ਗੜ੍ਹਦੀਵਾਲਾ (ਚੌਧਰੀ) 

13 ਫਰਵਰੀ : ਪਿੰਡ ਬਾਹਟੀਵਾਲ ਵਿਖੇ ਬਾਬਾ ਰਾਮਜੀ (ਸੂਫ਼ੀ ਲੇਖਕ) ਗੱਦੀ ਨਸ਼ੀਨ ਦਰਬਾਰ ਸ਼੍ਰੀ ਬਾਲਾ ਜੀ ਬਾਹਟੀਵਾਲ ਵਲੋ ਸੰਗਤਾਂ ਅਤੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਜਗਤ ਗੁਰੂ ਰਵਿਦਾਸ ਮਹਾਰਾਜ ਜੀ ਦਾ ਜਨਮ ਉਤਸਵ ਬੜੀ ਸ਼ਰਧਾ ਨਾਲ ਮਨਾਇਆ ਗਿਆ । ਇਸ ਮੋਕੇ ਸਭ ਤੋਂ ਪਹਿਲਾਂ ਗਾਇਕ ਜਰਨੈਲ ਸੋਨੀ ਵਲੋਂ ਗੁਰੂ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਗਿਆ । ਇਸ ਤੋਂ ਬਾਅਦ ਬਾਬਾ ਰਾਜਨ ਗਿਰ ਜੀ ਰਾਜਪੁਰ ਵਾਲਿਆਂ ਨੇ ਸਤਿਸੰਗ ਕੀਰਤਨ ਰਾਹੀਂ ਗੁਰੂ ਰਵਿਦਾਸ ਜੀ ਦੀ ਮਹਿਮਾਂ ਦਾ ਗੁਣਗਾਨ ਤੇ ਉਨ੍ਹਾਂ ਦੇ ਜੀਵਨ ਦਾ ਇਤਿਹਾਸ ਸੁਣਾ ਕੇ ਸੰਗਤਾ ਨੂੰ ਅਨਮੌਲ ਗਿਆਨ ਦੀ ਬਖਸ਼ਿਸ਼ ਕੀਤੀ ਅਤੇ ਕਿਹਾ ਗਿਆ ਸਾਨੂੰ ਗੁਰੂ ਜੀ ਦੇ ਦੱਸੇ ਰਾਹ ਤੇ ਚੱਲ ਕੇ ਜੀਵਨ ਸਫ਼ਲ ਬਣਾਉਣਾ ਚਾਹੀਦਾ ਹੈ ਤੇ ਸਾਨੂੰ ਪੂਰੇ ਗੁਰੂ ਦੇ ਲੜ ਲੱਗ ਕੇ ਹੀ ਰੱਬ ਦੀ ਪ੍ਰਾਪਤੀ ਹੋ ਸਕਦੀ ਹੈ । ਇਸ ਤੋ ਬਾਅਦ ਬਾਬਾ ਰਾਮ ਜੀ ਵਲੋਂ ਆ ਏ ਹੋਏ ਸਾਧੂ ਸੰਤਾਂ ਤੇ ਬਾਬਾ ਰਾਜਨ ਗਿਰ ਜੀ ਦਾ ਗੁਰੂ ਰਵਿਦਾਸ ਜੀ ਦਾ ਯਾਦ ਚਿਨ੍ਹ ਤੇ ਸਰੋਪਿਓ ਦੇ ਕੇ ਸਨਮਾਨਿਤ ਕੀਤਾ । ਇਸ ਮੋਕੇ ਵਿਸ਼ਾਲ ਲੰਗਰ ਲਗਾਇਆ ਗਿਆ । ਇਸ ਮੋਕੇ ਨੰਬਰਦਾਰ ਦਲਜੀਤ ਕੁਮਾਰ, ਚੌਕੀਦਾਰ ਹਜ਼ਾਰਾ ਰਾਮ, ਪੰਚ ਆਸ਼ਾ ਰਾਣੀ, ਰਮਨ ਕੁਮਾਰ, ਸ਼ੁਬਮ ਸਹੋਤਾ ਗੜ੍ਹਦੀਵਾਲਾ , ਬੂਟਾ ਰਾਮ, ਗਿਆਨ ਚੰਦ, ਗੁਰਦਿਆਲ ਸਿੰਘ ਲਾਟੂ, ਬਲਦੇਵ ਸਿੰਘ, ਦਵਿੰਦਰ ਸਿੰਘ, ਬਕਸ਼ੀਸ਼ ਸਿੰਘ, ਮਹਿੰਦਰ ਪਾਲ, ਜੈ ਰਾਮ, ਮੋਤੀ ਲਾਲ ਆਦਿ ਸੰਗਤਾ ਹਾਜ਼ਰ ਸਨ ।