ਗੜ੍ਹਦੀਵਾਲਾ 18 ਫਰਵਰੀ (ਚੌਧਰੀ / ਪ੍ਰਦੀਪ ਕੁਮਾਰ) 

: ਬੀਤੇ ਕੱਲ ਚੜਦੀ ਸਵੇਰ ਬਸ ਸਟੈਂਡ ਗੜ੍ਹਦੀਵਾਲਾ ਦੇ ਨਜ਼ਦੀਕ ਇਕ ਭਿਆਨਕ ਸੜਕ ਹਾਦਸਾ ਵਾਪਰਿਆ ਸੀ। ਜਿਸ ਵਿੱਚ ਇੱਕ ਟਿੱਪਰ ਨੇ ਮੋਟਰਸਾਈਕਲ ਸਵਾਰ ਦੋ ਸਕੇ ਭਰਾਵਾਂ ਨੂੰ ਬੁਰੀ ਤਰ੍ਹਾਂ ਕੁਚਲ ਦਿੱਤਾ ਸੀ। ਜਿਸ ਨਾਲ ਇੱਕ ਦੀ ਮੌ+ਤ ਤੇ ਦੂਜਾ ਗੰਭੀਰ ਜਖਮੀ ਹੋ ਗਿਆ ਸੀ।

