ਹਰਿਆਣਾ / ਗੜ੍ਹਦੀਵਾਲਾ (ਚੌਧਰੀ) 

53 ਕਿਲੋਗ੍ਰਾਮ ਡੋਡੇ ਚੂਰਾ ਪੋਸਤ ਸਮੇਤ ਇੱਕ ਵਿਅਕਤੀ ਨੂੰ ਪੁਲਿਸ ਨੇ ਕੀਤਾ ਕਾਬੂ 

5 ਸਤੰਬਰ : 53 ਕਿਲੋਗ੍ਰਾਮ ਡੋਡੇ ਚੂਰਾ ਪੋਸਤ ਸਮੇਤ ਇੱਕ ਵਿਅਕਤੀ ਨੂੰ ਹਰਿਆਣਾ ਪੁਲਸ ਨੇ ਕੀਤਾ ਕਾਬੂ ਹੈ। ਮੁਲਜ਼ਮ ਦੀ ਪਛਾਣ ਗੁਲਾਮ ਨਬੀ ਬਾਬਾ ਪੁੱਤਰ ਹਬੀਬ ਬੁੱਲਾ ਬਾਬਾ ਵਾਸੀ ਡਾਗਰਪੁਰਾ ਕੋਟ ਰੋਡ ਜਿਲ੍ਹਾ ਅਨੰਤਨਾਗ,ਕਸ਼ਮੀਰ ਵਜੋਂ ਹੋਈ ਹੈ।

ਪੁਲਿਸ ਐਫ ਆਈ ਆਰ ਮੁਤਾਬਕ ਐਸ ਆਈ ਜੋਗਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਸੀ ਆਈ ਏ ਸਟਾਫ ਹੁਸਿਆਰਪੁਰ ਤੋਂ ਬਾ ਸਵਾਰੀ ਸਰਕਾਰੀ ਗੱਡੀ ਬ੍ਰਾਏ ਕਰਨੇ ਗਸਤ/ਚੈਕਿੰਗ ਭੈੜੇ ਪੁਰਸਾਂ ਦੇ ਸਬੰਧ ਵਿੱਚ ਹਰਿਆਣਾ ਸ਼ਹਿਰ ਤੋ ਢੋਲਬਾਹਾ ਨੂੰ ਜਾਂਦੀ ਸੜਕ ਤੇ ਟੀ-ਪੁਆਇੰਟ ਪਿੰਡ ਖੇਪੜਾ ਤੇ ਨਾਕਾਬੰਦੀ ਕਰਕੇ ਚੈਕਿੰਗ ਕਰ ਰਹੇ ਸੀ ਤਾਂ ਇੱਕ ਚਿੱਟੇ ਰੰਗ ਦੀ ਸਵਿਫਟ ਡਜਾਇਰ ਕਾਰ ਆਉਂਦੀ ਦਿਖਾਈ ਦਿੱਤੀ ਜਿਸ ਨੂੰ ਇੱਕ ਮੋਨਾ ਵਿਅਕਤੀ ਚਲਾ ਰਿਹਾ ਸੀ। ਜਿਸ ਨੂੰ ਸ਼ੱਕ ਦੀ ਬਿਨਾਹ ਤੇ ਰੋਕ ਕੇ ਨਾਮ ਪਤਾ ਪੁਛਿਆ ਜਿਸ ਨੇ ਆਪਣਾ ਨਾਮ ਗੁਲਾਮ ਨਬੀ ਬਾਬਾ ਪੁੱਤਰ ਹਬੀਬ ਬੁੱਲਾ ਬਾਬਾ ਵਾਸੀ ਡਾਗਰਪੁਰਾ ਕੋਟ ਰੋਡ ਜਿਲ੍ਹਾ ਅਨੰਤਨਾਗ, ਕਸ਼ਮੀਰ ਦੱਸਿਆ। ਕਾਰ ਨੰਬਰੀ PB-01A 4570 ਦੀ ਤਲਾਸ਼ੀ ਕਰਨ ਉਪਰੰਤ ਉਕਤ ਕਾਰ ਦੀ ਡਿੱਗੀ ਵਿੱਚੋ 53 ਕਿਲੋਗ੍ਰਾਮ ਡੋਡੇ ਚੂਰਾ ਪੋਸਤ ਬ੍ਰਾਮਦ ਕੀਤੇ ਗਏ। ਜਿਸ ਤੇ ਮੁਕੱਦਮਾ ਦਰਜ ਕੀਤਾ ਗਿਆ।