ਫਗਵਾੜਾ (ਲਾਲੀ ਦਾਦਰ)
* ਹਲਕਾ ਇੰਚਾਰਜ਼ ਜੋਗਿੰਦਰ ਸਿੰਘ ਮਾਨ ਨੇ ਕੀਤਾ ਸਵਾਗਤ
28 ਦਸੰਬਰ : ਆਮ ਆਦਮੀ ਪਾਰਟੀ ਨੂੰ ਫਗਵਾੜਾ ਵਿਧਾਨਸਭਾ ਹਲਕੇ ‘ਚ ਉਸ ਸਮੇਂ ਵੱਡੀ ਮਜਬੂਤੀ ਹਾਸਲ ਹੋਈ ਜਦੋਂ ਪਿੰਡ ਖਲਵਾੜਾ ਦੀ ਸਮੁੱਚੀ ਪੰਚਾਇਤ ਨੇ ਸਰਪੰਚ ਆਗਿਆਪਾਲ ਸਿੰਘ ਦੀ ਅਗਵਾਈ ਹੇਠ ਆਪ ਪਾਰਟੀ ਵਿਚ ਸ਼ਾਮਲ ਹੋਣ ਦਾ ਐਲਾਨ ਕਰ ਦਿੱਤਾ। ਪੰਚਾਇਤ ਦਾ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਜੋਗਿੰਦਰ ਸਿੰਘ ਮਾਨ ਨੇ ਸਵਾਗਤ ਕੀਤਾ ਅਤੇ ਕਿਹਾ ਕਿ ਸਰਪੰਚ ਸਮੇਤ ਹਰੇਕ ਮੈਂਬਰ ਪੰਚਾਇਤ ਨੂੰ ਆਪ ਪਾਰਟੀ ਵਿਚ ਪੂਰਾ ਮਾਣ ਸਤਿਕਾਰ ਦਿੱਤਾ ਜਾਵੇਗਾ। ਪਿੰਡ ਦਾ ਸਰਬ ਪੱਖੀ ਵਿਕਾਸ ਕਰਵਾਉਣ ਦਾ ਵੀ ਉਹਨਾਂ ਭਰੋਸਾ ਦਿੱਤਾ ਅਤੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਜਿਸ ਤਰ੍ਹਾਂ ਨਸ਼ਾਖੋਰੀ, ਗੈਂਗਸਟਰਵਾਦ ਅਤੇ ਸਮੂਹ ਮਾਫੀਆ ਜਗਤ ਨੂੰ ਨੱਥ ਪਾ ਕੇ ਲੋਕ ਭਲਾਈ ਦੇ ਕੰਮ ਕਰ ਰਹੀ ਹੈ ਅਤੇ ਸੂਬੇ ਨੂੰ ਰੰਗਲਾ ਪੰਜਾਬ ਬਨਾਉਣ ਲਈ ਪ੍ਰਤੀਬੱਧ ਹੈ ਉਸਨੂੰ ਦੇਖਦੇ ਹੋਏ ਜਲਦੀ ਹੀ ਹਲਕੇ ਦੀਆਂ ਹੋਰ ਪੰਚਾਇਤਾਂ ਵੀ ਆਮ ਆਦਮੀ ਪਾਰਟੀ ਵਿਚ ਸ਼ਾਮਲ ਹੋਣ ਦਾ ਐਲਾਨ ਕਰਨਗੀਆਂ। ਇਸ ਮੌਕੇ ਸਰਪੰਚ ਆਗਿਆ ਪਾਲ ਸਿੰਘ ਨੇ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਦੀਆਂ ਲੋਕ ਪੱਖੀ ਨੀਤੀਆਂ ਅਤੇ ਖਾਸ ਤੌਰ ਤੇ ਕ੍ਰਾਇਮ ਨੂੰ ਕੰਟਰੋਲ ਕਰਨ ਲਈ ਡੀ.