ਪਠਾਨਕੋਟ (ਅਵਿਨਾਸ਼ ਸ਼ਰਮਾ )

1 ਜਨਵਰੀ 23 ਤੋਂ ਮੀਜਲ ਰੁਬੇਲਾ ਟੀਕੇ ਦੇ ਨਾਲ IPV ਦਾ ਤੀਜਾ ਟੀਕਾ ਲਾਉਣਾ ਵੀ ਸ਼ਾਮਲ ਕੀਤਾ ਜਾ ਰਿਹਾ ਹੈ ਤਾਂ ਜ਼ੋ ਪੋਲੀਓ ਦੀ ਬੀਮਾਰੀ ਨੂੰ ਖਤਮ ਕੀਤਾ ਜਾ ਸਕੇ:-ਡਾ ਸੰਦੀਪ

23 ਦਸੰਬਰ : ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਤੇ ਸਿਵਲ ਸਰਜਨ ਪਠਾਨਕੋਟ ਡਾਕਟਰ ਰੁਬਿੰਦਰ ਕੌਰ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਅੱਜ ਸੀ ਐਚ ਸੀ ਘਰੋਟਾ ਵਿਖੇ ਸੀਨੀਅਰ ਮੈਡੀਕਲ ਅਫ਼ਸਰ ਇੰਚਾਰਜ ਡਾਕਟਰ ਬਿੰਦੂ ਗੁਪਤਾ ਦੀ ਅਗਵਾਈ ਵਿੱਚ ਸੀ ਐਚ ਸੀ ਘਰੋਟਾ ਅਧੀਨ ਆਉਂਦੇ ਸਮੂਹ ਮੈਡੀਕਲ ਅਫ਼ਸਰ, ਆਯੁਰਵੈਦਿਕ ਮੈਡੀਕਲ ਅਫ਼ਸਰ, ਕਮਿਊਨਿਟੀ ਹੈਲਥ ਅਫਸਰ,ਐਲ ਐਚ ਵੀ,ਏ ਐਨ ਐਮ ਅਤੇ ਆਸਾ ਫੈਸੀਲੀਟੇਟਰ ਦੀ FIPV (ਫਰੈਕਸਨਲ ਡੋਜ ਇੰਜੈਕਟੇਬਲ ਪੋਲੀਓ ਵੈਕਸੀਨ) ਸਬੰਧੀ ਟਰੇਨਿੰਗ ਕਰਵਾਈ ਗਈ। ਟਰੇਨਿੰਗ ਦੌਰਾਨ ਸੰਬੋਧਨ ਕਰਦਿਆਂ ਡਾਕਟਰ ਸੰਦੀਪ ਕੁਮਾਰ ਬੱਚਿਆਂ ਦੇ ਸਪੈਸ਼ਲਿਸਟ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਰੂਟੀਨ ਟੀਕਾਕਰਨ ਵਿਚ ਪਹਿਲੀ ਜਨਵਰੀ 2023 ਤੋਂ MR( ਮੀਜਲ ਰੁਬੇਲਾ) ਟੀਕੇ ਦੇ ਨਾਲ IPV ਦਾ ਤੀਜਾ ਟੀਕਾ ਲਗਾਉਣਾ ਵੀ ਸ਼ਾਮਿਲ ਕੀਤਾ ਜਾ ਰਿਹਾ ਤਾਂ ਜੋ ਪੋਲੀਉ ਦੀ ਬੀਮਾਰੀ ਨੂੰ ਖਤਮ ਕੀਤਾ ਜਾ ਸਕੇ। ਉਹਨਾਂ ਦੱਸਿਆ ਕਿ ਪਹਿਲਾਂ ਤੋਂ ਬੱਚਿਆਂ ਨੂੰ ਇਹ ਛੇ ਹਫਤਿਆਂ ਅਤੇ ਚੌਦਾਂ ਹਫ਼ਤਿਆਂ ਦੀ ਉਮਰ ਵਿੱਚ 2 ਟੀਕੇ ਲਗਾਏ ਜਾ ਰਹੇ ਹਨ ਪਰ ਹੁਣ ਇਕ ਜਨਵਰੀ 2023 ਤੋਂ ਬਾਅਦ ਤੀਸਰਾ ਟੀਕਾ ਵੀ 9 ਮਹੀਨੇ ਦੀ ਉਮਰ ਵਿੱਚ ਲਗਾਇਆ ਜਾਵੇਗਾ। ਡਾਕਟਰ ਬਿੰਦੂ ਗੁਪਤਾ ਸੀਨੀਅਰ ਮੈਡੀਕਲ ਅਫ਼ਸਰ ਸੀ ਐਚ ਸੀ ਘਰੋਟਾ ਵੱਲੋਂ ਸਮੂਹ ਕਮਿਊਨਿਟੀ ਹੈਲਥ ਅਫਸਰ ਨੂੰ ਹਦਾਇਤ ਕੀਤੀ ਗਈ ਉਹ ਕੱਲ੍ਹ ਨੂੰ ਆਪਣੇ ਆਪਣੇ ਹੈਲਥ ਵੈਲਨੈਸ ਸੈਂਟਰ ਅਧੀਨ ਆਉਂਦੀਆਂ ਆਸਾ ਨੂੰ ਵੀ ਇਸ ਸਬੰਧੀ ਟਰੇਨਿੰਗ ਦੇਣ ਅਤੇ ਲੋਕਾਂ ਨੂੰ ਤੀਸਰੇ FIPV ਟੀਕੇ ਬਾਰੇ ਵੱਧ ਤੋਂ ਵੱਧ ਜਾਗਰੂਕ ਕਰਨ।ਇਸ ਮੌਕੇ ਡਾਕਟਰ ਰੋਹਿਤ ਮਹਾਜਨ, ਡਾਕਟਰ ਮਾਧਵੀ ਗੁਪਤਾ ਦੰਦਾ ਦੇ ਡਾਕਟਰ, ਸੀਤਾ ਦੇਵੀ ਐਲ ਐਚ ਵੀ, ਜਤਿੰਦਰ ਕੌਰ ਏ ਐਨ ਐਮ ਅਤੇ ਸਮੂਹ ਕਮਿਊਨਿਟੀ ਹੈਲਥ ਅਫਸਰ ਅਧੀਨ ਸੀ ਐਚ ਸੀ ਘਰੋਟਾ ਹਾਜਰ ਸਨ।