ਸਕੂਟਰੀ ਤੇ ਜਾ ਰਹੇ ਪਤੀ ਪਤਨੀ ਚ ਇੱਕ ਵਿਅਕਤੀ ਨੇ ਮਾਰੀ ਸਕੂਟਰੀ,ਬਾਅਦ ਵਿਚ ਪਰਸ ਚੋਂ ਪੈਸੇ ਕੱਢ ਕੇ ਹੋਇਆ ਫਰਾਰ,ਮਾਮਲਾ ਦਰਜ
ਗੜ੍ਹਦੀਵਾਲਾ 5 ਮਈ (ਚੌਧਰੀ / ਕਮਲਜੀਤ ਭਟੋਆ) : ਸਕੂਟਰੀ ਤੇ ਜਾ ਰਹੇ ਪਤੀ ਪਤਨੀ ਵਿੱਚ ਸਕੂਟਰੀ ਮਾਰ ਕੇ ਉਨ੍ਹਾਂ ਹੇਠਾਂ ਸੁਟਣ ਅਤੇ ਪਰਸ ਚੋਂ ਪੈਸੇ ਖੋਹ ਕੇ ਭੱਜਣ ਤੇ ਸਥਾਨਕ ਪੁਲਿਸ ਨੇ ਇੱਕ ਵਿਅਕਤੀ ਤੇ ਮਾਮਲਾ ਦਰਜ ਕੀਤਾ ਹੈ। ਦੋਸ਼ੀ ਦੀ ਪਛਾਣ ਸਤਨਾਮ ਸਿੰਘ ਪੁੱਤਰ ਬਲਵੀਰ ਸਿੰਘ ਵਾਸੀ ਗੜ੍ਹਦੀਵਾਲਾ ਜਿਲਾ ਹੁਸ਼ਿਆਰਪੁਰ ਵੱਜੋਂ ਹੋਈ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮਨਜੀਤ ਕੌਰ ਪਤਨੀ ਕਸ਼ਮੀਰ ਸਿੰਘ ਵਾਸੀ ਮਿਰਜਾਪੁਰ ਥਾਣਾ ਗੜਦੀਵਾਲਾ ਜਿਲਾ ਹੁਸ਼ਿਆਰਪੁਰ ( ਉਮਰ ਕਰੀਬ 60 ਸਾਲ) ਨੇ ਕਿਹਾ ਕਿ ਮਿਤੀ 04 05-2022 ਨੂੰ ਮੈਂ ਆਪਣੇ ਪਤੀ ਨਾਲ ਐਕਟੀਵਾ ਨੰਬਰ ਨੂੰ PB07-AP-1587 ਪਰ ਆਪਣੇ ਪਿੰਡ ਨੂੰ ਜਾ ਰਹੇ ਸੀ ਤਾਂ ਪਿੰਡ ਕੰਢਾਲੀਆਂ ਮੋੜ ਤੋ ਥੋੜਾ ਅੱਗੇ ਪੁੱਜੇ ਤਾ ਸਤਨਾਮ ਸਿੰਘ ਪੁੱਤਰ ਬਲਵੀਰ ਸਿੰਘ ਵਾਸੀ ਗੜ੍ਹਦੀਵਾਲਾ ਨੇ ਆਪਣੀ ਸਕੂਟਰੀ ਸਾਡੀ ਸਕੂਟਰੀ ਵਿੱਚ ਮਾਰੀ ਅਸੀ ਹੇਠਾਂ ਡਿੱਗ ਪਏ ਤੇ ਮੇਰੇ ਕੋਲੋਂ ਕੰਨਾਂ ਦੀਆਂ ਵਾਲੀਆਂ ਖੋਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਖੋਹ ਨਹੀਂ ਸਕਿਆ ਅਤੇ ਮੇਰਾ ਪਰਸ ਜਿਸ ਵਿੱਚ ਮੇਰੇ 1400 ਰੁਪਏ ਸੀ ਜੋ ਖੋਹ ਕੇ ਮੋਕੇ ਤੋ ਭੱਜ ਗਿਆ।ਪੁਲਿਸ ਨੇ ਉਕਤ ਦੋਸ਼ੀ ਖਿਲਾਫ ਧਾਰਾ 379 ਭ:ਦ ਅਧੀਨ ਮਾਮਲਾ ਦਰਜ ਕੀਤਾ ਹੈ।