ਜੀ.ਪੀ. ਗੌਰਵ ਯਾਦਵ ਦੀ ਕਮਾਂਡ ‘ਚ ਪੁਲਿਸ ਨੂੰ ਫਰੀ ਹੈਂਡ ਦਿੱਤਾ ਹੈ ਉਸ ਤੋਂ ਪ੍ਰਭਾਵਿਤ ਹੋ ਕੇ ਸਮੁੱਚੀ ਪੰਚਾਇਤ ਨੇ ਆਮ ਆਦਮੀ ਪਾਰਟੀ ਵਿਚ ਸ਼ਾਮਲ ਹੋਣ ਦਾ ਫੈਸਲਾ ਲਿਆ ਹੈ ਅਤੇ ਹੁਣ ਜੋਗਿੰਦਰ ਸਿੰਘ ਮਾਨ ਦੀ ਅਗਵਾਈ ਹੇਠ ਫਗਵਾੜਾ ਹਲਕੇ ਨੂੰ ‘ਆਪ’ ਦਾ ਮਜਬੂਤ ਗੜ੍ਹ ਬਨਾਉਣ ਲਈ ਕੰਮ ਕਰਨਗੇ। ਇਸ ਮੌਕੇ ਆਪ ਵਿਚ ਸ਼ਾਮਲ ਹੋਏ ਮੈਂਬਰ ਪੰਚਾਇਤ ਮੁਲਖਰਾਜ, ਤਿਲਕਰਾਜ, ਗੁਰਬਖਸ਼ ਕੌਰ, ਸਰਬਜੀਤ ਕੌਰ, ਕਮਲੇਸ਼ ਤੋਂ ਇਲਾਵਾ ਦਵਿਦੰਰ ਕੁਮਾਰ ਸੇਠ, ਮਾਸਟਰ ਗਿਆਨ ਚੰਦ ਨਈਅਰ, ਪ੍ਰਕਾਸ਼ ਰਾਮ, ਸ਼ਿਵ ਕੁਮਾਰ, ਅਮਰਜੀਤ ਮਹਿਮੀ, ਰਾਮ ਲਾਲ, ਰਾਮ ਕਿਸ਼ਨ, ਸੁਰਿੰਦਰ ਪਾਲ, ਡਾ. ਰਾਮ ਲਾਲ, ਅਮਰਜੀਤ, ਬਿੰਦੋ, ਰਾਮ ਲੁਭਾਇਆ, ਚਮਨ ਲਾਲ ਜੋਸ਼, ਦਰਸ਼ਨ ਰਾਮ, ਪਿ੍ਰਥਵੀ, ਪਿ੍ਰਤਪਾਲ, ਧਰਮਪਾਲ ਧੰਮਾ, ਪਰਮਜੀਤ ਮਹਿਮੀ, ਰੇਸ਼ਮ, ਹਰੀ ਰਾਮ ਮਹਿਮੀ, ਡੋਗਰ ਮੱਲ, ਨੰਬਰਦਾਰ ਦੇਵ ਰਾਜ, ਨਸੀਬੋ, ਮੋਹਨ ਲਾਲ, ਗੁਰਦੀਪ ਸਿੰਘ, ਹਰਦੀਪ ਸਿੰਘ, ਹਰਬੰਸ ਲਾਲ, ਸੋਨੀਆ, ਪ੍ਰਕਾਸ਼ ਕੌਰ, ਕਮਲੇਸ਼ ਕੌਰ, ਗੁਰਬਖਸ਼ ਕੌਰ, ਹਰਭਜਨ ਕੌਰ, ਹਰਬੰਸ ਕੌਰ, ਕੁਲਵਿੰਦਰ ਕੌਰ, ਹਰਜਿੰਦਰ ਕੌਰ, ਮੰਜੂ ਆਦਿ ਹਾਜਰ ਸਨ।
ਤਸਵੀਰ ਸਮੇਤ।
