ਗੜ੍ਹਦੀਵਾਲਾ 11 ਮਈ (ਚੌਧਰੀ)
: ਅੱਜ ਕੰਢੀ ਕਨਾਲ ਨਹਿਰ ਵਿਚ ਨਜ਼ਦੀਕ ਪਿੰਡ ਜੋਗੀਆਣਾ ਨਹਾਉਣ ਗਏ ਇੱਕ ਨੌਜਵਾਨ ਦੀ ਡੁੱਬਣ ਨਾਲ ਮੌ+ਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ।ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਦੁਪਿਹਰ ਬਆਦ ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈੱਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਦੇ ਮੁੱਖ ਸੇਵਾਦਾਰ ਸ. ਮਨਜੋਤ ਸਿੰਘ ਤਲਵੰਡੀ ਆਪਣੀ ਟੀਮ ਸਮੇਤ ਮੌਕੇ ਤੇ ਪੁੱਜੇ।
ਸੰਸਥਾ ਦੀ ਟੀਮ ਵਲੋਂ ਨਹਿਰ ‘ਚ ਨੌਜਵਾਨ ਦੀ ਲਾ+ਸ਼ ਦੀ ਭਾਲ ਸ਼ੂਰੂ ਕੀਤੀ ਪਰ ਕਾਫੀ ਲੱਭਣ ਦੀ ਕੋਸ਼ਿਸ਼ ਤੋਂ ਬਾਅਦ ਵੀ ਨੌਜਵਾਨ ਦੀ ਲਾ+ਸ਼ ਅਜੇ ਤੱਕ ਨਹੀਂ ਲੱਭੀ।ਸੰਸਥਾ ਵਲੋਂ ਨੌਜਵਾਨ ਦੀ ਲਾਸ਼ ਸੈਫਨ ਦੇ ਥੱਲੇ ਫਸੇ ਹੋਣ ਦੀ ਸ਼ੰਕਾ ਜਤਾਈ ਜਾ ਰਹੀ ਹੈ। ਸੰਸਥਾ ਵਲੋਂ ਗੋਤਾਖੋਰਾਂ ਦੀ ਮੱਦਦ ਨਾਲ ਕੱਲ ਫਿਰ ਨੌਜਵਾਨ ਦੀ ਲਾ+ਸ਼ ਲੱਭਣ ਲਈ ਯਤਨ ਕੀਤੈ ਜਾਣਗੇ। ਮ੍ਰਿ+ਤ+ਕ ਨੌਜਵਾਨ ਲੱਕੜ ਕੱਟਣ ਆਏ ਕੁਝ ਲੋਕਾਂ ਦਾ ਸਾਥੀ ਦੱਸਿਆ ਜਾ ਰਿਹਾ ਹੈ।
ਇਸ ਮੌਕੇ ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈੱਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਦੇ ਮੁੱਖ ਸੇਵਾਦਾਰ ਸ. ਮਨਜੋਤ ਸਿੰਘ ਤਲਵੰਡੀ ਨੇ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਨਹਿਰ ਵਿਚ ਨਹਾਉਣ ਤੋਂ ਗੁਰੇਜ ਕਰਨ ਤਾਂ ਕਿ ਇਹੋ ਜਿਹਾ ਹੋਰ ਹਾਦਸਾ ਨਾ ਵਾਪਰ ਸਕੇ।
