UPDATED.. ਮੋਟਰਸਾਈਕਲ ਸਵਾਰ ਸਕੂਲੀ ਵਿਦਿਆਰਥੀਆਂ ਤੇ ਟੱਰਕ ਵਿਚਾਲੇ ਟੱਕਰ ਚ 2 ਸਕੇ ਭਰਾਵਾਂ ਸਮੇਤ 3 ਦੀ ਮੌਤ,1 ਗੰਭੀਰ ਜਖਮੀ 

ਦਸੂਹਾ 22 ਅਗਸਤ (ਚੌਧਰੀ) : ਮਿਆਣੀ ਪੁਲ ਤੇ ਗੁਰਦੁਆਰਾ ਸਿੰਘ ਸਭਾ ਦੇ ਨਜ਼ਦੀਕ ਇੱਕ ਟਰੱਕ ਅਤੇ ਮੋਟਰਸਾਈਕਲ ਸਵਾਰ ਸਕੂਲੀ ਬੱਚਿਆਂ ਦੀ ਹੋਈ ਜਬਰਦਸਤ ਟੱਕਰ ਚ ਦੋ ਸਕੇ ਭਰਾਵਾਂ ਸਮੇਤ 3 ਵਿਦਿਆਰਥੀਆਂ ਦੀ ਮੌਤ ਅਤੇ 1 ਗੰਭੀਰ ਜਖਮੀ ਹੋਣ ਦਾ ਸਮਾਚਾਰ ਮਿਲਿਆ ਹੈ। ਇਹ ਚਾਰੇ ਵਿਦਿਆਰਥੀ ਡੀ ਏ ਵੀ ਬਲੱਗਣ ਪੜਦੇ ਸਨ।

ਇਹ ਹਾਦਸਾ ਉਸ ਸਮੇ ਵਾਪਰਿਆ ਜਦੋਂ ਇਹ ਚਾਰੇ ਵਿਦਿਆਰਥੀਆਂ ਸਵੇਰੇ 7.50 ਦੇ ਕਰੀਬ ਆਪਣੇ ਮੋਟਰ ਸਾਈਕਲ ਨੂੰ ਪੀ ਬੀ 07 ਬੀ ਸੀ 3812 ਤੇ ਸਵਾਰ ਹੋ ਕੇ ਸਕੂਲ ਲਈ ਜਾ ਰਹੇ ਸਨ। ਜਦੋਂ ਇਹ ਗੁਰਦੁਆਰਾ ਸਿੰਘ ਸਭਾ ਤੋਂ ਥੋੜਾ ਅੱਗੇ ਪਹੁੰਚੇ ਤਾਂ ਸਾਹਮਣੇ ਤੋਂ ਆ ਰਹੇ ਟਰੱਕ ਨੂੰ ਪੀ ਬੀ 23 ਜੀ 9171 ਦੀ ਲਪੇਟ ਵਿਚ ਆ ਗਏ। ਜਿਸਦੇ ਵਿਚ ਦੋ ਦੀ ਮੌਕੇ ਤੇ ਹੀ ਅਤੇ ਇੱਕ ਦੀ ਹਸਪਤਾਲ ਚ ਮੌਤ ਹੋ ਗਈ। ਮ੍ਰਿਤਕਾਂ ਵਿਚ ਇੱਕ ਹੀ ਪਰਿਵਾਰ ਦੇ ਦੋ ਸਕੇ ਭਰਾਵਾਂ ਨਵਦੀਪ ਸਿੰਘ ਤੇ ਪ੍ਰਦੀਪ ਸਿੰਘ ਪੁੱਤਰ ਹਰਦੀਪ ਸਿੰਘ ਨਿਵਾਸੀ ਪਿੰਡ ਕੋਟਲੀ ਅਤੇ ਸ਼ੁਭਾਸ਼ ਪੁੱਤਰ ਰਣਜੀਤ ਦਾਸ ਵਾਸੀ ਵਾਸੀ ਮਰਾਸਗੜ ਸ਼ਾਮਿਲ ਹਨ। ਮ੍ਰਿਤਕਾਂ ਅਤੇ ਗੰਭੀਰ ਜਖਮੀ ਵਿਦਿਆਰਥੀਆਂ ਨੂੰ ਤੁਰੰਤ ਸਿਵਲ ਹਸਪਤਾਲ ਦਸੂਹਾ  ਵਿਖੇ ਲੈ ਜਾਇਆ ਗਿਆ। ਸੂਚਨਾ ਮਿਲਦੇ ਦਸੂਹਾ ਪਹੁੰਚ ਦੇ ਘਟਨਾ ਵਾਲੀ ਥਾਂ ਤੇ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ ਅਤੇ ਮੌਕੇ ਤੇ ਟਰੱਕ ਡਰਾਈਵਰ ਨੂੰ ਕਾਬੂ ਕਰਕੇ ਟਰੱਕ ਕਬਜੇ ਵਿੱਚ ਲੈ ਲਿਆ।ਦਸੂਹਾ ਪੁਲਿਸ ਨੇ ਟਰੱਕ ਡਰਾਈਵਰ ਦੇ ਖਿਲਾਫ ਧਾਰਾ 304 ਦੇ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।