ਮੁਕੇਰੀਆਂ / ਦਸੂਹਾ ( ਚੌਧਰੀ) 

ਟ੍ਰੈਕਟਰ ਦੇ ਪਿੱਛੇ ਬੋਰ ਦੀ ਮਸ਼ੀਨ ‘ਤੇ ਲੱਦੀਆਂ ਪਾਈਪਾਂ ਬੱਸਅੰਦਰ ਵੜਨ ਕਾਰਨ ਗਈ ਦੋ ਲੋਕਾਂ ਦੀ ਜਾਨ

ਬੱਸ-ਟਰੈਕਟਰ ਚਾਲਕ ਮੋਕੇ ਤੋਂ ਫਰਾਰ ਦੱਸੇ ਜਾ ਰਹੇ ਹਨ 

: ਮੁਕੇਰੀਆਂ ਦੇ ਗੁਰਦਾਸਪੁਰ ਰੋਡ ‘ਤੇ ਇਕ ਦਰਦਨਾਕ ਸੜਕ ਹਾਦਸੇ ਵਿਚ ਦੋ ਲੋਕਾਂ ਦੀ ਜਾਣ ਚਲੀ ਗਈ। ਬੱਸ-ਟਰੈਕਟਰ ਚਾਲਕ ਮੋਕੇ ਤੋਂ ਫਰਾਰ ਦੱਸੇ ਜਾ ਰਹੇ ਹਨ।

ਜਾਣਕਾਰੀ ਦਿੰਦੇ ਹੋਏ ਐਸਐਚਓ ਜੋਗਿੰਦਰ ਸਿੰਘ ਨੇ ਕਿ ਮੁਕੇਰੀਆਂ ਦੇ ਗੁਰਦਾਸਪੁਰ ਰੋਡ ‘ਤੇ  ਇੱਕ ਪ੍ਰਾਈਵੇਟ ਕੰਪਨੀ ਦੀ ਬੱਸ ਜੋਕਿ ਗੁਰਦਾਸਪੁਰ ਵੱਲ ਜਾ ਰਹੀ ਸੀ ਉੱਥੇ ਹੀ ਗੁਰਦਾਸਪੁਰ ਵਲੋਂ ਆ ਰਿਹਾ ਟਰੈਕਟਰ ਜਿਸ ‘ਤੇ ਬੋਰਵੇਲ ਦਾ ਸਾਮਾਨ ਲੱਦਿਆ ਹੋਇਆ ਸੀ। ਮੁਕੇਰੀਆਂ ਦੇ ਗੁਰਦਾਸਪੁਰ ਰੋਡ ‘ਤੇ ਸਥਿਤ ਕੋਲੀਆਂ ਮੋੜ ਦੀ ਘਟਨਾ ਨੇੜੇ ਸਥਲ ‘ਤੇ ਦੋਵੇਂ ਵਾਹਨਾਂ ਦੀ ਆਪਸ ਵਿੱਚ ਟੱਕਰਾ ਗਏ। ਇਸ ਹਾਦਸੇ ਵਿੱਚ ਟਰੈਕਟਰ ‘ਤੇ ਲੱਦੀਆਂ ਪਾਈਪਾਂ ਬੱਸ ਨਾਲ ਟੱਕਰਾ ਗਈਆਂ।ਜਿਸ ਨਾਲ ਬੱਸ ਦੀ ਸਭ ਤੋਂ ਪਿਛਲੀ ਸੀਟ ‘ਤੇ ਬੈਠੇ ਦੋ ਵਿਅਕਤੀ ਦੀ ਮੌਤ ਹੋ ਗਈ। ਮੁਕੇਰੀਆਂ ਪੁਲਿਸ ਦੁਆਰਾ ਦੋਵਾਂ ਵਾਹਨਾਂ ਨੂੰ ਕਬਜੇ ਵਿੱਚ ਲੈ ਕੇ ਦੋਵੇਂ ਮ੍ਰਿਤਕਾਂ ਦੀਆਂ ਮ੍ਰਿਤਕ ਦੇਹਾਂ ਨੂੰ ਮੁਕੇਰੀਆਂ ਸਿਵਿਲ ਹਸਪਤਾਲ ਵਿੱਚ ਮੋਰਚਰੀ ਵਿੱਚ ਰਖਵਾਈਆਂ ਗਿਆ । ਮ੍ਰਿਤਕਾਂ ਦੀ ਪਛਾਣ ਹਰਦੀਪ ਸਿੰਘ (35) ਪੁੱਤਰ ਬਜਨੋਰੀ ਸਿੰਘ ਮਨੀਮਾਜਰਾ (ਚੰਡੀਗੜ੍ਹ) ਅਤੇ ਜੋਬਨਨੀਤ ਸਿੰਘ (27) ਸਵਰਗੀ ਪਰਮਜੀਤ ਸਿੰਘ ਵਾਸੀ ਘੁਰਾਲਾ (ਗੁਰਦਾਸਪੁਰ) ਦੀ ਰੂਪ ਵਿੱਚ ਹੋਈ ਹੈ। ਮੁਕੇਰੀਆਂ ਪੁਲਿਸ ਨੇ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਦੇ ਆਉਣ ਦੇ ਬਾਅਦ ਉਨ੍ਹਾਂ ਬਿਆਨਾਂ ਦੇ ਆਧਾਰ ‘ਤੇ ਕਾਰਵਾਈ ਕੀਤੀ ਜਾਏਗੀ।