ਦਸੂਹਾ 23 ਅਪ੍ਰੈਲ (ਚੌਧਰੀ) 

: ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਦੇ ਪ੍ਰਧਾਨ ਕਰਨਲ ਜੋਗਿੰਦਰ ਲਾਲ ਸ਼ਰਮਾ,ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਅਤੇ ਡਾ. ਦਿਲਬਾਗ ਸਿੰਘ ਹੁੰਦਲ ਸਕੱਤਰ ਦਾ ਵਫ਼ਦ ਫੈਡਰੇਸ਼ਨਸ ਆਫ ਸੀਨੀਅਰ ਸਿਟੀਜ਼ਨਜ਼ ਐਸੋਸੀਏਸ਼ਨਸ ਪੰਜਾਬ (ਫੈਡਸਨ ਪੰਜਾਬ) ਦੀ ਗਵਰਨਿੰਗ ਬਾਡੀ ਦੀ ਵਿਸ਼ੇਸ਼ ਮੀਟਿੰਗ ਵਿੱਚ ਰੋਟਰੀ ਕਲੱਬ, ਸਰਾਭਾ ਨਗਰ, ਲੁਧਿਆਣਾ ਵਿਖੇ ਸ਼ਾਮਲ ਹੋਇਆ। ਗਵਰਨਿੰਗ ਬਾਡੀ ਦੀ ਮੀਟਿੰਗ ਵਿੱਚ ਸਰਬ ਸੰਮਤੀ ਨਾਲ ਪ੍ਰੋਫੈਸਰ ਆਰ.ਕੇ ਕੱਕੜ ਪਟਿਆਲਾ ਨੂੰ ਸਾਲ 2024-26 ਲਈ ਫੈਡਸਨ ਪੰਜਾਬ ਦਾ ਪ੍ਰਧਾਨ ਅਤੇ ਐਸ.ਪੀ ਕਰਕਰਾ ਰਿਟਾਇਰਡ ਆਈ.ਏ.ਐਸ ਨੂੰ ਫੈਡਸਨ ਪੰਜਾਬ ਦਾ ਲਾਈਫ ਟਾਈਮ ਚੇਅਰਮੈਨ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਫੈਡਸਨ ਦਾ ਲੇਖਾ ਜੋਖਾ ਇੰਦਰਜੀਤ ਸਿੰਘ ਸਿੱਧੂ ਜਰਨਲ ਸਕੱਤਰ ਵੱਲੋਂ ਪੇਸ਼ ਕੀਤਾ ਗਿਆ। ਫੈਡਸਨ ਪੰਜਾਬ ਵੱਲੋਂ ਗਵਰਨਿੰਗ ਬਾਡੀ ਦੇ ਮੈਂਬਰਾਂ ਨੂੰ ਫੈਡਸਨ ਦੀ ਆਰਥਿਕ ਸਥਿਤੀ ਮਜ਼ਬੂਤ ਕਰਨ ਲਈ ਦਾਨ ਦੇਣ ਲਈ ਅਪੀਲ ਕੀਤੀ ਗਈ। ਇਸ ਮੀਟਿੰਗ ਦੀ ਪ੍ਰਧਾਨਗੀ ਐਮ.ਐਸ ਮੰਡ ਪ੍ਰਧਾਨ ਨੇ ਕੀਤੀ। ਅੰਤ ਵਿੱਚ ਦਸੂਹਾ ਦੇ ਵਫ਼ਦ ਨੇ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਪ੍ਰਧਾਨ ਦੀ ਅਗਵਾਈ ਵਿੱਚ ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਅਤੇ ਡਾ. ਦਿਲਬਾਗ ਸਿੰਘ ਹੁੰਦਲ ਸਕੱਤਰ ਵੱਲੋਂ ਫੁੱਲਾਂ ਦਾ ਗੁਲਦਸਤਾ ਦੇ ਕੇ ਫੈਡਸਨ ਪੰਜਾਬ ਦੇ ਨਵੇਂ ਬਣੇ ਪ੍ਰਧਾਨ ਪ੍ਰੋਫੈਸਰ ਸ਼੍ਰੀ ਆਰ.ਕੇ ਕੱਕੜ ਪਟਿਆਲਾ ਨੂੰ ਵਧਾਈ ਦਿੰਦੇ ਹੋਏ ਸਨਮਾਨਿਤ ਕੀਤਾ।

ਕੈਪਸ਼ਨ : ਤਸਵੀਰ ਵਿੱਚ ਪ੍ਰੋਫੈਸਰ ਆਰ.ਕੇ ਕੱਕੜ ਪਟਿਆਲਾ ਨੂੰ ਫੁੱਲਾਂ ਦਾ ਗੁਲਦਸਤਾ ਦਿੰਦੇ ਹੋਏ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ,ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਅਤੇ ਡਾ.ਦਿਲਬਾਗ ਸਿੰਘ ਹੁੰਦਲ।