ਬਟਾਲਾ (ਅਵਿਨਾਸ਼ ਸ਼ਰਮਾ‌)

: ਚੰਡੀਗੜ੍ਹ ਪੰਜਾਬ ਜਰਨਲਿਸਟ ਐਸੋਸੀਏਸ਼ਨ ਦੇ ਸਮੁਹ ਪੱਤਰਕਾਰਾਂ ਵੱਲੋਂ. *ਹੋਲੀ ਕੀਨੀ ਸੰਤ ਸੇਵ॥ ਰੰਗੁ ਲਾਗਾ ਅਤਿ ਲਾਲ ਦੇਵ॥ * ਖਾਲਸੇ ਦੀ ਚੜ੍ਹਦੀ ਕਲਾ ਦਾ ਪ੍ਰਤੀਕ ਹੋਲੇ-ਮਹੱਲੇ ਦਾ ਤਿਉਹਾਰ ਬੜੇ ਉਤਸਾਹ ਦੇ ਨਾਲ ਮਨਾਇਆ ਗਿਆ ਪੱਤਰਕਾਰਾਂ ਨੇ ਇੱਕ ਦੂਜੇ ਨੂੰ ਰੰਗ ਲਾ ਕੇ ਹੋਲੀ ਬੜੇ ਚਾਵਾਂ ਦੇ ਨਾਲ ਭੰਗੜੇ ਪਾ ਕੇ ਮਨਾਈ l ਇਸ ਤਿਉਹਾਰ ਦੀ ਸ਼ੁਰੂਆਤ ਗੁਰੂ ਗੋਬਿੰਦ ਸਿੰਘ ਜੀ ਨੇ ਖਾਲਸਾ ਪੰਥ ਦੀ ਸਿਰਜਣਾ ਤੋਂ ਠੀਕ 19 ਸਾਲ ਪਹਿਲਾਂ ਸੰਨ 1680 ਈ: ਵਿੱਚ ਅਨੰਦਪੁਰ ਸਾਹਿਬ ਦੇ ਪਾਵਨ ਅਸਥਾਨ ਕਿਲਾ ਹੋਲਗੜ੍ਹ ਸਾਹਿਬ ਤੋਂ ਕੀਤੀ। ਉਹਨਾਂ ਆਪਣੀ ਹਾਜ਼ਰੀ ਵਿੱਚ ਹੋਲਾ ਮਹੱਲਾ ਕੱਢਣ ਜਾਂ ਖੇਡਣ ਦੀ ਰੀਤ ਦਾ ਅੱਗਾਜ਼ ਕੀਤਾ ਸੀ ਹੋਲਾ ਤੇ ਮਹੱਲਾ ਦੋਵੇਂ ਸ਼ਬਦ ਫਾਰਸੀ ਦੇ ਹਨ। ਹੋਲਾ ਦਾ ਅਰਥ ਹਮਲਾ ਤੇ ਮਹੱਲਾ ਦਾ ਅਰਥ, ਉਹ ਥਾਂ, ਜਿਥੇ ਹਮਲਾ ਕੀਤਾ ਜਾਏ। ਦਸਮ ਪਿਤਾ ਜੀ ਨੇ ਸਿੱਖਾਂ ਦੇ ਮਨੋਬਲ ਨੂੰ ਉੱਚਾ ਚੁੱਕਣ, ਸ਼ਸ਼ਤਰ ਵਿੱਦਿਆ ਵਿੱਚ ਨਿਪੁੰਨ ਤੇ ਜ਼ਾਲਮ ਦਾ ਟਾਕਰਾ ਕਰਨ ਲਈ, ਗੁਰੂ ਨਾਨਕ ਦੇਵ ਜੀ ਦੁਆਰਾ ਹੋਲੀ ਖੇਡਣ ਨਾਲ ਪੈਦਾ ਹੋਏ ਆਤਮ ਰਸ ਦੀ ਨੀਂਹ ਉਤੇ ਬੀਰ ਰਸ ਦਾ ਮਹੱਲ ਉਸਾਰਨ ਲਈ ਹੋਲਾ ਮਹੱਲਾ ਖੇਡਣ ਦਾ ਅਗਾਜ ਕੀਤਾ।ਇਸ ਮੌਕੇ ਪ੍ਰੈਸ ਯੂਨੀਅਨ ਦੇ ਸਰਪ੍ਰਸਤ ਸੁਭਾਸ਼ ਸਹਿਗਲ, ਜਿਲਾ ਚੇਅਰਮੈਨ ਡਾਕਟਰ ਹਰਪਾਲ ਸਿੰਘ, ਪੰਜਾਬ ਦੇ ਉਪ ਪ੍ਰਧਾਨ ਭੁਪਿੰਦਰ ਸਿੰਘ ਸੋਢੀ, ਜਿਲਾ ਗੁਰਦਾਸਪੁਰ ਪ੍ਰਧਾਨ ਸੰਜੀਵ ਨਯਰ,ਸਿਟੀ ਪ੍ਰਧਾਨ ਇੰਦਰ ਮੋਹਨ ਸਿੰਘ ਸੋਡੀ , ਵਾਈਸ ਪ੍ਰਧਾਨ ਪ੍ਰਿੰਸ ਸਹਿਗਲ,ਉਪ ਪ੍ਰਧਾਨ ਬਲਦੇਵ ਸਿੰਘ ਖਾਲਸਾ ਅਸ਼ੋਕ ਜਰਿਆਲ, ਸੁਨੀਲ ਬਟਾਲਵੀ ਰਾਗਵ ਸਹਿਗਲ, ਨੀਰਜ ਸ਼ਰਮਾ, ਆਦਿ ਹਾਜ਼ਰ ਸਨ ।