ਪਠਾਨਕੋਟ (ਅਵਿਨਾਸ਼ ਸ਼ਰਮਾ)

ਸਾਨੂੰ ਹਰੇਕ ਸ਼ੁਕਰਵਾਰ ਆਪਣੇ ਦਫਤਰ, ਘਰਾਂ ਵਿੱਚ ਲੱਗੇ ਕੂਲਰਾਂ ਅਤੇ ਹੋਰ ਭਾਂਡਿਆਂ ਨੂੰ ਸੁਕਾ ਕੇ ਦੁਬਾਰਾ ਭਰਨਾ ਚਾਹੀਦਾਐ  : ਡਾ ਨੀਲਮ

25 ਅਗਸਤ : ਪੰਜਾਬ ਸਰਕਾਰ ਵੱਲੋਂ ਡੇਂਗੂ ਤੋਂ ਬਚਾਅ ਲਈ ਵਿਸ਼ੇਸ਼ ਮੁਹਿੰਮ “ਹਰ ਸ਼ੁਕਰਵਾਰ – ਡੇਂਗੂ ਤੇ ਵਾਰ” ਦੇ ਤਹਿਤ ਅੱਜ ਸੀ ਐਚ ਸੀ ਘਰੋਟਾ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾਕਟਰ ਨੀਲਮ ਦੀ ਅਗਵਾਈ ਹੇਠ ਵੱਲੋਂ ਆਪਣੀ ਟੀਮ ਵੱਲੋਂ ਡੀ ਡੀ ਪੀ ਓ ਦਫਤਰ ਪਠਾਨਕੋਟ ਅਤੇ ਹੌਟ ਸਪਾਟ ਡੇਂਗੂ ਏਰੀਆ ਕੋਠੀ ਪੰਡਿਤਾਂ ਦਾ ਦੌਰਾ ਕੀਤਾ ਗਿਆ।ਡਾ ਨੀਲਮ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹਨਾਂ ਵੱਲੋਂ ਡੀ ਡੀ ਪੀ ਓ, ਭਾਸ਼ਾ ਵਿਭਾਗ,ਈ ਗਵਰਨਸ ਦੇ ਕਮਰਿਆਂ ਵਿੱਚ ਸਪਰੇਅ ਕਰਵਾਈ ਗਈ।ਟੀਮ ਵੱਲੋਂ ਦਫਤਰ ਦੇ ਗਮਲਿਆਂ ਕੰਟੇਨਰਾਂ ਆਦਿ ਦੀ ਚੈਕਿੰਗ ਕੀਤੀ ਗਈ ਅਤੇ ਦਫਤਰ ਦੇ ਕਰਮਚਾਰੀਆਂ ਨੂੰ ਡੇਂਗੂ ਤੋਂ ਬਚਾਅ ਦੇ ਤਰੀਕਿਆਂ ਜਿਵੇਂ ਕਿ ਪੂਰੀਆਂ ਬਾਹਾਂ ਦੇ ਕੱਪੜੇ ਪਹਿਨਣੇ ਚਾਹੀਦੇ ਹਨ, ਮੱਛਰ ਤੋਂ ਬਚਾਅ ਲਈ ਆਲ ਆਊਟ ਅਤੇ ਹੋਰ ਕਰੀਮਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਹਰੇਕ ਸ਼ੁਕਰਵਾਰ ਨੂੰ ਆਪਣੇ ਦਫ਼ਤਰਾਂ ਵਿਚ ਲੱਗੇ ਕੂਲਰਾਂ ਨੂੰ ਚੰਗੀ ਤਰ੍ਹਾਂ ਸੁਕਾਉਣਾ ਚਾਹੀਦਾ ਹੈ, ਫਰਿੱਜਾਂ ਦੀਆਂ ਟਰੇਆ ਨੂੰ ਸਾਫ਼ ਕਰਨਾ ਚਾਹੀਦਾ ਹੈ ਅਤੇ ਦਫ਼ਤਰ ਵਿੱਚ ਕੋਈ ਵੀ ਟੁੱਟਾ ਭੱਜਾ ਸਮਾਨ ਨਹੀਂ ਰੱਖਣਾ ਚਾਹੀਦਾ। ਇਸ ਤਰ੍ਹਾਂ ਹੀ ਪਿੰਡ ਕੋਠੀ ਪੰਡਿਤਾਂ ਵਿਖੇ ਉਹਨਾਂ ਪਿੰਡ ਦੇ ਲੋਕਾਂ ਨੂੰ ਡੇਂਗੂ ਤੋਂ ਬਚਾਅ ਲਈ ਜਾਗਰੂਕ ਕੀਤਾ ਅਤੇ ਸਰਵੇ ਕਰਨ ਵਾਲੀਆਂ ਟੀਮਾਂ ਨੂੰ ਹਦਾਇਤ ਕੀਤੀ ਗਈ ਕਿ ਉਹ ਰੋਜ਼ਾਨਾ ਲੋਕਾਂ ਨੂੰ ਡੇਂਗੂ ਤੋਂ ਬਚਾਅ ਲਈ ਜਾਗਰੂਕ ਕਰਨ ਅਤੇ ਲਾਰਵਾ ਮਿਲਣ ਦੀ ਸੂਰਤ ਵਿੱਚ ਉਸਨੂੰ ਵਿਭਾਗ ਦੀਆਂ ਹਦਾਇਤਾ ਅਨੁਸਾਰ ਮੌਕੇ ਤੇ ਨਸ਼ਟ ਕੀਤਾ ਜਾਵੇ। ਅੱਜ ਦੇ ਸਰਵੇ ਦੌਰਾਨ ਇੱਕ ਪਾਣੀ ਦੀ ਬਾਲਟੀ ਵਿਚ ਮੱਛਰਾਂ ਦਾ ਲਾਰਵਾ ਮਿਲਿਆ ਜਿਸ ਨੂੰ ਡਾ ਨੀਲਮ ਨੇ ਮੌਕੇ ਤੇ ਨਸ਼ਟ ਕਰਵਾ ਦਿੱਤਾ ਗਿਆ।ਉਹਨਾਂ ਦੱਸਿਆ ਕਿ ਕੋਠੀ ਪੰਡਿਤਾਂ ਵਿਖੇ ਜਿਹੜੇ ਡੇਂਗੂ ਪਾਜ਼ਿਟਿਵ ਕੇਸ ਆਏ ਸਨ ਉਹ ਤੰਦਰੁਸਤ ਹੋ ਚੁੱਕੇ ਹਨ। ਸਾਡੇ ਸੂਤਰਾਂ ਅਨੁਸਾਰ ਹੁਣ ਤੱਕ ਜ਼ਿਲ੍ਹਾ ਪਠਾਨਕੋਟ ਵਿੱਚ ਲਗਭਗ 87 ਕੇਸ ਡੇਂਗੂ ਪੋਜ਼ੀਟਿਵ ਨਿਕਲੇ ਹਨ ਜਿਸ ਵਿਚ ਸੀ ਐਚ ਸੀ ਘਰੋਟਾ ਦੇ 65 ਡੇਂਗੂ ਕੇਸ ਸਾਹਮਣੇ ਆਏ ਹਨ । ਇਸ ਮੌਕੇ ਟੀਮ ਵਿਚ ਹੈਲਥ ਇੰਸਪੈਕਟਰ ਭੁਪਿੰਦਰ ਸਿੰਘ, ਹੈਲਥ ਇੰਸਪੈਕਟਰ ਗੁਰਮੁੱਖ ਸਿੰਘ ਅਤੇ ਮਲਟੀਪਰਪਜ ਹੈਲਥ ਵਰਕਰ ਮੇਲ ਕਵਲਪ੍ਰੀਤ ਸਿੰਘ, ਮਲਕੀਅਤ ਸਿੰਘ, ਪਰਦੀਪ ਕੁਮਾਰ, ਹਰਜਿੰਦਰ ਸਿੰਘ, ਰਵਿੰਦਰ ਪਾਲ ਸਿੰਘ, ਬਿਕਰਮਜੀਤ ਸਿੰਘ ਅਤੇ ਸਪਰੇਅ ਟੀਮ ਵੀ ਮੌਜੂਦ ਸੀ।