ਦਸੂਹਾ ਵਿਖੇ ਗੈਸ ਸਿਲੰਡਰ ਨੂੰ ਅੱਗ ਲੱਗਣ ਨਾਲ ਇੱਕ ਔਰਤ ਦੀ ਮੌਤ ਅਤੇ ਇੱਕ ਗੰਭੀਰ ਜਖਮੀ 

ਦਸੂਹਾ 2 ਅਗਸਤ( ਚੌਧਰੀ) : ਦਸੂਹਾ ਦੇ ਬਲੱਗਣ ਰੋੜ ਪਰ ਹਕੀਮ ਚੰਡੀਦਾਸ ਦੀ ਰਿਹਾਇਸ਼ ਦੇ ਨਜਦੀਕ ਇੱਕ ਘਰ ਵਿੱਚ ਗੈਸ ਸਿਲੰਡਰ ਦੀ ਗੈਸ ਲੀਕ ਹੋਣ ਤੇ ਅੱਗ ਲੱਗਣ ਨਾਲ ਦੋ ਔਰਤਾਂ ਅੱਗ ਦੀ ਲਪੇਟ ਚ ਆਉਣ ਦਾ ਸਮਾਚਾਰ ਮਿਲਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਦੁਪਹਿਰ 45 ਸਾਲਾਂ ਸ਼ਕੁੰਤਲਾ ਦੇਵੀ ਤੇ ਪ੍ਰਵੀਨ ਕੁਮਾਰੀ ਜੋ ਕਿ ਘਰ ਚ ਅਪਣੀ ਰਸੋਈ ਵਿੱਚ ਸਬਜੀ /ਖਾਣਾ ਬਣਾਉਣ ਲੱਗੀ ਸੀ ਅਤੇ ਗੈਸ ਸਿਲੰਡਰ ਚਾਲੂ ਕਰਦੇ ਸਮੇਂ ਗੈਸ ਸਿਲੰਡਰ ਨੇ ਅੱਗ ਫੜ ਲਈ। ਜਿਸ ਨਾਲ ਰਿਸ਼ਤੇਦਾਰੀ ਵਿੱਚ ਦੋਵੇਂ ਭੈਣਾਂ ਸਿਲੰਡਰ ਨੂੰ ਲੱਗੀ ਅੱਗ ਦੀ ਲਪੇਟ ਵਿੱਚ ਆ ਗਈਆਂ ਅਤੇ ਬੁਰੀ ਤਰਾਂ ਝੁਲਸ ਗਈ। ਜਿਨ੍ਹਾਂ ਨੂੰ ਤੁਰੰਤ ਸਿਵਿਲ ਹਸਪਤਾਲ ਦਸੂਹਾ ਵਿਖੇ ਲੈ ਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਸ਼ਕੁੰਤਲਾ ਦੇਵੀ ਨੂੰ ਮ੍ਰਿਤਕ ਐਲਾਨ ਦਿੱਤਾ ਅਤੇ ਪ੍ਰਵੀਨ ਕੁਮਾਰੀ ਨੂੰ ਮੁਢਲੀ ਸਹਾਇਤਾ ਦੇਣ ਉਪਰੰਤ ਅੱਗੇ ਰੈਫਰ ਕਰ ਦਿੱਤਾ ਗਿਆ।