ਗੜ੍ਹਦੀਵਾਲਾ 23 ਅਪ੍ਰੈਲ (ਪ੍ਰਦੀਪ ਕੁਮਾਰ / ਚੌਧਰੀ) 

: ਗੜ੍ਹਦੀਵਾਲਾ ਦੇ ਨਜਦੀਕੀ ਪਿੰਡ ਢੋਲੇਵਾਲ ਵਿਖੇ ਤਿੰਨ ਮੋਟਰਸਾਈਕਲ ਅਣਪਛਾਤੇ ਚੋਰਾਂ ਨੇ ਇੱਕ ਘਰ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਘਰ ਵਿਚੋਂ ਸੋਨੇ ਦੇ ਗਹਿਣੇ ਤੇ 50/60 ਹਜਾਰ ਰੁ ਦੀ ਨਕਦੀ ਚੋਰੀ ਕਰਕੇ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਗੜ੍ਹਦੀਵਾਲਾ ਪੁਲਿਸ ਨੇ ਘਟਨਾ ਤੋਂ ਲਗਭਗ 10 ਦਿਨ ਬਾਅਦ ਮੋਟਰਸਾਈਕਲ ਸਵਾਰ ਤਿੰਨ ਅਣਪਛਾਤਿਆਂ ਤੇ ਮਾਮਲਾ ਦਰਜ ਵੀ ਕੀਤਾ ਹੈ।

ਪੁਲਿਸ ਨੇ ਜਸਵਿੰਦਰ ਕੌਰ ਪਤਨੀ ਸੋਹਣ ਲਾਲ ਵਾਸੀ ਢੋਲੋਵਾਲ ਥਾਣਾ ਗੜ੍ਹਦੀਵਾਲਾ ਜਿਲ੍ਹਾ ਹੁਸ਼ਿਆਰਪੁਰ ਕਿ ਮਿਤੀ 12-4-2024 ਸਮਾਂ 09-00 ਵਜੇ ਉਹ ਸਮੇਤ ਆਪਣੇ ਲੜਕੇ ਨਾਲ ਦਵਾਈ ਲੈਣ ਲਈ ਹੁਸ਼ਿਆਰਪੁਰ ਗਈ ਸੀ ਤਾਂ ਜੱਦ ਵਾਪਸ 2-30 ਪੀ.ਐਮ ਵਜੇ ਘਰ ਆਏ ਤਾਂ ਘਰ ਦੇ ਗੇਟ ਦਾ ਤਾਲਾ ਟੁੱਟਾ ਹੋਇਆ ਸੀ ਤੇ ਅੰਦਰ ਅਲਮਾਰੀ ਖੁੱਲੀ ਪਈ ਸੀ। ਜਿਸ ਵਿੱਚੋ 50/60 ਹਜਾਰ ਰੁ;,ਸੋਨੇ ਦੇ ਗਹਿਣੇ ਇੱਕ ਚੂੜੀ ਸੋਨਾ,ਚਾਰ ਅੰਗੂਠੀਆਂ ਸੋਨਾ, ਕੋਈ ਨਾ ਮਲੂਮ ਚੋਰ ਚੋਰੀ ਕਰਕੇ ਲੈ ਗਏ।ਸੀ.ਸੀ.ਟੀ.ਵੀ ਕੈਮਰੇ ਚੈਕ ਕਰਨ ਤੇ 3 ਨਾ ਮਲੂਮ ਵਿਅਕਤੀ ਮੋਟਰਸਾਇਕਲ ਅਪਾਚੀ ਪਰ ਘੁੰਮਦੇ ਦਿਖਾਈ ਦਿੱਤੇ। ਗੜ੍ਹਦੀਵਾਲਾ ਪੁਲਿਸ ਫਿਲਹਾਲ ਤਿੰਨ ਨਾ ਮਾਲੂਮ ਤੇ ਮਾਮਲਾ ਦਰਜ ਕੀਤਾ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਪੁਲਿਸ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਵਾਲਿਆਂ ਤੱਕ ਪਹੁੰਚ ਪਾਉਂਦੀ ਹੈ ਜਾਂ ਨਹੀਂ।