ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ )

24 ਜੂਨ : ਗੜ੍ਹਦੀਵਾਲਾ ਦੇ ਪਿੰਡ ਡੱਫਰ ਦਾ ਜੰਮਪਲ  ਨੌਜਵਾਨ ਜਸਪਿੰਦਰ ਸਹੋਤਾ  ਪੁੱਤਰ ਪ੍ਰੋ. ਕਸ਼ਮੀਰ ਸਿੰਘ ਅਮਰੀਕਾ ‘ਚ ਡਿਪਟੀ ਸ਼ੈਰਿਫ ਬਣਿਆ ਹੋਇਆ ਹੈ। ਜਿਸ ਨਾਲ ਪਰਿਵਾਰ ਅਤੇ ਪਿੰਡ ਵਾਸੀਆਂ ਵਿਚ ਖੁਸ਼ੀ ਦਾ ਮਾਹੌਲ ਹੈ। ਇਸ ਸਬੰਧੀ ਪਰਿਵਾਰਿਕ ਮੈਬਰਾਂ ਨੇ ਜਾਣਕਾਰੀਆਂ ਦਿੱਤੀਆਂ ਦੱਸਿਆ ਕਿ ਜਸਪਿੰਦਰ ਸਹੋਤਾ ਉਰਫ ਬੱਬੂ ਵਲੋਂ ਅਮਰੀਕਾ ਵਿਚ ਸਖਤ ਮੇਹਨਤ ਸਦਕਾ ਹੁਣ ਉਹ ਅਲੈਗਜੈਂਡਰਿਆ ਬਰਜੀਨਿਆ ਸ਼ੈਰਿਫ ਡਿਪਾਰਟਮੈਂਟ ਵਿੱਚ ਡਿਪਟੀ ਸ਼ੈਰਿਫ ਬਣਿਆ ਹੋਇਆ। ਉਸ ਵਲੋਂ ਆਪਣਾ ਇਹ ਆਹੁਦਾ ਵੀ ਸੰਭਾਲ ਲਿਆ ਗਿਆ ਹੈ।  ਪਰਵਾਰਿਕ ਮੈਬਰਾਂ ਚੋਂ ਮਾਤਾ ਨਰਿੰਦਰ ਕੌਰ ਨੇ ਦੱਸਿਆ ਕਿ  ਦ੍ਰਿੜ ਇਰਾਦੇ ਅਤੇ ਸਖਤ ਮੇਹਨਤ ਸਦਕਾ ਸਾਡਾ ਪੁੱਤਰ ਜਸਪਿੰਦਰ ਸਹੋਤਾ ਇਸ ਮੁਕਾਮ ਤੇ ਪਹੁਚਿਆ ਹੈ। ਉਨ੍ਹਾਂ ਦੱਸਿਆ ਕਿ ਜਸਪਿੰਦਰ ਸਹੋਤਾ ਚਾਰ ਸਾਲ ਪਹਿਲਾਂ ਅਮਰੀਕਾ ਗਿਆ ਸੀ ਅਤੇ ਪਹਿਲਾਂ ਪਹਿਲਾਂ ਉਹ ਟਰੱਕ ਵੀ ਚਲਾਉਂਦਾ ਰਿਹਾ ਹੈ ਤੇ  ਸਖਤ ਮੇਹਨਤ ਸਦਕਾ ਹੁਣ ਨਵੀਆਂ ਉਚਾਈਆਂ ਨੂੰ ਛੂਹੀਆਂ ਹੈ। ਪਿੰਡ ਵਾਸੀਆਂ ਨੇ ਬੱਬੂ ਦੀ ਇਸ ਪ੍ਰਾਪਤੀ ਤੇ ਪਰਿਵਾਰ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ। ਇਸ ਮੌਕੇ ਤੇ ਪਿਤਾ ਪ੍ਰੋ ਕਸ਼ਮੀਰ ਸਿੰਘ, ਮਾਤਾ ਨਰਿੰਦਰ ਕੌਰ,ਸਰਪੰਚ ਹਰਦੀਪ ਸਿੰਘ ਪਿੰਕੀ, ਗੁਰਪ੍ਰੀਤ ਸਹੋਤਾ, ਤੇ ਹੋਰ ਪਰਿਵਾਰਕ ਮੈਂਬਰ ਹਾਜਰ ਸਨ।