ਬੱਸ ਹੇਠ ਆਉਣ ਨਾਲ ਇਕ ਵਿਆਕਤੀ ਦੀ ਹੋਈ ਮੌਤ

ਗੜ੍ਹਦੀਵਾਲਾ,1ਜੂਨ (ਚੌਧਰੀ ) :  ਕਨੇਡਾ ਪੈਲਸ ਦੌਸੜਕਾ ਗੁਰਦੁਆਰਾ ਪ੍ਰੀਤਮਪੁਰਾ ਨਜ਼ਦੀਕ ਇਕ ਬੱਸ ਹੇਠ ਆਉਣ ਨਾਲ ਇਕ ਵਿਆਕਤੀ ਦੀ ਮੌਤ ਹੋ ਗਈ ਹੈ। ਸਵੇਰੇ ਸਾਢੇ 7 ਵਜੇ ਦੇ ਕਰੀਬ ਮੋਟਰਸਾਈਕਲ ਨੰਬਰ ਐਚ.ਆਰ.-09-ਸੀ-7895 ਤੇ ਮਲਕੀਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਪਿੰਡ ਕਕਰਾਲੀ ਤੋਂ ਹੁਸ਼ਿਆਰਪੁਰ ਜਾ ਰਿਹਾ ਸੀ, ਜਦੋ ਉਹ ਕਨੇਡਾ ਪੈਲਸ ਦੌਸੜਕਾ ਪਹੁੰਚਾ ਤਾ ਸਾਹਮਣੇ ਤੋਂ ਇੱਕ ਵਿਅਕਤੀ ਮੋਟਰਸਾਈਕਲ ਤੇ ਮੰਜੇ ਲੱਦੀ ਆ ਰਿਹਾ ਸੀ,ਜਿਸ ਦੇ ਮੰਜਿਆ ਨਾਲ ਮਲਕੀਤ ਸਿੰਘ ਦਾ ਮੋਟਰਸਾਈਕਲ ਟਕਰਾਉਣ ਨਾਲ ਉਹ ਸੜਕ ਵਿਚਕਾਰ ਡਿੱਗ ਗਿਆ ਤੇ ਪਿਛੇੋ ਦਸੂਹਾ ਸਾਈਡ ਤੋਂ ਆ ਰਹੀ ਬੱਸ ਦੇ ਪਿਛਲੇ ਟਾਇਰਾਂ ਹੇਠ ਸਿਰ ਆਉਣ ਨਾਲ ਮਲਕੀਤ ਸਿੰਘ ਦੀ ਮੌਕੇ ਤੇ ਹੀ ਮੌਤ ਹੋ ਗਈ।ਮੋਟਰਸਾਇਕਲ ਤੇ ਬੱਸ ਵਾਲਾ ਭੱਜਣ ’ਚ ਸਫਲ ਰਹੇ। ਪੁਲਸ ਚੌਕੀ ਭੂੰਗਾ ਦੇ ਅਧਿਕਾਰੀਆਂ ਵਲੋਂ ਮੌਕੇ ਤੇ ਪਹੁੰਚਕੇ ਲਾਸ਼ ਨੂੰ ਕਬਜੇ ਵਿਚ ਲੈਕੇ ਉਸ ਦਾ ਪੋਸਟਮਾਰਟਮ ਕਰਵਾਉਣ ਲਈ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਭੇਜ ਦਿੱਤੀ ਹੈ। ਪੁਲਸ ਵਲੋਂ ਲਿਖਤੀ ਬਣਦੀ ਕਾਰਵਾਈ ਆਰੰਭ ਦਿੱਤੀ ਹੈ।
ਫੋਟੋ ਕੈਪਸਨ: ਹਾਦਸਾ ਗ੍ਰਸਤ ਮੋਟਰਸਾਈਕਲ, ਮ੍ਰਿਤਕ ਮਲਕੀਤ ਸਿੰਘ ਦੀ ਫਾਈਲ ਫੋਟੋ