਡ ਦੀ ਤਰੱਕੀ ਦੇ ਵਿੱਚ ਐਨ ਆਰ ਆਈ ਵੀਰਾਂ ਦਾ ਬਹੁਤ ਸਹਿਯੋਗ ਹੁੰਦਾ ਹੈ। ਬਲਰਾਜ ਸਿੰਘ ਕਾਲਕੱਟ ਨੇ ਹਮੇਸ਼ਾ ਪਿੰਡ ਦੇ ਵਿੱਚ ਜਦ ਵੀ ਲੋੜ ਪਈ ਹੈ ਤਾਂ ਹਮੇਸ਼ਾ ਸਭ ਤੋਂ ਮੂਹਰੇ ਆ ਕੇ ਸਹਿਯੋਗ ਕੀਤਾ ਹੈ। ਚਾਹੇ ਉਹ ਖੇਡਾਂ ਹੋਣ ਧਾਰਮਿਕ ਪ੍ਰੋਗਰਾਮ ਹੋਣ ਹਰ ਖੇਤਰ ਦੇ ਵਿੱਚ ਮਾਇਆ ਦੇ ਖੁੱਲੇ ਗੱਫੇ ਭੇਜ ਕੇ ਹਰ ਸੰਭਵ ਮਦਦ ਕੀਤੀ ਹੈ। ਸਾਨੂੰ ਮਾਣ ਹੈ ਕਿ ਅਜਿਹੇ ਐਨ ਆਰ ਆਈ ਵੀਰ ਸਾਡੇ ਪਿੰਡ ਦੇ ਵਸਨੀਕ ਹਨ। ਇਸ ਮੌਕੇ ਸਰਪੰਚ ਹਰਦੀਪ ਸਿੰਘ ਸਮਰਾ, ਹਰਵਿੰਦਰ ਸਿੰਘ ਸਮਰਾ , ਕਰਨੈਲ ਸਿੰਘ ਪੰਚ, ਮਨਜਿੰਦਰ ਸਿੰਘ ਬੋਦਲ, ਲਵਰਾਜ ਸਿੰਘ ਕਾਲਕੱਟ, ਮਲੂਕ ਸਿੰਘ ਕਾਲਕੱਟ, ਸਤਵਿੰਦਰ ਸਿੰਘ, ਆਦਿ ਹਾਜ਼ਰ ਸਨ।