ਗੜ੍ਹਦੀਵਾਲਾ (ਚੌਧਰੀ) 

14 ਮਾਰਚ : ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਵੱਲੋਂ ਇਕ ਹੋਰ ਲਾਪਤਾ ਹੋਈ ਮਾਤਾ ਨੂੰ  ਓਸਦੇ ਪਰਿਵਾਰ ਨਾਲ ਮਿਲਾਇਆ ਗਿਆ।ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਸੁਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਮਾਤਾ ਦੋ ਦਿਨ ਪਹਿਲਾਂ ਪਿੰਡ ਚੱਕ ਖੇਲਾਂ ਦੇ ਨਜਦੀਕ ਧੂਤਾਂ ਤੋਂ ਟਾਂਡਾ ਰੋਡ ਤੋਂ ਮਿਲੀ ਸੀ। ਜਿਸਦੀ ਦਿਮਾਗੀ ਹਾਲਤ ਠੀਕ ਨਹੀਂ ਸੀ। ਸੰਸਥਾ ਦੇ ਉਪਰਾਲੇ ਸਦਕਾ ਅੱਜ ਇਸ ਮਾਤਾ ਦੀ ਬੇਟੀ ਅਤੇ ਗੁਆਂਢੀ ਗੁਰੂ ਆਸਰਾ ਸੇਵਾ ਘਰ ਵਿਖੇ ਮਾਤਾ ਨੂੰ ਲੈਣ ਲਈ ਪਹੁੰਚੇ ।ਸੁਸਾਇਟੀ ਵੱਲੋਂ ਮਾਤਾ ਨੂੰ ਸਹੀ ਸਲਾਮਤ ਪਰਿਵਾਰਿਕ ਮੈਂਬਰਾਂ ਦੇ ਸਪੁਰਦ ਕਰ ਦਿੱਤਾ ਗਿਆ।ਇਸ ਮੌਕੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ,ਕੈਸ਼ੀਅਰ ਪਰਸ਼ੋਤਮ ਸਿੰਘ,ਮਨਿੰਦਰ ਸਿੰਘ,ਜਸਵਿੰਦਰ ਸਿੰਘ,ਕਮਲਜੀਤ ਸਿੰਘ ਅਤੇ ਸੁਸਾਇਟੀ ਦੇ ਹੋਰ ਮੈਂਬਰ ਹਾਜ਼ਰ ਸਨ।