ਗੜਦੀਵਾਲਾ 24 ਦਸੰਬਰ (ਚੌਧਰੀ) 

: ਕੁਝ ਦਿਨ ਪਹਿਲਾਂ 104 ਸਾਲ ਦੀ ਉਮਰ ਭੋਗ ਕੇ ਮਾਤਾ ਕਰਤਾਰ ਕੌਰ ਸਾਨੂੰ ਸਦੀਵੀਂ ਵਿਛੋੜਾ ਦੇ ਗਏ ਸਨ ।ਅੱਜ ਉਹਨਾਂ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਗੜਦੀਵਾਲਾ ਦੇ ਲਾਗੇ ਪਿੰਡ ਰਾਜਾ ਕਲਾਂ ਵਿਖੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਗਏ। ਇਸ ਮੌਕੇ ਰਾਗੀ ਸਿੰਘਾਂ ਨੇ ਬੈਰਾਗਮਈ ਕੀਰਤਨ ਕਰਕੇ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜੀ ਰੱਖਿਆ।( ਨਾਨਕ ਕਿਸ ਨੋ ਆਖੀਐ ਬਿਨੁ ਪੁਛਿਆ ਹੀ ਲੈ ਜਾਇ) ਘਰ ਪਰਿਵਾਰ ਬਜ਼ੁਰਗਾਂ ਤੋਂ ਸੰਸਕਾਰ ਲੈ ਕੇ ਚੰਗੀ ਸੋਚ ਦਾ ਧਾਰਨੀ ਤੇ ਪਰਿਵਾਰ ਨੂੰ ਤਰੱਕੀਆਂ ਵੱਲ ਲੈ ਕੇ ਜਾਂਦਾ ਹੈ।ਸਵ: ਬੀਬੀ ਕਰਤਾਰ ਕੌਰ ਨੇ ਪਰਿਵਾਰ ਨੂੰ ਵਧੀਆ ਸੰਸਕਾਰ ਦਿੱਤੇ ਤੇ ਪਰਿਵਾਰ ਨੂੰ ਤਰੱਕੀਆਂ ਵੱਲ ਲੈ ਕੇ ਗਏ। ਉਹਨਾਂ ਦੇ ਤਿੰਨ ਲੜਕੇ ਤੇ ਪੰਜ ਲੜਕੀਆਂ ਸਨ। ਜਿਨਾਂ ਵਿੱਚੋਂ ਛੇ ਬੱਚੇ ਅੱਜ ਵੀ ਮਾਤਾ ਤੋਂ ਚੰਗੇ ਸੰਸਕਾਰ ਲੈ ਕੇ ਸਰਕਾਰੀ ਨੌਕਰੀਆਂ ਦਾ ਨਿੱਘ ਮਾਣ ਰਹੇ ਹਨ ।ਸਵ: ਬੀਬੀ ਕਰਤਾਰ ਕੌਰ ਆਪਣੇ ਪਿੱਛੇ ਹੱਸਦਾ ਵੱਸਦਾ ਪਰਿਵਾਰ ਛੱਡ ਕੇ ਪੰਜਾਂ ਤੱਤਾਂ ਤੋਂ ਬਲੀਨ ਹੋ ਗਏ ਸਨ ਪਰ ਅੱਜ ਉਹਨਾਂ ਦੀ ਅੰਤਿਮ ਅਰਦਾਸ ਵਿੱਚ ਪਿੰਡ ਵਾਸੀ ਰਿਸ਼ਤੇਦਾਰ ਭਾਰੀ ਗਿਣਤੀ ਵਿੱਚ ਹਾਜ਼ਰ ਹੋ ਕੇ ਸਾਰਿਆਂ ਨੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਉਹਨਾਂ ਦਾ ਛੋਟਾ ਲੜਕਾ ਸੁਖਵਿੰਦਰ ਸਿੰਘ ਜੋ ਸੀ ਆਈ ਡੀ ਵਿੱਚ ਏ ਐਸ ਆਈ ਪਦ ਤੇ ਤੈਨਾਤ ਹੈ। ਉਹਨਾਂ ਨੇ ਸਾਰੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਤੇ ਸਾਰਿਆਂ ਨੂੰ ਜੀ ਆਇਆ ਕਿਹਾ।