ਗੜ੍ਹਦੀਵਾਲਾ, 27 ਮਾਰਚ (ਚੌਧਰੀ )

-ਮੋਨੀ ਬਾਬਾ ਪ੍ਰਚੀਨ ਸ਼ਿਵ ਮੰਦਰ ਪਿੰਡ ਕੋਈ ਵਿਖੇ ਸਵ:ਲਾਲਾ ਮਹਾਰਾਜ ਕਿਸ਼ਨ ਅਗਰਵਾਲ ਗੜ੍ਹਦੀਵਾਲਾ ਦੇ ਪਰਿਵਾਰ ਵੱਲੋਂ ਸਲਾਨਾ ਭੰਡਾਰਾ ਸ਼ਰਧਾ ਪੂਰਵਕ ਕਰਵਾਇਆ ਗਿਆ। ਇਸ ਸਬੰਧੀ ਸਵ: ਵਿਜੈ ਅਗਰਵਾਲ ਦੇ ਪੁਤਰ ਭਾਜਪਾ ਆਗੂ ਈਸ਼ੂ ਗੁਪਤਾ ਨੇ ਦੱਸਿਆ ਕਿ ਸਵੇਰੇ 9 ਵਜੋਂ ਹਵਨ ਯੱਗ ਕਰਵਾਇਆ ਗਿਆ, ਉਪਰੰਤ ਵੱਖ-ਵੱਖ ਭਜਨ ਮੰਡਲੀਆਂ ਵੱਲੋਂ ਸ਼ਿਵ ਮਹਿੰਮਾ ਦਾ ਗੁਣਗਾਨ ਕੀਤਾ ਗਿਆ। ਇਸ ਭੰਡਾਰੇ ਦੌਰਾਨ ਸਾਬਕਾ ਕੇਂਦਰੀ ਮੰਤਰੀ ਵਿਜੇ ਸਾਂਪਲਾ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਅਰਵਿੰਦਰ ਸਿੰਘ ਰਸੂਲਪੁਰ ਵਿਸ਼ੇਸ਼ ਤੌਰ ਤੇ ਸ਼ਾਮਿਲ ਹੋਏ ਅਤੇ ਉਹਨਾਂ ਸੰਗਤਾਂ ਨੂੰ ਗੁਰੂ ਚਰਨਾਂ ਵਿੱਚ ਲੱਗ ਕੇ ਆਪਣਾ ਜੀਵਨ ਸਫ਼ਲ ਬਣਾਉਣ ਲਈ ਪ੍ਰੇਰਿਤ ਕੀਤਾ ਗਿਆ। ਇਸ ਮੌਕੇ ਆਈਆਂ ਹੋਈਆਂ ਸ਼ਖਸ਼ੀਅਤਾਂ ਨੂੰ ਇਸ਼ੂ ਗੁਪਤਾ ਅਤੇ ਹੋਰ ਪ੍ਰਬੰਧਕਾਂ ਵੱਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।ਦੁਪਹਿਰ 1 ਵਜੇ ਤੋਂ ਲੰਗਰ ਅਤੁੱਟ ਵਰਤਾਇਆ ਗਿਆ। ਇਸ ਮੌਕੇ ਈਸ਼ੂ ਗੁਪਤਾ, ਰਾਜੂ ਗੁਪਤਾ , ਵਿਵੇਕ ਗੁਪਤਾ, ਅਕੁਲ ਗੁਪਤਾ, ਅਮਿਤ ਗੁਪਤਾ, ਧਰਿਆ ਗੁਪਤਾ, ਦੀਪਕ ਸ਼ਰਮਾ, ਕੁਲਵੀਰ ਰਾਣਾ, ਰਾਜ ਕੁਮਾਰ, ਪੱਪੂ, ਅਰੁਣ ਗੁਪਤਾ, ਨਵੀਨ ਸ਼ਰਮਾ , ਪ੍ਰਿਥੀਪਾਲ ਸਿੰਘ ਦਾਤਾ, ਸੰਜੀਵ ਸਿੰਘ ਕੋਈ, ਲੱਕੀ ਰਾਈ ,ਅਵਿਨਾਸ਼ ਧੁੱਗਾ, ਰਮਨ ਕੁਮਾਰ ,ਸੰਦੀਪ ਕੁਮਾਰ ,ਰਮਨ ਕੁਮਾਰ ,ਸਾਹਿਲ ਸਮੇਤ ਵੱਡੀ ਗਿਣਤੀ ਵਿਚ ਸੰਗਤਾਂ ਹਾਜ਼ਰ ਸਨ।