ਗੜ੍ਹਦੀਵਾਲਾ 6 ਨਵੰਬਰ :(ਯੋਗੇਸ਼ ਗੁਪਤਾ / ਚੌਧਰੀ)

ਅੱਜ ਤੜਕਸਾਰ ਹੁਸ਼ਿਆਰਪੁਰ ਟਾਂਡਾ ਵਾਈਪਾਸ ਤੇ ਵਾਪਰੇ ਸੜਕ ਹਾਦਸੇ ਵਿਚ ਗੜ੍ਹਦੀਵਾਲਾ ਦੇ ਇੱਕ ਨੌਜਵਾਨ ਦੀ ਮੌਤ ਅਤੇ ਇੱਕ ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਦੇਖੋ ਵੀਡਿਓ 

ਮਿਲੀ ਜਾਣਕਾਰੀ ਅਨੁਸਾਰ ਹੁਸ਼ਿਆਰਪੁਰ ਮੰਡੀ ਵਿਖੇ ਸਬਜੀ ਲੈਣ ਜਾ ਰਹੇ ਗੜ੍ਹਦੀਵਾਲਾ ਨਿਵਾਸੀ ਅਮਰੀਕਾ ਸਿੰਘ ਮੀਕਾ( 50)ਪੁੱਤਰ ਚਰਨ ਸਿੰਘ ਵਾਸੀ ਹੰਸ ਨਗਰ ਗੜ੍ਹਦੀਵਾਲਾ ਦੀ ਮੌਤ ਹੋ ਗਈ ਅਤੇ ਇੱਕ ਨੌਜਵਾਨ ਗੰਭੀਰ ਜਖਮੀ ਹੋ ਗਿਆ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਦੋਵੇਂ ਨੌਜਵਾਨ ਛੋਟਾ ਹਾਥੀ ਟੈਂਪੂ ਨੂੰ ਪੀ ਬੀ 07ਬੀ ਜੈਡ 6725 ਚ ਸਵਾਰ ਹੋ ਕੇ
ਹੁਸ਼ਿਆਰਪੁਰ ਸਬਜੀ ਮੰਡੀ ਤੋਂ ਸਬਜੀ ਲੈ ਕੇ ਗੜਦੀਵਾਲਾ ਵਾਪਸ ਆ ਰਹੇ ਸਨ। ਜਦੋਂ ਇਹ ਟਾਂਡਾ ਵਾਈਪਾਸ ਹੁਸ਼ਿਆਰਪੁਰ ਵਿਖੇ ਪਹੁੰਚੇ ਤਾਂ ਇੱਕ ਤੇਜ ਰਫਤਾਰ ਕਾਰ ਨੂੰ ਜੇ ਕੇ 14 ਜੀ 9639 ਨੇ ਇੰਨਾਂ ਦੇ ਟੈਂਪੂ ਨੂੰ ਟੱਕਰ ਮਾਰ ਦਿੱਤੀ।ਜਿਸ ਨਾਲ ਟੈਂਪੂ ਪਲਟ ਗਿਆ ਅਤੇ ਅਮਰੀਕ ਸਿੰਘ ਟੈਂਪੂ ਦੇ ਥੱਲੇ ਆ ਗਿਆ। ਇਹ ਹਾਦਸਾ ਤੜਕਸਾਰ 6.50 ਦੇ ਕਰੀਬ ਵਾਪਰਿਆ।

ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਮੌਕੇ ਤੇ ਐਬੁਲੈਂਸ ਨੂੰ ਫੋਨ ਕਰਨ ਦੇ ਬਾਵਜੂਦ ਵੀ ਨਹੀਂ ਆਈ, ਨਾ ਹੀ ਸੜਕ ਸੁਰੱਖਿਆ ਫੋਰਸ ਅਤੇ ਹੀ ਕੋਈ ਪੁਲਿਸ ਪ੍ਰਸ਼ਾਸਨ ਦੇ ਅਧਿਕਾਰੀ ਪਹੁੰਚੇ।

ਮੌਕੇ ਤੇ ਸਥਾਨਕ ਲੋਕਾ ਨੇ ਟੈਂਪੂ ਨੂੰ ਸਿੱਧਾ ਕਰਕੇ ਅਮਰੀਕ ਸਿੰਘ ਨੂੰ ਟੈਂਪੂ ਥੱਲਿਓਂ ਕੱਢਿਆ। ਜਿਸ ਨਾਲ ਅਮਰੀਕ ਸਿੰਘ ਅਤੇ ਉਸਦਾ ਸਾਥੀ ਗੰਭੀਰ ਜਖਮੀ ਹੋ ਗਏ। ਜਿਨਾਂ ਨੂੰ ਲੋਕਾਂ ਨੇ ਨਜਦੀਕੀ ਇੱਕ ਪ੍ਰਾਈਵੇਟ ਹਸਪਤਾਲ ਵਿਖੇ ਦਾਖਲ ਕਰਵਾਇਆ। ਜਿੱਥੇ ਅਮਰੀਕ ਸਿੰਘ ਦੀ ਮੌਤ ਹੋ ਗਈ।

ਮ੍ਰਿਤਕ ਆਪਣੇ ਪਿਛੇ ਬਜੁਰਗ ਬਾਪ, ਚਾਰ ਭੈਣਾਂ, ਪਤਨੀ ਅਤੇ ਇੱਕ ਛੋਟੀ ਬੇਟੀ ਛੱਡ ਗਿਆ ਹੈ। ਹੁਸ਼ਿਆਰਪੁਰ ਪੁਲਿਸ ਇਸ ਘਟਨਾ ਦੀ ਜਾਂਚ ਵਿੱਚ ਜੁੱਟ ਗਈ ਹੈ।