ਗੁਰਦਾਸਪੁਰ (ਅਸ਼ਵਨੀ)

6 ਫਰਵਰੀ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਭੈਣੀ ਮੀਆਂ ਖਾਂ ਅਧੀਨ ਪੈਂਦੇ ਇਕ ਪਿੰਡ ਦੀ ਵਸਨੀਕ ਇਕ ਨਬਾਲਗ਼ ਲੜਕੀ ਨਾਲ ਜ਼ਬਰਦਸਤੀ ਕਰਨ ਦੀ ਕੋਸ਼ਿਸ ਕਰਨ ਤੇ ਪੁਲਿਸ ਵਲੋ ਦੋ ਨੂੰ ਨਾਮਜ਼ਦ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ । ਪੀੜਤ ਲੜਕੀ ਦੇ ਵਲੋ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਦੀ ਉਮਰ 13 ਸਾਲ ਹੈ ਤੇ ਉਹ ਸੱਤਵੀ ਕਲਾਸ ਵਿੱਚ ਪੜਦੀ ਹੈ । ਬੀਤੀ 3 ਫ਼ਰਵਰੀ 2023 ਨੂੰ ਉਹ ਕਰੀਬ 8 ਵਜੇ ਪਸ਼ੂਆ ਨੂੰ ਕਮਰੇ ਅੰਦਰ ਬੰਨ ਕੇ ਘਰ ਆਉਣ ਲੱਗੀ ਤਾਂ ਦੋ ਲੜਕੇ ਆ ਗਏ ਤੇ ਉਸ ਨੂੰ ਜ਼ਬਰਦਸਤੀ ਫੜ ਕੇ ਕਮਾਦ ਦੇ ਖੇਤਾਂ ਵਿੱਚ ਲੇ ਗਏ ਤੇ ਉਸ ਨਾਲ ਜ਼ਬਰਦਸਤੀ ਕਰਨ ਦੀ ਕੋਸ਼ਿਸ਼ ਕਰਨ ਲੱਗ ਪਏ ਮੋਕਾ ਤੇ ਉਸ ਦੇ ਘਰ ਦੇ ਉਸ ਨੂੰ ਲੱਭਦੇ ਹੋਏ ਆ ਗਏ ਜਿਹਨਾ ਨੂੰ ਵੇਖਦੇ ਹੋਏ ਦੋਵੇ ਲੜਕੇ ਮੋਕਾ ਤੋਂ ਫ਼ਰਾਰ ਹੋ ਗਏ । ਤਫਤੀਸ਼ੀ ਅਫਸਰ ਇੰਸਪੈਕਟਰ ਅਮਨਦੀਪ ਕੋਰ ਨੇ ਦੱਸਿਆ ਕਿ ਪੀੜਤ ਲੜਕੀ ਦੇ ਬਿਆਨ ਤੇ ਪੁਲਿਸ ਵੱਲੋਂ ਦੋ ਵਿਅਕਤੀਆਂ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।