ਗੜ੍ਹਦੀਵਾਲਾ 17 ਜੂਨ (ਚੌਧਰੀ)
: ਅੱਜ ਸਵੇਰੇ 8.30 ਵਜੇ ਦੇ ਕਰੀਬ ਗੋਲਡਨ ਰਿਸੋਰਟ ਪੈਲੇਸ ਦੇ ਨੇੜੇ ਪਿੰਡ ਮਾਛੀਆਂ ਕੋਲ ਇੱਕ ਰਾਜਧਾਨੀ ਕੰਪਨੀ ਦੀ ਬੱਸ ਜੋ ਕਿ ਹੁਸ਼ਿਆਰਪੁਰ ਵੱਲ ਜਾ ਰਹੀ ਸੀ ਨੇ (PB07BV6569), ਬਲੈਰੋ ਕਾਰ (PB07BY6842), ਟਾਟਾ ਨੈਕਸਨ ਕਾਰ (PB65BH7488), ਟਾਟਾ ਨੈਕਸਨ ਕਾਰ (PB07AS1550) ਜੋ ਸਾਰੇ ਗੜ੍ਹਦੀਵਾਲਾ ਵੱਲ ਆ ਰਹੇ ਸਨ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ । ਐਕਸੀਡੈਂਟ ਇੰਨਾ ਜਬਰਦਸਤ ਸੀ ਕਿ ਕਾਰ ਅਤੇ ਹੋਰ ਗੱਡੀਆਂ ਦੇ ਪਰਖੱਚੇ ਉੱਡ ਗਏ। ਇਸ ਭਿਆਨਕ ਐਕਸੀਡੈਂਟ ਚ 6 ਲੋਕ ਗੰਭੀਰ ਜਖ+ਮੀ ਹੋ ਗਏ।
ਜਿਨਾਂ ਨੂੰ ਬਾਬਾ ਦੀ ਸਿੰਘ ਸੇਵਾਦਲ ਐਂਡ ਵੈਲਫੇਅਰ ਸੋਸਾਇਟੀ ਅਤੇ ਸੜਕ ਸੁਰੱਖਿਆ ਫੋਰਸ ਨੇ ਐਮਬੂਲੈਂਸ ਦੀ ਮੱਦਦ ਨਾਲ ਸਿਵਿਲ ਹਸਪਤਾਲ, ਹੁਸ਼ਿਆਰਪੁਰ ਪਹੁਚਾਇਆ ਗਿਆ। ਬੱਸ ਡਰਾਈਵਰ ਮੌਕੇ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ।ਗੰਭੀਰ ਜਖ+ਮੀਆਂ ਦੀ ਪਛਾਣ ਅਵਤਾਰ ਸਿੰਘ ਪੁੱਤਰ ਕਰਮਚੰਦ, ਪਿੰਡ ਜਮਸ਼ੇਰ ਚਠੀਆਲ ਗੜਦੀਵਾਲਾ, ਪੁਸ਼ਪਿੰਦਰ ਕੁਮਾਰ ਪੁੱਤਰ ਦੁਵਾਰਕਾ ਦਾਸ, ਪਿੰਡ ਗੜੵਦੀਵਾਲਾ , ਕਾਜਲ ਪੁੱਤਰੀ ਧਰਮਪਾਲ, ਵਾਸੀ ਖੰਗਵਾੜੀ, ਗੜੵਦੀਵਾਲਾ , ਆਲਮ ਹੁਸੈਨ ਪੁੱਤਰ ਸ਼ਮਸੂਦੀਨ, ਵਾਸੀ ਗੜ੍ਹਦੀਵਾਲਾ ,ਅਨੁਜ ਭਾਰਤਵਾਜ ਪੁੱਤਰ ਰੂਪਾ ਲਾਲ, ਵਾਸੀ ਗੜ੍ਹਦੀਵਾਲਾ , ਅਮਜੰਦ ਵੇਗ ਪੁੱਤਰ ਸਰਦਾਰ ਵੇਗ ਵਾਸੀ ਗੜ੍ਹਦੀਵਾਲਾ ਵਜੋਂ ਹੋਈ ਹੈ।
ਸੜਕ ਸੁਰੱਖਿਆ ਫੋਰਸ ਦੀ ਟੀਮ ਇੰਚਾਰਜ ਪਵਨ ਕੁਮਾਰ,ਸੀ ਟੀ ਪ੍ਰਗਟ ਸਿੰਘ, ਐਲ ਸੀ ਟੀ ਸੋਨਮਪ੍ਰੀਤ ਕੌਰ ਨੇ ਦੁਰਘਟਨਾਗ੍ਰਸਤ ਵਾਹਨਾ ਨੂੰ ਹਾਈਡ੍ਰਾ ਦੀ ਮੱਦਦ ਨਾਲ ਰੋਡ ਤੋ ਪਾਸੇ ਕਰਵਾ ਕੇ ਟ੍ਰੈਫਿਕ ਨੂੰ ਸੁਚਾਰੂ ਢੰਗ ਨਾਲ ਚਲਵਾਇਆ ਗਿਆ।ਸੂਚਨਾ ਮਿਲਦੇ ਹੀ ਥਾਣਾ ਗੜਦੀਵਾਲਾ ਦੇ ਕਰਮਚਾਰੀ ਏ ਐਸ ਆਈ ਜੀਵਨ ਕੁਮਾਰ ਨੇ ਮੌਕੇ ਪਹੁੰਚ ਕੇ ਵਾਹਨਾ ਨੂੰ ਕਬਜੇ ਵਿੱਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
