ਗੁਰਦਾਸਪੁਰ(ਅਸ਼ਵਨੀ)

6 ਫਰਵਰੀ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਦੀ ਪੁਲੀਸ ਵਲੋ 3 ਵਿਅਕਤੀਆ ਨੂੰ ਚੋਰੀ ਦੇ 5 ਮੋਟਰ-ਸਾਈਕਲ ਅਤੇ 97 ਪਾਬੰਦੀ ਸ਼ੂਦਾ ਗੋਲੀਆਂ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ।
ਸਬ ਇੰਸਪੈਕਟਰ ਰਾਮੇਸ਼ ਕੁਮਾਰ ਪੁਲਿਸ ਸਟੇਸ਼ਨ ਧਾਰੀਵਾਲ ਨੇ ਦੱਸਿਆ ਕਿ ਉਹ ਸਮੇਤ ਪੁਲਿਸ ਪਾਰਟੀ ਗਸ਼ਤ ਕਰਦੇ ਹੋਏ ਜਦੋਂ ਨਵਾਂ ਬਸ ਸਟੈਂਡ ਧਾਰੀਵਾਲ ਪੁੱਜੇ ਤਾਂ ਜਸਵੰਤ ਸਿੰਘ ਪੁੱਤਰ ਦਰਸ਼ਨ ਸਿੰਘ ਵਾਸੀ ਫੱਤੇ ਨੰਗਲ ਨੇ ਆਪਣਾ ਬਿਆਨ ਕਰਵਾਇਆ ਕਿ ਬੀਤੀ 4 ਫਰਵਰੀ ਨੂੰ ਉਸ ਨੇ ਆਪਣਾ ਮੋਟਰ-ਸਾਈਕਲ ਨੰਬਰ ਪੀ ਬੀ 06 ਏ ਵਾਈ 1949 ਡੋਗਰਾ ਲੈਬਾਟਰੀ ਪਾਸ ਲਗਾਇਆ ਸੀ ਜੋ ਕੋਈ ਵਿਅਕਤੀ ਕਰੀਬ 4.30 ਵਜੇ ਚੋਰੀ ਕਰਕੇ ਲੇ ਗਿਆ ਹੈ । ਸ਼ਿਕਾਇਤ ਕਰਤਾ ਨੇ ਹੋਰ ਦੱਸਿਆ ਕਿ ਭਾਲ ਕਰਨ ਤੇ ਪਤਾ ਲੱਗਾ ਕਿ ਜੋਗਾ ਮਸੀਹ ਵਾਸੀ ਕਿਲ੍ਹਾ ਟੇਕ ਸਿੰਘ ਅਤੇ ਉਸ ਦੇ ਨਾਲ ਰਾਮੇਸ਼ ਕੁਮਾਰ ਉਰਫ ਮੇਸ਼ਾ ਵਾਸੀ ਬਾਸਰਪੁਰ ਜੋ ਚੋਰੀ ਦੇ ਮੋਟਰ-ਸਾਈਕਲ ਵੇਚਣ ਲਈ ਦਾਨਾ ਮੰਡੀ ਧਾਰੀਵਾਲ ਵਿੱਚ ਮੋਜੂਦ ਹਨ । ਇਸ ਬਾਰੇ ਸੂਚਨਾ ਮਿਲਣ ਤੇ ਪੁਲਿਸ ਪਾਰਟੀ ਸਮੇਤ ਦਾਨਾ ਮੰਡੀ ਧਾਰੀਵਾਲ ਰੇਡ ਕੀਤਾ ਤਾਂ ਉਕਤ ਮੰਗਾ ਮਸੀਹ ਅਤੇ ਰਾਮੇਸ਼ ਕੁਮਾਰ ਉਰਫ ਮੇਸ਼ਾ ਨੂੰ ਪੰਜ ਚੋਰੀ ਦੇ ਮੋਟਰ-ਸਾਈਕਲਾਂ ਸਮੇਤ ਕਾਬੂ ਕੀਤਾ ।
ਸਹਾਇਕ ਸਬ ਇੰਸਪੈਕਟਰ ਰਾਮੇਸ਼ ਲਾਲ ਪੁਲਿਸ ਸਟੇਸ਼ਨ ਬਹਿਰਾਮਪੁਰ ਨੇ ਦੱਸਿਆ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਨਾਕਾਬੰਦੀ ਦੇ ਸੰਬੰਧ ਵਿੱਚ ਅੱਡਾ ਬਹਿਰਾਮਪੁਰ ਤੋਂ ਗੋਰਵਜੀਤ ਸਿੰਘ ਵਾਸੀ ਗਾਹਲੜੀ ਨੂੰ ਸ਼ੱਕ ਪੈਣ ਉੱਪਰ ਮੋਟਰ-ਸਾਈਕਲ ਨੰਬਰ ਪੀ ਬੀ 02 ਬੀ ਜੈਡ 5383 ਸਮੇਤ ਕਾਬੂ ਕਰਕੇ ਤਲਾਸ਼ੀ ਕੀਤੀ ਤਾਂ 97 ਪਾਬੰਦੀ ਸ਼ੂਦਾ ਗੋਲੀਆ ਬਿਨ੍ਹਾ ਮਾਰਕਾ ਬਰਾਮਦ ਹੋਈਆਂ ।