ਭੰਗਾ / ਗੜ੍ਹਦੀਵਾਲਾ,27 ਜੁਲਾਈ (ਚੌਧਰੀ )
: ਭੂੰਗਾ ਨਾਲ ਲੱਗਦੇ ਪਿੰਡ ਚੱਕਲਾਦੀਆਂ ‘ਚ ਬੰਬ ਨੁਮਾ ਵਰਗਾ ਜਬਰਦਸਤ ਧਮਾਕਾ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਇਸ ਧਮਾਕੇ ਦੀ ਜਾਣਕਾਰੀ ਦਿੰਦੇ ਹੋਏ ਮਕਾਨ ਮਾਲਕ ਅਵਤਾਰ ਸਿੰਘ ਪੁੱਤਰ ਮਿਲਖੀ ਰਾਮ ਵਾਸੀ ਚੱਕਲਾਦੀਆਂ ਥਾਣਾ ਹਰਿਆਣਾ ਨੇ ਦੱਸਿਆ ਕਿ ਮੈਂ ਤੇ ਮੇਰੀ ਪਤਨੀ ਬਰਾਂਡੇ ਵਿਚ ਸੁੱਤੇ ਪਏ ਸੀ ਤੇ ਅੱਜ ਤੜਕ ਸਾਰ ਸਮਾਂ ਕਰੀਬ ਸਾਢੇ ਤਿੰਨ ਵਜੇ ਦੇ ਘਰ ਵਿਚ ਜਬਰਦਸਤ ਧਮਾਕਾ ਹੋਣ ਨਾਲ ਅਸੀ ਜਕਦਮ ਉਠੇ ਤੇ ਦੇਖਿਆ ਕਿ ਧੁਆਂ ਅਤੇ ਬਰੂਦ ਜੈਸੀ ਬਦਬੂ ਆ ਰਹੀ ਸੀ ਤੇ ਬੰਦ ਲਾਈਟਾਂ ਵੀ ਆਪਣੇ ਆਪ ਜੱਗ ਰਹੀਆਂ ਸਨ। ਜਿਸ ਨਾਲ ਅਸੀ ਦੋਵੇਂ ਜਾਣੇ ਘਬਰਾ ਗਏ । ਜੱਦ ਅੰਦਰ ਜਾ ਕੇ ਦੇਖਿਆ ਤਾਂ ਮਕਾਨ ਦੇ ਕਮਰਿਆ ਦੀਆਂ ਕੰਧਾਂ ਸੈਲਫ,ਖਿੜਕੀਆਂ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀਆਂ ਗਈਆਂ। ਉਨ੍ਹਾਂ ਨੇ ਦੱਸਿਆ ਕਿ ਧਮਾਕਾ ਇਨ੍ਹਾਂ ਜਬਰਦਤ ਸੀ ਕਿ ਅਲਮਾਰੀ ਫਰਸ ਤੇ ਗਿਰੀ ਹੋਈ ਸੀ ਤੇ ਭਾਂਡੇ ਵੀ ਚਿੱਥੇ ਹੋ ਗਏ। ਮਕਾਨ ਮਾਲਕ ਨੇ ਦੱਸਿਆ ਕਿ ਮੈਂ ਜਮੀਨ ਵੇਚਕੇ ਇਹ ਮਕਾਨ ਬਣਾਇਆ ਹੈ ਤੇ ਇਸ ਧਮਾਕੇ ਨਾਲ ਮੇਰਾ ਬਹੁਤ ਸਾਰਾ ਨੁਕਸਾਨ ਹੋ ਗਿਆ ਹੈ । ਇਸ ਮੌਕੇ ਪਿੰਡ ਵਾਸੀਆਂ ਅਤੇ ਇਲਾਕੇ ਨਿਵਾਸੀਆਂ ਨੇ ਕਿਹਾ ਕਿ ਧਮਾਕਾ ਬਹੁਤ ਜਬਰਦਸਤ ਸੀ,ਜਿਸ ਦੀ ਧਮਕ ਬਹੁਤ ਦੂਰ-ਦਰ ਪਿੰਡਾਂ ਤੱਕ ਸੁਣਾਈ ਦਿੱਤੀ।
ਜਾਂਚ ਤੋਂ ਬਾਅਦ ਹੀ ਕਿਸੇ ਨਤੀਜੇ ਤੇ ਪਹੁਚਿਆ ਜਾ ਸਕਦਾ ਹੈ : SHO ਲੋਮੇਸ ਸ਼ਰਮਾ
ਜਦੋਂ ਇਸ ਸਬੰਧੀ ਥਾਣਾ ਹਰਿਆਣਾ ਦੇ ਐਸ.ਐਚ.ਓ. ਇੰਸਪੈਕਟਰ ਲੋਮੇਸ ਸ਼ਰਮਾ ਨਾਲ ਗੱਲਬਾਤ ਕੀਤੀ ਤਾ ਉਨ੍ਹਾਂ ਨੇ ਕਿਹਾ ਕਿ ਮੈਂ ਪੁਲਸ ਪਾਰਟੀ ਨਾਲ ਦੋ ਵਾਰ ਜਾਂਚ ਕੀਤੀ ਹੈ ਅਤੇ ਡਾੱਗ ਸੁਕੈਅਡ ਦੀ ਟੀਮ ਨੇ ਵੀ ਮੁਆਇਨਾ ਕੀਤਾ ਹੈ,ਪਰ ਬੰਬ ਵਰਗੀ ਵਸਤੂ ਕੋਈ ਚੀਜ ਨਜ਼ਰ ਨਹੀਂ ਆ ਰਹੀ। ਉਨ੍ਹਾਂ ਨੇ ਕਿਹਾ ਕਿ ਪੁਲਸ ਜਾਂਚ ਕਰ ਰਹੀ ਹੈ ਤੇ ਜਾਂਚ ਕਰਕੇ ਹੀ ਕਿਸੇ ਨਤੀਜੇ ਤੇ ਪਹੁਚਿਆ ਜਾ ਸਕਦਾ ਹੈ।
