ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ) ਇਲਾਕਾ ਬੀਤ ਦੇ ਅੱਡਾ ਹੈਬੋਵਾਲ ਤੋਂ ਇੱਕ ਕਰਿਆਨੇ ਦੀ ਦੁਕਾਨ ਵਿੱਚੋਂ ਚੋਰ ਘਿਓ ਦੇ ਤਿੰਨ ਟੀਨ ਲੈਕੇ ਫਰਾਰ ਹੋ ਗਏ, ਪਰ ਪੈਣ ਤੇ ਪਿਛਾ ਕਰਨ ਤੇ ਘੇਰਾ ਪਾਉਣ ਤੋਂ ਬਾਅਦ ਚੋਰ ਮੋਟਰਸਾਇਕਲ ਤੇ ਟੀਨ ਛੱਡਕੇ ਫਰਾਰ ਹੋ ਗਏ। ਜਾਣਕਾਰੀ ਦਿੰਦਿਆਂ ਦੁਕਾਨਦਾਰ ਗੁਰੂਦੱਤ ਸ਼ਰਮਾਂ ਨੇ ਦਸਿਆ ਕਿ ਪਹਿਲਾਂ ਕਥਿਤ ਦੋਸ਼ੀਆਂ ਨੇ ਮੇਰੇ ਕੋਲੋਂ ਸਮਾਨ ਲਿਆ ਅਤੇ ਜਦੋਂ ਮੈਂ ਹੋਰ ਗਾਹਕ ਨੂੰ ਸਮਾਨ ਦੇ ਰਿਹਾ ਸੀ ਦਾ ਮੌਕਾ ਦੇਖਕੇ ਚੋਰ ਨਾਲ ਦੀ ਦੁਕਾਨ ਵਿੱਚੋਂ 3ਟੀਨ ਮੋਟਰਸਾਇਕਲ ਤੇ ਫਰਾਰ ਹੋ ਗਏ। ਰੌਲਾ ਪੈਣ ਤੇ ਮੈਂ ਤੇ ਮੇਰੇ ਨਾਲ ਹੋਰ ਨੌਜਵਾਨਾਂ ਨੇ ਚੋਰਾ ਦਾ ਪਿੱਛਾ ਕੀਤਾ ਅਤੇ ਟੱਬਾਂ ਨਜ਼ਦੀਕ ਚੋਰਾ ਨੇ ਘੇਰਾ ਪੈਣ ਤੇ ਮੋਟਰਸਾਇਕਲ ਤੇ ਘਿਓ ਦੇ ਟੀਨ ਛੱਡਕੇ ਜੰਗਲ ਵੱਲ ਨੂੰ ਫਰਾਰ ਹੋ ਗਏ। ਜਿਸ ਵਾਰੇ ਮੈਂ ਪੁਲਿਸ ਨੂੰ ਇਤਲਾਹ ਦੇ ਦਿੱਤੀ ਹੈ।