 ਗੜ੍ਹਦੀਵਾਲਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਪਵਨ ਕੁਮਾਰ ਪੁੱਤਰ ਰਾਜ ਕੁਮਾਰ ਵਾਸੀ ਵਾਰਡ ਨੰਬਰ 7 ਜੈਨ ਮੁਹੱਲਾ ਗੜਦੀਵਾਲਾ ਥਾਣਾ ਗੜਦੀਵਾਲਾ ਜਿਲ੍ਹਾ ਹੁਸ਼ਿਆਰਪੁਰ  ਨੇ ਕਿਹਾ ਕਿ ਉਹ 05 ਭਰਾ ਹਨ।ਉਸਦਾ ਵੱਡਾ ਭਰਾ ਦੀਪਕ ਕੁਮਾਰ ਅਤੇ ਛੋਟਾ ਭਰਾ ਰੌਸ਼ਨ ਲਾਲ ਜੰਮੂ ਵਿਖੇ ਬੇਕਰੀ ਦਾ ਕੰਮ ਕਰਦਾ ਹੈ। ਮਿਤੀ 17.02.2024 ਨੂੰ ਉਸਦਾ ਭਰਾ ਦੀਪਕ ਕੁਮਾਰ ਆਪਣੇ ਕੰਮ ਤੇ ਜੰਮੂ ਚਲਿਆ ਸੀ ਤੇ ਉਸਨੂੰ ਬੱਸ ਸਟੈਂਡ ਗੜ੍ਹਦੀਵਾਲਾ ਉਸਦਾ ਛੋਟਾ ਭਰਾ ਰੌਸ਼ਨ ਲਾਲ ਮੋਟਰਸਾਈਕਲ ਨੰਬਰੀ ਪੀ ਬੀ 07 ਸੀ ਈ 4884 ਤੇ ਛੱਡਣ ਜਾ ਰਿਹਾ ਸੀ ਤੇ ਉਹ ਵੀ ਆਪਣੇ ਮੋਟਰਸਾਈਕਲ ਪਰ ਇਹਨ੍ਹਾ ਦੇ ਪਿੱਛੇ ਜਾ ਰਿਹਾ ਸੀ। ਵਕਤ ਕਰੀਬ 09:30 ਵਜੇ ਸਵੇਰ ਦਾ ਹੋਵੇਗਾ ਜਦੋਂ ਉਸਦਾ ਭਰਾ ਰੌਸ਼ਨ ਲਾਲ ਤੇ ਦੀਪਕ ਕੁਮਾਰ ਮੋਟਰਸਾਈਕਲ ਤੇ ਬੱਸ ਅੱਡਾ ਪੁੱਜਣ ਹੀ ਲੱਗੇ ਤੇ ਇੰਨੇ ਵਿੱਚ ਪਿੱਛੇ ਤੋਂ ਹੁਸ਼ਿਆਰਪੁਰ ਸਾਈਡ ਤੋਂ ਇੱਕ ਟਿੱਪਰ ਨੰਬਰੀ ਪੀ.ਬੀ-65 ਏ.ਡੀ-7824 ਬੜੀ ਤੇਜ ਰਫਤਾਰੀ ਨਾਲ ਆਇਆ। ਜਿਸਦੇ ਡਰਾਈਵਰ ਨੇ ਲਾਪਰਵਾਹੀ ਅਤੇ ਗਲਤ ਤਰੀਕੇ ਨਾਲ ਚਲਾਉਦੇ ਹੋਏ ਉਸਦੇ ਭਰਾ ਰੌਸਨ ਦੇ ਮੋਟਰਸਾਈਕਲ ਵਿੱਚ ਮਾਰ ਦਿੱਤਾ। ਉਸਦੇ ਦੋਵੇਂ ਭਰਾ ਸਮੇਤ ਮੋਟਰਸਾਈਕਲ ਸੜਕ ਵਿੱਚ ਡਿੱਗ ਪਏ। ਉਸਦੇ ਭਰਾ ਦੀਪਕ ਕੁਮਾਰ ਦੀ ਟਿੱਪਰ ਦੇ ਅਗਲੇ ਟਾਈਰ ਥੱਲੇ ਆਉਣ ਨਾਲ ਜਿਆਦਾ ਸੱਟਾਂ ਲੱਗਣ ਕਰਕੇ ਮੌਕਾ ਪਰ ਹੀ ਮੌਤ ਹੋ ਗਈ ਅਤੇ ਦੂਸਰੇ ਭਰਾ ਰੌਸ਼ਨ ਲਾਲ ਦੀਆ ਦੋਵੇਂ ਲੱਤਾ,ਠੋਡੀ ਅਤੇ ਸ਼ਰੀਰ ਤੇ ਕਾਫੀ ਸੱਟਾਂ ਲੱਗੀਆ। ਮੌਕਾ ਪਰ ਕਾਫੀ ਲੋਕ ਇਕੱਠੇ ਹੋ ਗਏ।ਟਰੱਕ ਡਰਾਈਵਰ ਮੌਕਾ ਤੇ ਉੱਤਰ ਕੇ ਆਇਆ ਜਿਸਨੇ ਮੌਕੇ ਤੇ ਆਪਣਾ ਨਾਮ ਰਣਜੀਤ ਸਿੰਘ ਉਕਤ ਦੱਸਿਆ ਜੋ ਉਹ ਆਪਣੇ ਜਖਮੀ ਭਰਾ ਨੂੰ ਸੰਭਾਲਣ ਲੱਗ ਪਿਆ ਅਤੇ ਇੰਨੇ ਨੂੰ ਟਿਪਰ ਚਾਲਕ ਟਿਪਰ ਛੱਡ ਕੇ ਮੌਕਾ ਤੋਂ ਭੱਜ ਗਿਆ। ਜਿਸ ਸਬੰਧੀ ਮੁਕੱਦਮਾ ਦਰਜ ਕੀਤਾ ਗਿਆ।

ਗੜ੍ਹਦੀਵਾਲਾ ਪੁਲਿਸ ਨੇ ਟਿੱਪਰ ਡਰਾਈਵਰ ਨੂੰ ਗ੍ਰਿਫਤਾਰ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਟਿੱਪਰ ਡਰਾਈਵਰ ਦੀ ਪਛਾਣ ਰਣਜੀਤ ਸਿੰਘ ਪੁੱਤਰ ਸ਼ੇਰ ਸਿੰਘ ਵਾਸੀ sarote kot reasi jammu kasmir ਵਜੋਂ ਹੋਈ ਹੈ ।